Ezra 7:12 - BAIBLO ALOO NGMAMI KLƆUKLƆU Ɔ

¹² “Osɔfo Ezra, mo womi ngmalɔ nɛ o le Mawu nɛ ngɛ hiɔwe ɔ mlaa a saminya; imi Matsɛ Artaherhes nɛ i ngɛ mo womi nɛ ɔ ngmae. Mo he manye!

Ezra 7:12 ပူးပေါင်းရင်းမြစ်များ

Matsɛmɛ I, 20:1

Siria matsɛ, Benhadad bua e tabo ɔ tsuo nya. E kɛ matsɛmɛ kpahi nyingmi etɛ kɛ enyɔ hia ta kɛ a we okpɔngɔhi, kɛ ta zugba lɛhi, nɛ a ya sa Samaria yi, nɛ a tua ma a.

Matsɛmɛ I, 4:24

Salomo ye tsɛ ngɛ zugba a nɛ ngɛ Yufrate pa a bonyoku je ɔ tsuo nɔ, kɛ je Tifsa hluu kɛ ya pue Gaza. Matsɛmɛ ɔmɛ tsuo nɛ ngɛ Yufrate pa a bonyoku je ɔ sɔmɔ lɛ; nɛ e kɛ je ma amɛ nɛ bɔle lɛ kɛ kpe ɔ hi si ngɛ tue mi jɔmi mi.

Ezra 1:2

“Bɔ nɛ Persia matsɛ, Sirus de ji nɛ ɔ nɛ: Yawɛ, Mawu nɛ ngɛ hiɔwe ɔ wo mi nɔ yelɔ ngɛ je ɔ tsuo nɔ, nɛ e ngɔ tsumi nɛ he hia nɛ ɔ ngɔ ha mi. E ke ma ma we ha lɛ ngɛ Yerusalem ngɛ Yuda zugba a nɔ.

Ezra 4:17

Matsɛ ɔ ha mɛ womi ɔ heto ke, “Amlaalo Rehum, ma pɛdiyo Shimshai, kɛ nyɛ huɛmɛ nɛ ngɛ Samaria, kɛ nihi nɛ ngɛ kpokpa amɛ a nɔ ngɛ Yufrate pa a se, nyɛ he manye!

Ezra 7:1

Ní nɛ ɔmɛ a se benɛ Artaherhes ngɛ tsɛ yee ngɛ Persia zugba a nɔ ɔ, nyumu ko ba hi si. E biɛ ji Ezra. E tsɔɔ e weku kpa hluu kɛ ya pi osɔfo nɔkɔtɔma Aaron kikɛ nɛ ɔ: Ezra tsɛ ji Seraya, Seraya tsɛ ji Azaria, Azaria tsɛ ji Hilkia.

Ezra 7:11

Womi nɛ Matsɛ Artaherhes ngɔ ha Ezra nɛ ji osɔfo, kɛ womi ngmalɔ nɛ le Yawɛ mlaa amɛ, kɛ blɔ nya tomi ɔmɛ fitsofitso kɛ ha Israel ma a ní tsɔɔmi ɔ mi munyu ji nɛ ɔ nɛ:

Ezra 7:6

Ezra nɛ ɔ, womi ngmalɔ ji lɛ, nɛ mlaa a nɛ Yawɛ, Israel Mawu ɔ ngɔ ha Mose ɔ, e le lɛ tsuo fitsofitso. Akɛnɛ Yawɛ, Mawu ɔ nɛ Ezra jaa lɛ ɔ, gbaa Ezra he je ɔ, e nine su nɔ́ tsuaa nɔ́ nɛ e bi matsɛ ɔ nɔ. Matsɛ Artaherhes tsɛ yemi ɔ we jeha kpaagone ɔ mi ɔ, Ezra kɛ Israel bi komɛ hia blɔ kɛ je Babilonia kɛ ba Yerusalem. Nimli nɛ ɔmɛ ji osɔfohi, Levi bi, Mawu we ɔ lali, Mawu we ɔ buli, kɛ ní tsuli.

Yesaya 10:8

E fĩaa nɛ e deɔ ke, “Anɛ ye tatsɛmɛ ɔmɛ ɔ, pi matsɛmɛ ji mɛ tsuo lo?

Ezekiel 26:7

Nyɔmtsɛ Yawɛ ya nɔ nɛ e de ke, “Ma ha Nebukadnezar, Babilonia matsɛ nguaa pe kulaa a ma ba tua Tiro. E kɛ e tabo babauu nitsɛ, nihi nɛ hi okpɔngɔhi a nɔ, nihi nɛ ngɛ ta zugba lɛhi a mi, kɛ nihi nɛ nyɛɛ nane maa je omleyi je kɛ ba.

Daniel 2:37

Nɛnɛ, mo ji matsɛ nɛ pe matsɛmɛ ɔmɛ tsuo. Mawu nɛ ngɛ hiɔwe ɔ wo mo matsɛ, nɛ e ha mo he wami, agboje, kɛ hɛ mi nyami.

Daniel 2:47

Matsɛ ɔ de Daniel ke, “Niinɛ, o Mawu ɔ kle pe mawu ɔmɛ tsuo; matsɛmɛ a nyɔmtsɛ ji lɛ, nɛ lɛ ji nɔ nɛ jeɔ laami sanehi kpo ngɔ tsɔɔ nɔ. I na le nɔ́ nɛ ɔ, ejakaa o nyɛ́ tsɔɔ mi laami sane nɛ ɔ sisi.”

1 Timoteo 6:15

Mawu pɛ ji je ɔ tsuo nɔ yelɔ nɛ pe kulaa. Lɛ ji matsɛmɛ a matsɛ, kɛ nyɔmtsɛmɛ tsuo a nyɔmtsɛ. E ma je Kristo kpo kɛ tsɔɔ ngɛ lɛ nitsɛ e be nɛ e to nɛ sa a mi.

Kpojemi 17:14

Lohwe ɔ, kɛ matsɛmɛ ɔmɛ ma ya tua To bi ɔ. Se To bi ɔ, kɛ e se nyɛɛli ɔmɛ maa ye a nɔ kunimi. Lɛ ji nyɔmtsɛmɛ a nyɔmtsɛ, kɛ matsɛmɛ a matsɛ, nɛ e se nyɛɛli ɔmɛ ji nihi nɛ Mawu tsɛ, nɛ e hla mɛ ngɔ to, nɛ a yeɔ lɛ anɔkuale.”

Kpojemi 19:16

Nɛ a ngma biɛ ko ngɛ e tade klɔii ɔ, kɛ e fiɔ he ke, “Matsɛmɛ a matsɛ, kɛ nyɔmtsɛmɛ a nyɔmtsɛ.”