Ezra 7:11 - BAIBLO ALOO NGMAMI KLƆUKLƆU Ɔ

¹¹ Womi nɛ Matsɛ Artaherhes ngɔ ha Ezra nɛ ji osɔfo, kɛ womi ngmalɔ nɛ le Yawɛ mlaa amɛ, kɛ blɔ nya tomi ɔmɛ fitsofitso kɛ ha Israel ma a ní tsɔɔmi ɔ mi munyu ji nɛ ɔ nɛ:

Ezra 7:11 ပူးပေါင်းရင်းမြစ်များ

Mateo 23:13

“Nyɛ mlaa tsɔɔli, kɛ Farisi bi, musu tloo nyɛ! Osatotsɛmɛ! Nyɛ ngaa hiɔwe matsɛ yemi ɔ nya ngɔ woɔ nihi, se nyɛ nitsɛmɛ lɛɛ nyɛ sɛ́ mi. Ni nɛmɛ nɛ a hlaa kaa a maa sɛ mi ɔ hu nyɛ ngmɛ́ mɛ blɔ! [

Mateo 23:2

“Mlaa tsɔɔli ɔmɛ, kɛ Farisi bi ɔmɛ ji nihi nɛ a ngɔ he wami ngɔ wo a dɛ, konɛ a tsɔɔ Mose mlaa a sisi saminya.

Ezra 7:6

Ezra nɛ ɔ, womi ngmalɔ ji lɛ, nɛ mlaa a nɛ Yawɛ, Israel Mawu ɔ ngɔ ha Mose ɔ, e le lɛ tsuo fitsofitso. Akɛnɛ Yawɛ, Mawu ɔ nɛ Ezra jaa lɛ ɔ, gbaa Ezra he je ɔ, e nine su nɔ́ tsuaa nɔ́ nɛ e bi matsɛ ɔ nɔ. Matsɛ Artaherhes tsɛ yemi ɔ we jeha kpaagone ɔ mi ɔ, Ezra kɛ Israel bi komɛ hia blɔ kɛ je Babilonia kɛ ba Yerusalem. Nimli nɛ ɔmɛ ji osɔfohi, Levi bi, Mawu we ɔ lali, Mawu we ɔ buli, kɛ ní tsuli.

Ezra 5:6

Womi nɛ amlaalo Tatenai, kɛ Sheta Bozenai, kɛ a nyɛmimɛ tsɔli nɛ ngɛ Yufrate pa a se ɔ ngma ya ha Matsɛ Darius ji nɛ ɔ nɛ:

Ezra 4:11

Womi nɛ a ngma a mi munyu ji nɛ ɔ nɛ: “O tsɔli nɛ ngɛ Yufrate pa a se ɔ nɛ a ngɛ mo, Matsɛ Artaherhes womi nɛ ɔ ngmae.

Ezra 7:10

Ezra ngɔ e wami tsuo ngɔ ha kaa e maa kase Yawɛ mlaa a nɛ e tsu he ní. E suɔ hu kaa e maa tsɔɔ Israel ma a Mawu mlaa a, kɛ blɔ nya tomi ɔmɛ tsuo.

Ezra 7:12

“Osɔfo Ezra, mo womi ngmalɔ nɛ o le Mawu nɛ ngɛ hiɔwe ɔ mlaa a saminya; imi Matsɛ Artaherhes nɛ i ngɛ mo womi nɛ ɔ ngmae. Mo he manye!

Ezra 7:21

“Imi Matsɛ Artaherhes, i ngɛ nyɛ matsɛ nito he ɔ nɔ hyɛli tsuo nɛ ngɛ Yufrate pa a se ɔ mlaa woe ke nɔ́ tsuaa nɔ́ nɛ osɔfo Ezra, Mawu nɛ ngɛ hiɔwe ɔ mlaa tsɔɔlɔ ɔ ma bi nyɛ ɔ, nyɛ ha lɛ esɔ.