Ezra 7:27 - BAIBLO ALOO NGMAMI KLƆUKLƆU Ɔ

²⁷ Ezra la kɛ je Mawu yi ke, “Á je Yawɛ, wa nɛmɛ a Mawu ɔ yi. Lɛ nɛ e kɛ susumi kpakpa wo matsɛ ɔ yi mi kaa e pee nɔ́ ko kaa kikɛ nɛ ɔ kɛ wo Mawu we ɔ nɛ ngɛ Yerusalem ɔ hɛ mi nyami.

Ezra 7:27 ပူးပေါင်းရင်းမြစ်များ

Kronika II, 31:8

Benɛ Matsɛ Hezekia, kɛ ganɔ ɔmɛ ba na nike ní babauu nɛ a kɛ ba a, a je Yawɛ kɛ e ma Israel ɔ a yi.

Ezra 6:22

A kɛ bua jɔmi ye Abolokplolo nyami be ɔ ligbi kpaago. A bua jɔ saminya kaa Yawɛ ha Asiria matsɛ ɔ ná a he bua jɔmi, nɛ e piɛ a he nɛ a kɛ ma Yawɛ, Israel Mawu ɔ we ɔ.

Nehemia 2:12

Se i de we nɔ ko nɔ ko nɔ́ nɛ Mawu ngɔ wo ye mi ke ma pee ɔ. Nyɔ mi kɔ̃kɔ̃ɔ̃kɔ̃ ɔ, i te si, nɛ i kɛ ye nyɛmimɛ ɔmɛ bɔɔ pɛ je kpo. Wa ngɔɛ lohwe ko kɛ yɛ, ja teji nɛ i hi nɔ ɔ pɛ.

Nehemia 2:8

I bi hu ke a ha mi womi kɛ ya ha Asaf, nɔ nɛ hyɛɛ matsɛ ɔ hue ɔmɛ a nɔ ɔ, konɛ e ha mi tso nɛ ma kɛ kpɛ agbohi ha mɔ ɔ nɛ ngɛ Yawɛ we ɔ kasa nya a, kɛ gbogbo nɛ a fia kɛ bɔle ma a, kɛ imi nitsɛ ye we nɛ ma hi mi ɔ. Mawu ngɛ ye se, lɔ ɔ he ɔ, matsɛ ɔ ha mi níhi nɛ i bi lɛ ɔ tsuo.

Nehemia 7:5

Mawu ha nɛ i bua ma nimeli ɔmɛ, kɛ ma ní tsuli ɔmɛ tsuo a nya, nɛ i hyɛ a weku womi ɔmɛ a mi. I ya na womi ko nɛ tsɔɔ nihi abɔ nɛ kpale kɛ je ma se kɛ ba kekleekle ɔ a weku kpa. Nɔ́ nɛ i na ngɛ womi ɔ mi ɔ ji nɛ ɔ nɛ.

Mose II, 8:9

Mose de Farao ɔ ke, “Moo lɛɛ e je o nya nɛ o de kɛkɛ kaa be nɛ ɔ mi ɔ, ma kpa pɛɛ ha mo, kɛ o ma mi bi ɔmɛ, kɛkɛ a maa gbe ovɔnɔ ɔmɛ nɛ a be eko nae ngɛ he ko, ja Nilo pa a mi pɛ.”

Abɛ Womi 21:1

Matsɛ juɛmi ngɛ kaa nyu dɔ ngɛ Yawɛ dɛ mi. He nɛ lɛɛ e suɔ nɛ e haa e guɔ.

Yesaya 60:13

“A maa poo Lebanon tso kpakpa nɛ ɔmɛ kɛ ba ma Yerusalem ekohu: sɛsɛo, odum kɛ tsohi nɛ da tlɔmɔɔ ɔ tsuo. Enɛ ɔ ma ha nɛ ye we klɔuklɔu ɔ maa pee fɛu, nɛ ye ma a hɛ mi maa ba nyami.

Luka 7:5

ejakaa e suɔ wɔ Yuda bi ɔmɛ; wa kpe he ɔ po lɛ nɛ e ma ha wɔ.”

2 Korintobi 8:16

Wa naa Mawu si kaa e ha Tito suɔmi kɛ gɛjɛmi nɛ e kɛ maa ye bua nyɛ kaa bɔ nɛ i ngɛ pee ɔ.

Filipibi 4:10

I na bua jɔmi babauu ngɛ Nyɔmtsɛ ɔ mi kaa be saii ji nɛ ɔ nɛ i nui nyɛ he ɔ, jehanɛ lɛɛ nyɛ na he blɔ kɛ ngɛ nyɛ suɔmi kpo jee kɛ tsɔɔ mi ekohu. I tsɔɔ we kaa nyɛ susuu we ye he hu, se he blɔ nɛ nyɛ ya na we kɛ pee nɔ́ ko ha mi.

Hebribi 10:16

“Be ma nɛ i kɛ ye ma a maa so somi nɛ ɔ: Ma ngɔ ye mlaa kɛ to a tsui mi, nɛ ma ngma kɛ wo a juɛmi mi.”

Hebribi 8:10

Jehanɛ lɛɛ somi nɛ i kɛ Israel maa so hwɔɔ se ɔ ji nɛ ɔ nɛ. Ma ngɔ ye mlaa a kɛ wo a juɛmi mi, nɛ ma ngma ngɔ to a tsui nɔ. Ma pee a Mawu, nɛ mɛ hu a maa pee ye ma.

Yakobo 1:17

Nike ní kpakpa, kɛ níhi nɛ hi kɛ pi si nɛ wa naa yaka a, lɛ tsuo Mawu lɛ haa wɔ. Mawu lɛ bɔ pu, nyɔhiɔ, kɛ dodoehi nɛ ngɛ hiɔwe ɔ. E haa nɛ a haa wɔ la daa, nɛ lɛ nitsɛ hu e tsakee we gblegbleegble.

Kpojemi 17:17

Matsɛmɛ nyɔngma amɛ nɛ a maa pee enɛ ɔ, ejakaa Mawu ha nɛ a to a yi mi kaa a pee nɔ́ nɛ e to kaa a pee ɔ. Lɔ ɔ he ɔ, mɛ tsuo a maa kplɛɛ kaa a maa ngɔ a tsɛ yemi blɔ nya a kɛ ha lohwe awi yelɔ ɔ kɛ yaa si yi mi nɛ Mawu to ɔ maa ba mi.