Ezra 8:15 - BAIBLO ALOO NGMAMI KLƆUKLƆU Ɔ

¹⁵ I bua ni ɔmɛ tsuo a nya kɛ ho pa nɛ bee kɛ yaa Ahava ma a mi ɔ nya ya. Wa hi lejɛ ɔ ligbi etɛ. I na osɔfohi ngɛ lejɛ ɔ, se Levi bi ɔmɛ lɛɛ a ti nɔ ko nɔ ko be a kpɛti.

Ezra 8:15 ပူးပေါင်းရင်းမြစ်များ

Ezra 7:24

I ngɛ hae nɛ nyɛɛ le hu kaa mlaa ngmɛ́ blɔ kaa nyɛ heɔ tó ko kulaa ngɛ nimli nɛ ɔmɛ a dɛ: osɔfohi, Levi bi, Mawu we ɔ lali, agbo nya buli, sɔmɔli ngɛ Mawu we ɔ, loo tsɔli kpahi ngɛ Mawu we ɔ.

Ezra 7:28

Mawu dloomi nya a, matsɛ ɔ, kɛ e ga woli ɔmɛ, kɛ e ma ní tsuli kpanaa amɛ tsuo ná ye he bua jɔmi. Yawɛ, ye Mawu ɔ wo mi kã, nɛ i bua Israel ma nimeli ɔmɛ a nya, konɛ i kɛ mɛ tsuo waa kpale kɛ ya Yerusalem.”

Ezra 8:16

Lɔ ɔ he ɔ, i tsɔ nɛ a ya tsɛ ma nimeli nɛ ɔmɛ kɛ ba: Eliezer, Ariel, Shemaya, Elnatan, Yarib, Elnatan, Natan, Zakaria, kɛ Meshulam. Yoyarib kɛ Elnatan nɛ a juɛmi mi kuɔ saminya a hu piɛ a he.

Ezra 8:2

Gershom, Finehas we puɔ nya. Daniel, Itama we puɔ nya. Shekania bi Hatush, David we puɔ nya. Zakaria, kɛ nihi 150, Parosh we puɔ nya (womihi ngɛ nɛ tsɔɔ a powu). Zerahia bi Eliehoenai, kɛ nihi 200, Pahat Moab we puɔ nya. Yahaziel bi Shekania kɛ nihi 300, Zatu we puɔ nya. Yonatan Ebed, kɛ nihi 50, Adin we puɔ nya. Atalia bi Yeshaya, kɛ nihi 70, Elam we puɔ nya. Mikael bi Zebadia, kɛ nihi 80, Shefatia we puɔ nya. Yehiel bi Obadia, kɛ nihi 218, Yoab we puɔ nya. Yosifia bi Shelomit, kɛ nihi 160, Bani we puɔ nya. Bebai bi Zakaria, kɛ nihi 28, Bebai we puɔ nya. Hakatan bi Yohanan, kɛ nihi 110, Azgad we puɔ nya Elifelet, Yeuel, Shemaya, kɛ nihi 60, Adonikan we puɔ nya (mɛɛ lɛɛ pee se loko a kpale kɛ ba). Utai, Zakur, kɛ nihi 70, Bigvai we puɔ nya.

Ezra 8:21

Benɛ wa ngɛ Ahava pa a nya a, i fa ke nɔ tsuaa nɔ nɛ ha hwɔ, nɛ́ wɔ tsuo waa ba wa he si ngɛ wa Mawu ɔ hɛ mi, konɛ waa fa kue ha lɛ ke e fia blɔ mi tso ha wɔ, nɛ́ e baa wɔ, wa bimɛ, kɛ wa weto ní tsuo yi.

Ezra 8:31

Kekleekle nyɔhiɔ ɔ we ligbi nyɔngma kɛ enyɔ ɔ, wa je Ahava pa a nya, nɛ wa pue nɔ kɛ yaa Yerusalem. Wa Mawu ɔ piɛ wa he, nɛ he nyɛli, kɛ nihi nɛ wo wɔ ká tsuo nyɛ we nɛ a pee wɔ nɔ́ ko.

La 137:1

Babilon pa amɛ a tue wa hi si ngɛ nɛ wa wo yana, benɛ wa kai Zion ɔ.

Ezekiel 1:1

Jeha nyingmi etɛne ɔ we nyɔhiɔ eywiɛne ɔ we ligbi enuɔne ɔ, imi osɔfo Ezekiel, Buzi bi ɔ, i kɛ Yuda bi ɔmɛ nɛ a nuu kɛ ho ma se ya a, wa ngɛ Kebar pa a nya ngɛ Babilonia. Hiɔwe nya bli, nɛ i na Mawu he ninahi.

Ezekiel 3:15

Kɛkɛ nɛ i ba su Tel Abib ngɛ Kebar pa a nya. Nihi nɛ a nuu kɛ ho ma se ya a, lejɛ ɔ ji he nɛ a ngɛ. I hi lejɛ ɔ ligbi kpaago sɔuu; nɛ nɔ́ nɛ i na, kɛ nɔ́ nɛ i nu ɔ wo ye he gbeye, nɛ ye he mi po.

Ni Tsumi 16:13

Hejɔɔmi ligbi ɔ, wa je ma a mi kɛ ya pa nya he nɛ wa susu kaa Yuda bi ɔmɛ peeɔ sɔlemi ngɛ ɔ. Wa ya hi si, nɛ wa fiɛ Mawu munyu ɔ kɛ tsɔɔ yihi nɛ ba bua a he nya ngɛ lejɛ ɔ.