Ezra 7:6 - BAIBLO ALOO NGMAMI KLƆUKLƆU Ɔ

^6-7 Ezra nɛ ɔ, womi ngmalɔ ji lɛ, nɛ mlaa a nɛ Yawɛ, Israel Mawu ɔ ngɔ ha Mose ɔ, e le lɛ tsuo fitsofitso. Akɛnɛ Yawɛ, Mawu ɔ nɛ Ezra jaa lɛ ɔ, gbaa Ezra he je ɔ, e nine su nɔ́ tsuaa nɔ́ nɛ e bi matsɛ ɔ nɔ. Matsɛ Artaherhes tsɛ yemi ɔ we jeha kpaagone ɔ mi ɔ, Ezra kɛ Israel bi komɛ hia blɔ kɛ je Babilonia kɛ ba Yerusalem. Nimli nɛ ɔmɛ ji osɔfohi, Levi bi, Mawu we ɔ lali, Mawu we ɔ buli, kɛ ní tsuli.

Ezra 7:6 ပူးပေါင်းရင်းမြစ်များ

Ezra 8:22

Kaa pe i ya bi matsɛ ɔ ke e ha wɔ ta buli nɛ hi okpɔngɔhi a nɔ nɛ a bu wa he kɛ je he nyɛli a dɛ mi ngɛ blɔ ɔ nɔ ɔ, jinɛ e ko pee mi zo; ejakaa i ha nɛ e nu sisi momo kaa nɔ tsuaa nɔ nɛ ngɔɔ e hɛ ngɔ fɔɔ wa Mawu ɔ nɔ ɔ, e gbaa lɛ; se nɔ tsuaa nɔ nɛ kuaa lɛ wa Mawu ɔ, lɛ hu e bua jɔɛ jamɛatsɛ he; e gblaa nɔ ɔ tue wawɛɛ mohu.

Ezra 7:28

Mawu dloomi nya a, matsɛ ɔ, kɛ e ga woli ɔmɛ, kɛ e ma ní tsuli kpanaa amɛ tsuo ná ye he bua jɔmi. Yawɛ, ye Mawu ɔ wo mi kã, nɛ i bua Israel ma nimeli ɔmɛ a nya, konɛ i kɛ mɛ tsuo waa kpale kɛ ya Yerusalem.”

Ezra 8:31

Kekleekle nyɔhiɔ ɔ we ligbi nyɔngma kɛ enyɔ ɔ, wa je Ahava pa a nya, nɛ wa pue nɔ kɛ yaa Yerusalem. Wa Mawu ɔ piɛ wa he, nɛ he nyɛli, kɛ nihi nɛ wo wɔ ká tsuo nyɛ we nɛ a pee wɔ nɔ́ ko.

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

Nehemia 2:18

Lɔ ɔ se ɔ, i sɛɛ mɛ bɔ nɛ Mawu nyɛɛ ye se, nɛ́ e piɛ ye he, kɛ nɔ́ nɛ matsɛ ɔ de mi ɔ. A he nɔ ke, “Nyɛ ha nɛ wa bɔni gbogbo ɔ fiami!” Kɛkɛ nɛ a je ní tsumi kpakpa nɛ ɔ sisi nɔuu.

Nehemia 2:8

I bi hu ke a ha mi womi kɛ ya ha Asaf, nɔ nɛ hyɛɛ matsɛ ɔ hue ɔmɛ a nɔ ɔ, konɛ e ha mi tso nɛ ma kɛ kpɛ agbohi ha mɔ ɔ nɛ ngɛ Yawɛ we ɔ kasa nya a, kɛ gbogbo nɛ a fia kɛ bɔle ma a, kɛ imi nitsɛ ye we nɛ ma hi mi ɔ. Mawu ngɛ ye se, lɔ ɔ he ɔ, matsɛ ɔ ha mi níhi nɛ i bi lɛ ɔ tsuo.

Ezra 8:18

Mawu dloomi nya a, a ha wɔ Sherebia, nyumu ko nɛ hɛ mi ka si. E je Mahli we puɔ nya. E tsɛ ji Levi, nɛ e nɛ̃ biɛ ji Israel. E kɛ e binyumuhi, kɛ e nyɛminyumuhi nɛ piɛ e he kɛ ba a, a yibɔ ji nyɔngma kɛ kpaanyɔ.

Ezra 7:21

“Imi Matsɛ Artaherhes, i ngɛ nyɛ matsɛ nito he ɔ nɔ hyɛli tsuo nɛ ngɛ Yufrate pa a se ɔ mlaa woe ke nɔ́ tsuaa nɔ́ nɛ osɔfo Ezra, Mawu nɛ ngɛ hiɔwe ɔ mlaa tsɔɔlɔ ɔ ma bi nyɛ ɔ, nyɛ ha lɛ esɔ.

Abɛ Womi 3:6

Nɔ́ tsuaa nɔ́ mi ɔ, mo kai Yawɛ, nɛ e maa tsɔɔ mo blɔ nɛ da.

Mose V, 28:1

“Ke nyɛ bu Yawɛ, nyɛ Mawu ɔ gbi tue, nɛ nyɛ ye e mlaa amɛ tsuo nɛ i ngɛ nyɛ woe mwɔnɛ ɔ a nɔ ɔ, lɛɛ e ma wo nyɛ nɔ gojoo pe je ma amɛ tsuo.

Mose V, 4:5

“I tsɔɔ nyɛ mlaa amɛ tsuo kaa bɔ nɛ Yawɛ, ye Mawu ɔ fa mi ke ma pee ɔ; nyɛɛ ye a nɔ ngɛ zugba nɛ nyɛ yaa ngɔ ɔ nɔ.

1 Korintobi 15:1

Ye nyɛmimɛ, jehanɛ lɛɛ i suɔ kaa ma kai nyɛ sane kpakpa a nɛ i fiɛ ngɔ tsɔɔ nyɛ, nɛ nyɛ pɛtɛ he, nɛ lɔ ɔ nɔ nyɛ hemi kɛ yemi daa si ngɛ ɔ.

1 Korintobi 1:20

Jije ní leli ɔmɛ ngɛ? Jije ga leli ɔmɛ ngɛ? Jije je nɛ ɔ mi sane mi hlali ɔmɛ ngɛ? Ee, Mawu ha nɛ je nɛ ɔ mi nile ɔ plɛ pee kuasiahi a sane.

Mateo 13:52

E de mɛ ke, “Enɛ ɔ tsɔɔ kaa mlaa tsɔɔlɔ tsuaa mlaa tsɔɔlɔ nɛ ba plɛ pee kaselɔ ngɛ hiɔwe matsɛ yemi ɔ mi ɔ, e ngɛ kaa wetsɛ ko nɛ jeɔ ní hehi, kɛ ní momohi kɛ jeɔ e nito he.”

Yesaya 59:1

Nyɛ ko susu kaa Yawɛ nine ngɛ kpoku nɛ e be nyɛe nɛ e kɛ he nyɛ yi wami, aloo e tue ywia nɛ e nui nyɛ kue fami ɔ!

Yesaya 50:2

“Mɛni he je lɛ benɛ i ba a, nɔ ko be lejɛ ɔ? Benɛ i tsɛ nyɛ ɔ, mɛni he je nɔ ko pui mi ɔ? Anɛ nyɛ susuɔ kaa ye nine ngɛ kuku nɛ i be nyɛe ma kpɔ nyɛ kɛ je he nyɛlɔ ɔ dɛ mi lo? Ke i wo gbi ɔ, wo miiɔ, nɛ pahi plɛɔ peeɔ nga kplanaa. Ke nyu ɔ mii ta a, lo gboɔ nɛ e saa.

La 45:1

Benɛ i ngɛ la nɛ ɔ poe kɛ ha matsɛ ɔ, munyu kpakpa sɔuu lɛ ba ye yi mi. La a ba ye nya amlɔ nɔuu kaa bɔ nɛ ní ngmalɔ kpakpa ngɔɔ e ningma tso kɛ ngmaa ni esɔesɔ ɔ.

Nehemia 12:36

Ni kpahi nɛ je e weku ɔ mi nɛ nyɛɛ e se ji Shemaya, Azarel, Milalai, Gilalai, Maai, Netanel, Yuda, kɛ Hanani. Sakuhi nɛ Matsɛ David, nɛ a pɔɔ lɛ tsɛmi ke Mawu nɔmlɔ ɔ fiaa a, ni nɛ ɔmɛ tsuo hɛɛ jamɛ a saku ɔmɛ ekomɛ. Mlaa tsɔɔlɔ nɛ a tsɛɛ Ezra a, nyɛɛ kuu nɛ to ɔ a hɛ mi.

Nehemia 8:13

E nɔ jena a, we puɔ nyatsɛmɛ ɔmɛ, osɔfo ɔmɛ kɛ Levi bi ɔmɛ ba bua a he nya ngɛ Ezra, mlaa tsɔɔlɔ ɔ ngɔ, nɛ a kase mlaa a.

Nehemia 4:15

Wa he nyɛli ɔmɛ ba na kaa wa le nɔ́ nɛ a ngɛ susue kaa a maa pee ɔ; a kpá si kaa Mawu puɛ a yi mi tomi ɔmɛ. Kɛkɛ nɛ wɔ tsuo wa kpale kɛ ya tsa gbogbo ɔ fiami ɔ nɔ.

Nehemia 2:12

Se i de we nɔ ko nɔ ko nɔ́ nɛ Mawu ngɔ wo ye mi ke ma pee ɔ. Nyɔ mi kɔ̃kɔ̃ɔ̃kɔ̃ ɔ, i te si, nɛ i kɛ ye nyɛmimɛ ɔmɛ bɔɔ pɛ je kpo. Wa ngɔɛ lohwe ko kɛ yɛ, ja teji nɛ i hi nɔ ɔ pɛ.

Ezra 6:22

A kɛ bua jɔmi ye Abolokplolo nyami be ɔ ligbi kpaago. A bua jɔ saminya kaa Yawɛ ha Asiria matsɛ ɔ ná a he bua jɔmi, nɛ e piɛ a he nɛ a kɛ ma Yawɛ, Israel Mawu ɔ we ɔ.

Ezra 5:5

Se Mawu piɛ Yuda ma nimeli ɔmɛ a he, nɛ Persia bi ɔmɛ tsi we ní tsumi ɔ nya ha mɛ. Mohu ɔ, Persia bi ɔmɛ to a yi mi kaa a maa ngma womi ya ha Darius, nɛ a maa mlɛ kɛ yaa si a nine maa su heto nɔ.

Yeremia 8:8

Kɛ peeɔ kɛɛ nɛ nyɛ deɔ ke ní leli ji nyɛ, nɛ nyɛ le ye mlaa amɛ, be mi nɛ yakayaka womi ngmali tsake mlaa amɛ tsuo a hɛ mi kikɛ nɛ ɔ?

Nehemia 12:26

Nihi nɛ a wo a ta nɛ ɔ hi si ngɛ Yeshua bi Yoyakim, Yehozadak bibi ɔ yi nɔ. Jamɛ a be ɔ kɛ̃ nɛ Nehemia ye amlaalo, nɛ osɔfo Ezra hu ji mlaa tsɔɔlɔ ɔ nɛ.

Nehemia 8:9

Benɛ ma a tsuo nu mlaa a mi munyu ɔmɛ ɔ, a wo yana. Se Nehemia, amlaalo ɔ, kɛ osɔfo Ezra, mlaa tsɔɔlɔ ɔ, kɛ Levi bi ɔmɛ nɛ ngɛ mlaa a sisi tsɔɔe ɔ de ma a tsuo ke, “Mwɔnɛ ligbi nɛ ɔ ji ligbi klɔuklɔu ha Yawɛ, nyɛ Mawu ɔ. Lɔ ɔ he ɔ, nyɛ ko ye kɔmɔ, nɛ nyɛ ko wo yana.

Nehemia 8:4

Mlaa tsɔɔlɔ Ezra ya da si ngɛ kpoku ko nɔ. Kpoku nɛ ɔ, a je blɔ nɛ a kɛ tso pee kɛ ha kpe ɔ peemi. Jamɛ a be ɔ mi ɔ, Matitia, Shema, Anaya, Uria, Hilkia, kɛ Maaseya hiɔ daa si ngɛ e hiɔ nɔ, nɛ Pedaya, Mishael, Malkiya, Hashum, Hashbadana, Zekaria kɛ Meshulam daa si ngɛ e muɔ nɔ.

Mose I, 32:28

Nyumu ɔ de lɛ ke, “A be o biɛ tsɛe ke Yakob hu. O kɛ Mawu kɛ nimlihi nɔ kunɔ, nɛ o ye kunimi; lɔ ɔ he ɔ, jehanɛ a ma tsɛ mo ke Israel.”

Mateo 23:2

“Mlaa tsɔɔli ɔmɛ, kɛ Farisi bi ɔmɛ ji nihi nɛ a ngɔ he wami ngɔ wo a dɛ, konɛ a tsɔɔ Mose mlaa a sisi saminya.

Ezra 7:5

Buki tsɛ ji Abishua, Abishua tsɛ ji Finehas, Finehas tsɛ ji Eleazar, nɛ Eleazar tsɛ ji Aaron.

Nehemia 8:1

Nyɔhiɔ kpaago ɔ mi ɔ, Israel bi ɔmɛ ba he si ngɛ a ma amɛ a mi. Jamɛ a nyɔhiɔ ɔ kekleekle ligbi ɔ, ma a tsuo ba bua a he nya ngɛ Yerusalem, ngɛ ma kpe he ɔ, ngɛ Nyu Agbo ɔ nya. A de osɔfo Ezra, mlaa tsɔɔlɔ ɔ ke e ngɔ womi ɔ nɛ mlaa a nɛ Yawɛ ha Israel kɛ gu Mose nɔ ɔ ngɛ mi ɔ kɛ ba.

Ezra 8:1

We puɔ nya dali nɛ kɛ Ezra kpale kɛ je Babilonia kɛ ba Yerusalem ngɛ Matsɛ Artaherhes yi nɔ ɔ ji nɛ ɔmɛ nɛ:

Nehemia 9:13

O kple si kɛ je hiɔwe kɛ ba Sinai yo ɔ nɔ, nɛ o kɛ o ma a ba tu munyu; o ha mɛ mlaa kpakpahi, kɛ ní tsɔɔmi nɛ hi kɛ pi si.

La 80:18

Wa be o se jee hu kɔkɔɔkɔ. Ha nɛ wa yi nɛ na wami, nɛ wa ma je o yi daa.

La 109:27

Ha nɛ ye he nyɛli ɔmɛ nɛ a le kaa nɔ́ nɛ ɔ, o nine ngɛ mi; mo Yawɛ nitsɛ lɛ o tsu.

La 147:19

E wo Israel mlaa, nɛ e tsɔɔ mɛ bɔ nɛ a ja Mawu ha.