Ezra 8:16 - BAIBLO ALOO NGMAMI KLƆUKLƆU Ɔ

¹⁶ Lɔ ɔ he ɔ, i tsɔ nɛ a ya tsɛ ma nimeli nɛ ɔmɛ kɛ ba: Eliezer, Ariel, Shemaya, Elnatan, Yarib, Elnatan, Natan, Zakaria, kɛ Meshulam. Yoyarib kɛ Elnatan nɛ a juɛmi mi kuɔ saminya a hu piɛ a he.

Ezra 8:16 ပူးပေါင်းရင်းမြစ်များ

1 Yohane 5:20

Wa le kaa Mawu Bi ɔ ba, nɛ e ba bli wa juɛmi nya, konɛ waa le anɔkuale Mawu ɔ. Amlɔ nɛ ɔ, waa kɛ anɔkuale Mawu ɔ ngɛ, ejakaa wa ngɛ e Bi Yesu Kristo ɔ mi. Lɛ ji anɔkuale Mawu ɔ nɛ, nɛ enɛ ɔ ji neneene wami.

2 Timoteo 2:7

Susuu nɔ́ nɛ i ngɛ mo dee nɛ ɔ he, nɛ Nyɔmtsɛ ɔ nitsɛ ma ha nɛ o nu nɔ́ tsuaa nɔ́ sisi.

Daniel 2:21

Lɛ nɛ e haa be, kɛ yi nɔhi baa; e woɔ matsɛ, nɛ e kpaa matsɛ; lɛ nɛ e haa nɔ nile kɛ nɔ́ sisi numi.

Abɛ Womi 28:2

Ma nɛ peeɔ yayami ɔ, pe a hii ma nɔ yeli ɔmɛ tsakee nɔtonɔto kpamisa. Se ma nɛ ní leli, kɛ nɔ́ sisi nuli hiɛ ngɛ mi ɔ, e maa si kpɛii.

Abɛ Womi 20:5

Juɛmi nɛ ngɛ nɔmlɔ adesa yi mi ɔ, e mi kuɔ kaa nyu ngɛ vu mi tsitsaa lokoo. Se ní lelɔ jeɔ juɛmi nɛ ɔ kpo ngɛ be nɛ sa mi.

Abɛ Womi 2:6

Yawɛ lɛ haa nɔ nile; lɛ nɛ e tsɔɔ nɔ nile, kɛ nɔ́ sisi numi.

Ezra 10:21

Harim we puɔ nya: Maaseya, Eliya, Shemaya, Yehiel, kɛ Uzia.

Ezra 8:18

Mawu dloomi nya a, a ha wɔ Sherebia, nyumu ko nɛ hɛ mi ka si. E je Mahli we puɔ nya. E tsɛ ji Levi, nɛ e nɛ̃ biɛ ji Israel. E kɛ e binyumuhi, kɛ e nyɛminyumuhi nɛ piɛ e he kɛ ba a, a yibɔ ji nyɔngma kɛ kpaanyɔ.

Kronika II, 2:12

Á je Yawɛ, Israel Mawu nɛ bɔ hiɔwe kɛ zugba a yi! E ha Matsɛ David bi ní lelɔ; nɔ nɛ hɛ mi ka si, nɛ e ngɛ juɛmi; nɔ nɛ ma ba po we ha Yawɛ, nɛ e maa ma lɛ nitsɛ hu e we.

Kronika I, 26:14

Nɛ́ a fɔ sɔ ɔ, a kɛ agbo ɔ nɛ ngɛ beleku je ɔ ha Shelamia, nɛ a kɛ omleyi je nɔ́ ɔ ha e bi Zakaria. Zakaria nɛ ɔ, a tsɔɔ kaa e woɔ ga kpakpa.

Matsɛmɛ I, 3:11

Lɔ ɔ he ɔ, Mawu de lɛ ke, “Akɛnɛ o bi nile nɛ o kɛ ye dami sane, se o bi we ke o wami se nɛ kɛ, aloo o ma na ní, aloo a gbe o he nyɛli ha mo he je ɔ,

Ezra 8:15

I bua ni ɔmɛ tsuo a nya kɛ ho pa nɛ bee kɛ yaa Ahava ma a mi ɔ nya ya. Wa hi lejɛ ɔ ligbi etɛ. I na osɔfohi ngɛ lejɛ ɔ, se Levi bi ɔmɛ lɛɛ a ti nɔ ko nɔ ko be a kpɛti.

Ezra 8:17

I tsɔ mɛ Yuda bi ɔmɛ a nyatsɛ Ido ngɔ ngɛ Kasifia ma a mi. Sɛ gbi nɛ i ha mɛ kɛ ho ji kaa a ya de lɛ, Ido ɔ, kɛ e nyɛmimɛ ɔmɛ nɛ tsuɔ ní ngɛ Mawu we ɔ ke a ha wɔ sɔmɔli nɛ a ba tsu ní ngɛ Mawu we ɔ ngɛ Yerusalem.