Ezra 7:28 - BAIBLO ALOO NGMAMI KLƆUKLƆU Ɔ

²⁸ Mawu dloomi nya a, matsɛ ɔ, kɛ e ga woli ɔmɛ, kɛ e ma ní tsuli kpanaa amɛ tsuo ná ye he bua jɔmi. Yawɛ, ye Mawu ɔ wo mi kã, nɛ i bua Israel ma nimeli ɔmɛ a nya, konɛ i kɛ mɛ tsuo waa kpale kɛ ya Yerusalem.”

Ezra 7:28 ပူးပေါင်းရင်းမြစ်များ

Ezra 9:9

A pee wɔ nyɔguɛhi, se ngɛ wa nyɔguɛ si himi ɔ mi ɔ, o je o suɔmi nɛ ngɛ daa a kpo kɛ tsɔɔ wɔ. O ngmɛɛ we wa he, nɛ o ha Persia matsɛmɛ ɔmɛ na wɔ mɔbɔ, nɛ a ha wa nɔ gbagba te ekohu, bɔ nɛ pee nɛ Mawu we ɔ nɛ ku kɛ pue si ɔ, waa ma lɛ ekohu, nɛ waa hi hiɛmɛ nɛ ɔ ngɛ Yuda kɛ Yerusalem ngɛ tue mi jɔmi mi.

Nehemia 2:8

I bi hu ke a ha mi womi kɛ ya ha Asaf, nɔ nɛ hyɛɛ matsɛ ɔ hue ɔmɛ a nɔ ɔ, konɛ e ha mi tso nɛ ma kɛ kpɛ agbohi ha mɔ ɔ nɛ ngɛ Yawɛ we ɔ kasa nya a, kɛ gbogbo nɛ a fia kɛ bɔle ma a, kɛ imi nitsɛ ye we nɛ ma hi mi ɔ. Mawu ngɛ ye se, lɔ ɔ he ɔ, matsɛ ɔ ha mi níhi nɛ i bi lɛ ɔ tsuo.

Ezra 8:18

Mawu dloomi nya a, a ha wɔ Sherebia, nyumu ko nɛ hɛ mi ka si. E je Mahli we puɔ nya. E tsɛ ji Levi, nɛ e nɛ̃ biɛ ji Israel. E kɛ e binyumuhi, kɛ e nyɛminyumuhi nɛ piɛ e he kɛ ba a, a yibɔ ji nyɔngma kɛ kpaanyɔ.

Ezra 5:5

Se Mawu piɛ Yuda ma nimeli ɔmɛ a he, nɛ Persia bi ɔmɛ tsi we ní tsumi ɔ nya ha mɛ. Mohu ɔ, Persia bi ɔmɛ to a yi mi kaa a maa ngma womi ya ha Darius, nɛ a maa mlɛ kɛ yaa si a nine maa su heto nɔ.

Mose I, 32:28

Nyumu ɔ de lɛ ke, “A be o biɛ tsɛe ke Yakob hu. O kɛ Mawu kɛ nimlihi nɔ kunɔ, nɛ o ye kunimi; lɔ ɔ he ɔ, jehanɛ a ma tsɛ mo ke Israel.”

Yona 3:7

E tsɔ kɛ sɛ pɔtɛɛ ko ke a ya de Nineve bi ɔmɛ ke, “Imi Nineve matsɛ, kɛ ye nikɔtɔma amɛ wa ngɛ mlaa woe ke, nɔ ko nɔ ko nɛ ko sa e nya nɔ́ ko, loo e nu nyu po; nɔmlɔ jio, na jio, to jio.

Nehemia 1:11

I kpa mo pɛɛ Nyɔmtsɛ, moo ba o tue si nɛ o nu ye kue fami, kɛ tsɔli ɔmɛ tsuo nɛ suɔ kaa a maa wo o biɛ ɔ hɛ mi nyami ɔ a kue fami ɔmɛ. Ha ma ye manye mwɔnɛ ɔ, nɛ o ha matsɛ ɔ nɛ na mi mɔbɔ.” Jamɛ a be ɔ mi ɔ, imi ji matsɛ ɔ dã wolɔ.

Ezra 7:14

I kɛ ye ga woli kpaago ɔmɛ wa ngɛ mo tsɔe kɛ yaa Yerusalem kɛ Yuda nɛ o ya slaa lejɛ ɔmɛ, konɛ o Mawu ɔ mlaa nɛ ngɛ o dɛ ɔ, o hyɛ bɔ nɛ a ngɛ nɔ yee ha.

Ezra 7:6

Ezra nɛ ɔ, womi ngmalɔ ji lɛ, nɛ mlaa a nɛ Yawɛ, Israel Mawu ɔ ngɔ ha Mose ɔ, e le lɛ tsuo fitsofitso. Akɛnɛ Yawɛ, Mawu ɔ nɛ Ezra jaa lɛ ɔ, gbaa Ezra he je ɔ, e nine su nɔ́ tsuaa nɔ́ nɛ e bi matsɛ ɔ nɔ. Matsɛ Artaherhes tsɛ yemi ɔ we jeha kpaagone ɔ mi ɔ, Ezra kɛ Israel bi komɛ hia blɔ kɛ je Babilonia kɛ ba Yerusalem. Nimli nɛ ɔmɛ ji osɔfohi, Levi bi, Mawu we ɔ lali, Mawu we ɔ buli, kɛ ní tsuli.

Mose I, 43:14

Mawu Ope ɔ nɛ ha nɛ nyumu ɔ nɛ na nyɛ mɔbɔ, konɛ e ngmɛɛ Benyamin, kɛ nyɛ nyɛmi kaketsɛ ɔ he ha nyɛ. Imi lɛɛ ke ji ye bimɛ ma gbo kɛ wo mi aywilɛho po, e ba mi ja.”

Ezra 8:1

We puɔ nya dali nɛ kɛ Ezra kpale kɛ je Babilonia kɛ ba Yerusalem ngɛ Matsɛ Artaherhes yi nɔ ɔ ji nɛ ɔmɛ nɛ:

La 109:12

Nɔ ko nɔ ko kó na lɛ mɔbɔ; awusa bimɛ nɛ e ma si ɔ, nɔ ko nɔ ko kó hyɛ a nɔ.

Ezra 8:15

I bua ni ɔmɛ tsuo a nya kɛ ho pa nɛ bee kɛ yaa Ahava ma a mi ɔ nya ya. Wa hi lejɛ ɔ ligbi etɛ. I na osɔfohi ngɛ lejɛ ɔ, se Levi bi ɔmɛ lɛɛ a ti nɔ ko nɔ ko be a kpɛti.