Ezra 7:5 - BAIBLO ALOO NGMAMI KLƆUKLƆU Ɔ

⁵ Buki tsɛ ji Abishua, Abishua tsɛ ji Finehas, Finehas tsɛ ji Eleazar, nɛ Eleazar tsɛ ji Aaron.

Ezra 7:5 ပူးပေါင်းရင်းမြစ်များ

Kronika I, 6:4

Eleazar nina ji nɛ ɔmɛ nɛ: Finehas, Abishua,

Kronika II, 19:11

Sanehi tsuo nɛ kɔɔ Yawɛ jami he ɔ, ke Amaria, osɔfo nɔkɔtɔma pe kulaa a ngɔ e nya ngɔ wo mi pɛ, a po sisi; nɔ kpa ko be he blɔ nɛ e deɔ nɔ́ ko hu. Ma mi sanehi lɛɛ, nɔkɔtɔma pe kulaa nɛ maa to blɔ nya ji Ishmael binyumu Zebadia, amlaalo ɔ nɛ ngɛ Yuda a. Ke lɛɛ e tu munyu ɔ, nɔ kpa ko be he blɔ nɛ e deɔ nɔ́ ko hu. Ke a ye sane ko gbe nya nɛ a buá he ɔ, Levi bi ɔmɛ a blɔ nya ní tsumi ji kaa a hyɛ konɛ blɔ nya nɛ kojomi he ɔ to ɔ, a ye nɔ. Nyɛɛ pee kã, nɛ nyɛɛ ye mlaa nɛ ɔmɛ a nɔ. Yawɛ nɛ piɛ nɔ nɛ peeɔ nɔ́ nɛ da a he!”

Kronika II, 26:20

Benɛ Azaria, kɛ osɔfo kpa amɛ na hiɔ ɔ ngɛ e hɛ nya a, a tsitsɛɛ e yi se kɛ je Yawɛ we ɔ. Lɛ nitsɛ hu e he sɔ kɛ je kpo, ejakaa Yawɛ gbla e tue.

Ezra 7:4

Merayot tsɛ ji Zerahia, Zerahia tsɛ ji Uzi, nɛ Uzi tsɛ ji Buki.

Ezra 7:6

Ezra nɛ ɔ, womi ngmalɔ ji lɛ, nɛ mlaa a nɛ Yawɛ, Israel Mawu ɔ ngɔ ha Mose ɔ, e le lɛ tsuo fitsofitso. Akɛnɛ Yawɛ, Mawu ɔ nɛ Ezra jaa lɛ ɔ, gbaa Ezra he je ɔ, e nine su nɔ́ tsuaa nɔ́ nɛ e bi matsɛ ɔ nɔ. Matsɛ Artaherhes tsɛ yemi ɔ we jeha kpaagone ɔ mi ɔ, Ezra kɛ Israel bi komɛ hia blɔ kɛ je Babilonia kɛ ba Yerusalem. Nimli nɛ ɔmɛ ji osɔfohi, Levi bi, Mawu we ɔ lali, Mawu we ɔ buli, kɛ ní tsuli.

Mose II, 6:25

Aaron bi Eleazar ngɔ Putiel biyi ɔmɛ a ti nɔ kake, nɛ e kɛ lɛ fɔ Finehas. Levi weku ɔmɛ ji nɛ ɔmɛ nɛ.

Mose III, 10:12

Jehanɛ, Mose de Aaron kɛ e binyumuhi enyɔ ɔmɛ nɛ piɛ, nɛ ji Eleazar kɛ Itamar ke, “Niye ní bɔhi nɛ a kɛ la sãã ha Yawɛ ɔ, nyɛɛ ngɔ nɔ́ nɛ piɛ ɔ; nyɛ ko wo mi masa nɛ nyɛɛ ye ngɛ bɔ sami la tɛ ɔ kasa nya, ejakaa e he tsɔ saminya.

Mose III, 10:16

Enɛ ɔmɛ tsuo a se ɔ, Mose hla mi fitsofitso konɛ e le nɔ́ ko ngɛ apletsi ɔ nɛ a kɛ maa sã yayami pami bɔ ɔ he. Benɛ e na le kaa a sã lɛ momo ɔ, e mi mi fu Eleazar kɛ Itamar, Aaron bimɛ ɔmɛ nɛ piɛ ɔ, nɛ e bi mɛ ke,

Mose III, 10:6

Lɔ ɔ se ɔ, Mose de Aaron kɛ e binyumu ɔmɛ, Eleazar kɛ Itamar ke, “Nyɛ ko ngmɛɛ nyɛ yi bwɔmi he kɛ pue nyɛ nɔ, nɛ nyɛ ko hía nyɛ tadehi ngɛ nyɛ he hulɔ kɛ tsɔɔ kaa nyɛ ngɛ kɔmɔ yee. Ke nyɛ pee ja a, nyɛ ma gbo, nɛ Yawɛ mi mi ma fu ma a tsuo. Se nyɛ nyɛmimɛ ɔmɛ, kɛ Israel we ɔ tsuo kulaa ma nyɛ maa ye kɔmɔ nɛ a nyɛ ya ha gbogboe ɔmɛ nɛ Yawɛ la sã a.

Mose IV, 3:32

Levi bi ɔmɛ a nyatsɛ ji osɔfo Aaron bi Eleazar. Lɛ ji nɔ nɛ hyɛɛ nihi nɛ tsuɔ ní ngɛ he klɔuklɔu ɔ a nɔ.

Mose IV, 31:31

Mose kɛ osɔfo Eleazar pee bɔ nɛ Yawɛ fa Mose ɔ.

Mose IV, 31:54

Mose kɛ osɔfo Eleazar he sika tsu ɔ ngɛ asafoatsɛmɛ ɔmɛ nɛ a ngɛ nihi akpehi, kɛ lafahi a nya a a dɛ; nɛ a ngɔ kɛ ba kpe he bo tsu ɔ mi kaa Israel ma a kaimi nɔ́ ko ngɛ Yawɛ hɛ mi.

Mose IV, 31:6

Mose wo mɛ blɔ, nɛ osɔfo Eleazar bi Finehas kɛ mɛ ho ta a ya. Lɛ ji nɔ nɛ hɛɛ ní klɔuklɔu ɔmɛ, kɛ titimati ɔmɛ nɛ a kɛ ma hwɔ lele ɔ.

Hebribi 5:4

Hɛ mi nyami nɛ ɔ, nɔ ko ngɔɛ kɛ ha lɛ nitsɛ e he. Mawu pɛ lɛ hlaa nɔ, nɛ e woɔ lɛ osɔfo nɔkɔtɔma pe kulaa kaa bɔ nɛ e hla Aaron ɔ.

Yoshua 14:1

Bɔ nɛ a dla Kanaan zugba a nɛ ngɛ Yordan bonyoku je ɔ ngɔ ha Israel bi ɔmɛ kaa a weto ní ji nɛ ɔ nɛ. Osɔfo Eleazar, Nun binyumu Yoshua, kɛ Israel wɛtsoyi ɔmɛ dla zugba a ngɔ ha ma a.

Yoshua 22:13

Israel bi ɔmɛ tsɔ osɔfo Eleazar binyumu Finehas kɛ ho Ruben wɛtso ɔ, Gad wɛtso ɔ, kɛ Manase wɛtso fa a a ngɔ ya ngɛ Gilead zugba a nɔ.

Yoshua 22:31

Osɔfo Eleazar bi Finehas de mɛ ke, “Jehanɛ lɛɛ wa na kaa Yawɛ kɛ wɔ ngɛ. Nyɛ tsɔ we e hɛ mi atuã; mohu ɔ, nyɛ je Israel bi ɔmɛ kɛ je tue gblami nɛ Yawɛ kɛ maa ba a nɔ ɔ mi.”

Yoshua 24:33

Aaron bi Eleazar hu ba gbo, nɛ a pu lɛ ngɛ Gibea ngɛ Efraim yo ɔ nɔ, he nɛ a ngɔ kɛ ha e binyumu Finehas ɔ.

Manyadali 20:28

nɛ Finehas, Aaron binyumu Eleazar bi ɔ ji osɔfo nɛ hyɛɛ nɔ. Israel bi ɔmɛ ya bi Yawɛ ga womi ke, “Anɛ waa ya nɛ waa kɛ wa nyɛmimɛ Benyamin bi ɔmɛ ya hwu ekohu, aloo wa ko ya?” Yawɛ he nɔ ke, “Nyɛɛ ya, ejakaa hwɔɔ ɔ, ma ngɔ mɛ ngɔ wo nyɛ dɛ mi.”