Ezra 7:26 - BAIBLO ALOO NGMAMI KLƆUKLƆU Ɔ

²⁶ Nɔ tsuaa nɔ nɛ ma tɔ̃ o Mawu ɔ mlaa a, aloo imi matsɛ, ye mlaa a, a gbla e tue nɔuu; a gbe lɛ, loo a je lɛ we, loo a kpɔ e níhi ngɛ e dɛ, aloo a wo lɛ tsu.”

Ezra 7:26 ပူးပေါင်းရင်းမြစ်များ

Ezra 6:11

I ngɛ fae hulɔ ke nɔ tsuaa nɔ nɛ ma tɔ̃ mlaa nɛ ɔ, a hia e tsu yi mi plai kake kɛ ma si nɛ a sɛu lɛ ngɛ nɔ; nɛ e we ɔ hu nɛ plɛ pee kuku.

Daniel 6:26

I ngɛ mlaa woe ke nɔ tsuaa nɔ nɛ ye Daniel Mawu ɔ gbeye, nɛ e bu lɛ ngɛ ye matsɛ yemi he ɔ tsuo. “Mawu hɛ kalɔ ji lɛ, nɛ e ngɛ kɛ yaa neneene. E matsɛ yemi ɔ hɛ mi be kpatae kɔkɔɔkɔ, nɛ e he wami ɔ se be poe gblegbleegble.

La 52:5

Mawu hu maa ngɔ mo ngɔ fia si ja nɔuu kɛ maa ya neneene. E ma sá mo kɛ je o we ɔ mi; e ma je mo kɛ je hɛ kali a zugba a nɔ.

Kronika II, 30:12

Yuda hu, Mawu ngɛ ní tsue ngɛ lejɛ ɔ; Mawu ha nɛ Yuda ma kpekpemi ɔ tsuo a nya sɔ. A to a yi mi kaa a maa bu Yawɛ tue; nɛ nɔ́ nɛ matsɛ ɔ, kɛ ganɔ ɔmɛ fa mɛ ke a pee ɔ, a maa pee.

Ezra 6:12

Matsɛ tsuaa matsɛ, loo ma tsuaa ma nɛ maa te si kɛ si mlaa nɛ ɔ, nɛ́ ma hla kaa a kpata Mawu we ɔ hɛ mi ɔ, Mawu ɔ nɛ hla Yerusalem ngɔ to kaa e hi he ɔ nɛ kpata a hɛ mi. Imi Darius nɛ i ngɛ mlaa nɛ ɔ woe. Á ye nɔ pɛpɛɛpɛ.”

Mose V, 27:26

“ ‘Mawu maa gbiɛ nɔ tsuaa nɔ nɛ bui Mawu mlaa nɛ ɔmɛ, nɛ e yi a nɔ hulɔ.’ “Ma a tsuo ma he nɔ ke, ‘Amen!’

Ezra 10:4

Tee si; o ní tsumi ji nɛ ɔ nɛ; wa ngɛ o se kpɛii. Pee kã, nɛ o tsu.”

Ezra 10:8

Ligbi etɛ se, ke nɔ ko bɛ́ kaa bɔ nɛ ma tsɔli ɔmɛ, kɛ ma nimeli ɔmɛ fa ke a pee ɔ, á kpɔ e níhi tsuo ngɛ e dɛ; lɛ nitsɛ lɛɛ a ko bu lɛ ngɔ si e ma mi bi ɔmɛ a nɔ hu.