Ezra 7:25 - BAIBLO ALOO NGMAMI KLƆUKLƆU Ɔ

²⁵ “Mo Ezra, ngɔɔ nile nɛ Mawu ha mo ɔ kɛ tsu nɔ́ nɛ ɔ; moo hla ma a nɔ hyɛli, kɛ kojoli, nihi nɛ le o Mawu ɔ mlaa a, nɛ́ a hyɛ ye nɔ yemi he ɔ nɔ ngɛ pa a se. Ni nɛmɛ nɛ li mlaa a, tsɔɔ mɛ.

Ezra 7:25 ပူးပေါင်းရင်းမြစ်များ

Mose I, 41:38

E bi e tsɔli ɔmɛ ke, “Anɛ wa maa na nɔ kpa ko kaa Yosef, nɛ Mawu mumi ngɛ e mi kikɛ nɛ ɔ lo?”

Mose I, 41:39

Farao ɔ de Yosef ke, “Akɛnɛ Mawu lɛ je ní nɛ ɔmɛ tsuo ngɔ tsɔɔ mo ɔ, e tsɔɔ kaa nɔ kpa ko be nɛ le ní, nɛ e hɛ mi ka si kaa ja mo pɛ.

Matsɛmɛ I, 3:28

Benɛ Israel ma a tsuo nu bɔ nɛ Matsɛ Salomo buá sane ɔ he ha a, a bu lɛ wawɛɛ nitsɛ; ejakaa a yɔse kaa Mawu ha lɛ nile nɛ e kɛ kojo ngɛ dami sane yemi nya.

Matsɛmɛ II, 17:27

Asiria matsɛ ɔ fa ke, “Osɔfo ɔmɛ nɛ nyɛ ya nuu kɛ je lejɛ ɔ kɛ ba a, nyɛ ha nɛ a ti nɔ kake nɛ e kpale kɛ ho, nɛ e ya tsɔɔ ni ɔmɛ zugba a nɔ mawu ɔ kɔhi.”

Kronika I, 22:12

Yawɛ, o Mawu ɔ nɛ ha mo nile kɛ juɛmi, bɔ nɛ pee nɛ o ye Israel nɔ ngɛ e mlaa a nya.

Kronika I, 23:4

David dla ní tsumi nɛ ɔmɛ ngɔ ha mɛ: nihi akpe nyingmi enyɔ kɛ eywiɛ maa hyɛ Yawɛ we ɔ mami ní tsumi ɔ nɔ, akpe ekpa ma tsu ma ní nɛ a maa kojo,

Ezra 10:4

Tee si; o ní tsumi ji nɛ ɔ nɛ; wa ngɛ o se kpɛii. Pee kã, nɛ o tsu.”

Ezra 6:6

Kɛkɛ nɛ Matsɛ Darius tsɔ kɛ heto nɛ ɔ kɛ mane ke, “Mo amlaalo Tatenai, kɛ Sheta Bozenai, kɛ nyɛ nyɛmimɛ tsɔli nɛ nyɛ ngɛ Yufrate pa a se! “Nyɛ je nyɛ nine ngɛ ní tsumi ɔ he.

Ezra 7:10

Ezra ngɔ e wami tsuo ngɔ ha kaa e maa kase Yawɛ mlaa a nɛ e tsu he ní. E suɔ hu kaa e maa tsɔɔ Israel ma a Mawu mlaa a, kɛ blɔ nya tomi ɔmɛ tsuo.

Ezra 7:14

I kɛ ye ga woli kpaago ɔmɛ wa ngɛ mo tsɔe kɛ yaa Yerusalem kɛ Yuda nɛ o ya slaa lejɛ ɔmɛ, konɛ o Mawu ɔ mlaa nɛ ngɛ o dɛ ɔ, o hyɛ bɔ nɛ a ngɛ nɔ yee ha.

Nehemia 9:3

A kane Yawɛ, a Mawu ɔ mlaa a ngmlɛfia etɛ, nɛ ngmlɛfia etɛ nɛ tsa nɔ ɔ, a jaje a he yayami ɔmɛ, nɛ a ja Yawɛ, a Mawu ɔ.

La 19:7

Yawɛ mlaa a hi kɛ pi si; e haa nɔ naa he wami he. Yawɛ mlaa a, anɔkuale sɔuu, e haa nɛ kuasia leɔ ní.

Abɛ Womi 2:6

Yawɛ lɛ haa nɔ nile; lɛ nɛ e tsɔɔ nɔ nile, kɛ nɔ́ sisi numi.

Abɛ Womi 6:23

Mlaahi nɛ a wo mo, kɛ nihi nɛ a tsɔɔ mo ɔ tsuo ngɛ kaa la ha mo. O hɛ mi nɛ a ka, aloo o tue nɛ a gbla a, lɔ ɔ maa tsɔɔ mo bɔ nɛ o maa hi si ngɛ je mi ha.

Malaki 2:7

E sa kaa osɔfo ɔmɛ nɛ a tsɔɔ ma a ní, nɛ a le Mawu anɔkuale mi. E sa kaa ma a nɛ ya a ngɔ nɛ a ya kase ye suɔmi nya ní. Ejakaa imi Yawɛ Tabohiatsɛ ɔ, ye tsɔli ji osɔfo ɔmɛ ɔ nɛ.

Mateo 13:52

E de mɛ ke, “Enɛ ɔ tsɔɔ kaa mlaa tsɔɔlɔ tsuaa mlaa tsɔɔlɔ nɛ ba plɛ pee kaselɔ ngɛ hiɔwe matsɛ yemi ɔ mi ɔ, e ngɛ kaa wetsɛ ko nɛ jeɔ ní hehi, kɛ ní momohi kɛ jeɔ e nito he.”

Marko 6:34

Benɛ Yesu kple ɔ, e na nimli babauu nitsɛ, nɛ e mi mi sã lɛ ngɛ a he, ejakaa a ngɛ kaa tohi nɛ be hyɛlɔ. Kɛkɛ nɛ e bɔni mɛ níhi fuu tsɔɔmi.

Mose V, 16:18

“Nyɛɛ wo kojoli kɛ tsɔli ngɛ nyɛ wɛtso ɔmɛ a mi ngɛ ma amɛ tsuo nɛ Yawɛ, nyɛ Mawu ɔ ngɛ nyɛ hae ɔ a mi. Mɛɛ a ní tsumi ji kaa a maa hyɛ nɛ dami sane yemi nɛ ma si.

Kolosebi 1:28

Lɔ ɔ he ɔ, wa ngɛ Kristo he sane ɔ fiɛe kɛ ngɛ nɔ tsuaa nɔ tsɔɔe. Wa ngɛ nihi tsuo kɔkɔ bɔe, nɛ wa ngɛ mɛ ní tsɔɔe kɛ nile nɛ mi kuɔ. Wa ngɛ mɔde bɔe nɛ waa gbla nɔ tsuaa nɔ kɛ ba Mawu ngɔ kaa nihi nɛ le Kristo kɛ pi si.

Yakobo 1:5

Se ke nyɛ ti nɔ ko ngɛ nile hlae ɔ, e kpa Mawu pɛɛ, nɛ e ma ha lɛ; ejakaa Mawu haa nɔ nɔ́ faa nɛ mi mi gbigblimi be mi.