Ezra 7:24 - BAIBLO ALOO NGMAMI KLƆUKLƆU Ɔ

²⁴ I ngɛ hae nɛ nyɛɛ le hu kaa mlaa ngmɛ́ blɔ kaa nyɛ heɔ tó ko kulaa ngɛ nimli nɛ ɔmɛ a dɛ: osɔfohi, Levi bi, Mawu we ɔ lali, agbo nya buli, sɔmɔli ngɛ Mawu we ɔ, loo tsɔli kpahi ngɛ Mawu we ɔ.

Ezra 7:24 ပူးပေါင်းရင်းမြစ်များ

Mose I, 47:22

Zugba pɛ nɛ Yosef he we ji osɔfo ɔmɛ a zugba a. Osɔfo ɔmɛ lɛɛ e hia we kaa a jua a zugba a, ejakaa mɛɛ lɛɛ a haa mɛ niye ní kɛ jeɔ Farao ɔ nitsɛ ngɔ.

Mose I, 47:26

Lɔ ɔ he ɔ, Yosef wo mlaa nɛ ngɛ kɛ ba si mwɔnɛ ligbi nɛ ɔ, kaa Egipt zugba a niba ní ɔ mi dlami enuɔ mi kake maa pee Farao ɔ nɔ́. Osɔfo ɔmɛ a zugba a pɛ ji nɔ́ nɛ be Farao ɔ nɔ́ pee.

Ezra 4:13

Nɛnɛ, ná nɛ o le kaa ke a po ma a gbe nya a, a be tó, loo sika ko woe hu, nɛ sika be matsɛ nito he ɔ bae bɔ nɛ sa.

Ezra 4:20

Jehanɛ hu, a na kaa matsɛ nguahi hi Yerusalem sa a, nɛ a ye ma a nɔ kɛ ya pue Yufrate pa a se tsuo; nɛ Yerusalem he tó, kɛ sika kpahi ngɛ ma amɛ a dɛ.

Nehemia 5:4

Ni komɛ hu ke, “Wa pa sika kɛ wo wa zugba amɛ, kɛ wa wai ngmɔ ɔmɛ a he tó ha nɔ yeli ɔmɛ.

Mateo 9:9

Yesu je lejɛ ɔ, nɛ benɛ e yaa a, e na tó tsulɔ ko nɛ a tsɛɛ lɛ Mateo nɛ hii si ngɛ e ní tsumi he ɔ. Yesu de lɛ ke, “Nyɛɛ ye se!” Kɛkɛ nɛ Mateo te si, nɛ e nyɛɛ Yesu se.