Ezra 7:16 - BAIBLO ALOO NGMAMI KLƆUKLƆU Ɔ

¹⁶ Ngɔɔ ní nɛ ɔmɛ hu kɛ piɛ he: sika hiɔ, sika tsu tsuo nɛ o ma bua nya ngɛ Babilonia zugba a nɔ, kɛ nike níhi nɛ Israel ma a, kɛ osɔfo ɔmɛ wo si kaa a ma ha kɛ je a tsui mi faa a; nɛ o ngɔ lɛ tsuo kɛ ya Mawu we ɔ nɛ ngɛ Yerusalem ɔ.

Ezra 7:16 ပူးပေါင်းရင်းမြစ်များ

Kronika I, 29:17

Ye Mawu, i le kaa moo lɛɛ o hyɛɛ nɔ tsui mi nɛ o kɛ leɔ ni nɛmɛ nɛ hi, ejakaa o naa ni kpakpahi a he bua jɔmi. I ngɔ ní nɛ ɔmɛ tsuo ngɔ ke mo kɛ je ye tsui mi faa, nɛ i na kaa o ma nɛ ba pue si ngɛ hiɛmɛ nɛ ɔ, mɛ hu a je a tsui mi faa ba ke mo ní.

Kronika I, 29:6

Kɛkɛ nɛ we puɔ nya dali ɔmɛ, wɛtsoyi ɔmɛ, asafoatsɛmɛ ɔmɛ, kɛ matsɛ ní tsumihi nɔ hyɛli ɔmɛ si a gugue ke a ma ha

Kronika I, 29:9

Ma a ke Yawɛ ní kɛ je a tsui mi faa, nɛ a nya nɛ a bua jɔ a he kaa a nyɛ pee nɔ́ ko kaa ja. Matsɛ David hu bua jɔ e he saminya, nɛ e nya.

Kronika II, 31:14

Nike ní ɔmɛ nɛ a kɛ ba ha Yawɛ, nɛ ji bɔhi nɛ je tsui mi faa a, nɔ nɛ a to nɛ ma he ngɛ ma a dɛ, nɛ lɛ nɔuu e maa dla ji Imna binyumu Kore, Levi no ɔ. Kore ji Yawɛ we ɔ beleku je agbo ɔ nya buli ɔmɛ a nɔkɔtɔma.

Kronika II, 6:2

Jehanɛ lɛɛ i po we saminyayoo ko ha mo nɛ o hi lejɛ ɔ kɛ ya neneene.”

Kronika II, 6:5

‘Kɛ je be nɛ i jé ye ma Israel kɛ je Egipt ɔ, i hla we ma ko ma ko kɛ ji Israel wɛtso ko mi nɛ a po we ha mi, nɛ a ja mi ngɛ lejɛ ɔ; nɛ i hla we nɔ ko nɔ ko nɛ ba ye ganɔ ngɛ ye ma Israel ɔ nɔ.

Kronika II, 6:6

Se jehanɛ lɛɛ i hla Yerusalem, konɛ a ja mi ngɛ lejɛ ɔ; i hla mo David hulɔ, nɛ o ye ye ma Israel ɔ nɔ.’ ”

Ezra 1:4

Mawu ma mi bi ɔmɛ nɛ a nuu kɛ ho ma se ya a, he tsuaa he nɛ a ngɛ ɔ, nihi nɛ kɛ mɛ ngɛ lejɛ ɔ nɛ a ha mɛ yemi kɛ buami nɛ a ngɛ hlae. A ha mɛ sika hiɔ, sika tsu, tlomi, lohwe, kɛ jehanɛ níhi nɛ a je tsui mi faa ba ke kɛ ha Mawu we ɔ ngɛ Yerusalem.”

Ezra 1:6

Nihi tsuo nɛ a kɛ mɛ ngɛ ɔ tsuo wo mɛ blɔ kɛ níhi babauu; sika hiɔ ní, sika tsu, tlomi, lohwehi, nike ní kpahi nɛ a he jua wa, kɛ nike níhi nɛ je tsui mi faa kɛ ba Mawu we ɔ.

La 135:21

Nyɛ je Yawɛ yi ngɛ Zion; nyɛ je e yi ngɛ e we ɔ mi ngɛ Yerusalem. Nyɛ je Yawɛ yi!

2 Korintobi 8:12

Ke o ha bɔ nɛ o ma nyɛ kɛ o tsui faa a, Mawu ma ná o nike ní ɔ he bua jɔmi. Mawu hyɛ we blɔ kaa o ha nɔ́ ko be mi nɛ nɔ́ ko be o dɛ.

2 Korintobi 9:7

Lɔ ɔ he ɔ, nɔ tsuaa nɔ nɛ ha bɔ nɛ e to kaa e ma ha. E ha kɛ bua jɔmi, se pi kaa a ngɛ e nɔ nyɛe ke e pee; ejakaa Mawu suɔ nɔ nɛ haa nɔ́ kɛ bua jɔmi.