Ezra 7:1 - BAIBLO ALOO NGMAMI KLƆUKLƆU Ɔ

¹ Ní nɛ ɔmɛ a se benɛ Artaherhes ngɛ tsɛ yee ngɛ Persia zugba a nɔ ɔ, nyumu ko ba hi si. E biɛ ji Ezra. E tsɔɔ e weku kpa hluu kɛ ya pi osɔfo nɔkɔtɔma Aaron kikɛ nɛ ɔ: Ezra tsɛ ji Seraya, Seraya tsɛ ji Azaria, Azaria tsɛ ji Hilkia.

Ezra 7:1 ပူးပေါင်းရင်းမြစ်များ

Nehemia 2:1

Nyɔhiɔ eywiɛ se, ligbi ko benɛ Matsɛ Artaherhes ngɛ ní yee ɔ, i ngɔ wai ya ma e hɛ mi, nɛ i wo dã a ha lɛ. E nɛ ye hɛ mi nɛ pee mɔbɔmɔbɔ kaa ja hyɛ,

Ezra 7:21

“Imi Matsɛ Artaherhes, i ngɛ nyɛ matsɛ nito he ɔ nɔ hyɛli tsuo nɛ ngɛ Yufrate pa a se ɔ mlaa woe ke nɔ́ tsuaa nɔ́ nɛ osɔfo Ezra, Mawu nɛ ngɛ hiɔwe ɔ mlaa tsɔɔlɔ ɔ ma bi nyɛ ɔ, nyɛ ha lɛ esɔ.

Ezra 7:12

“Osɔfo Ezra, mo womi ngmalɔ nɛ o le Mawu nɛ ngɛ hiɔwe ɔ mlaa a saminya; imi Matsɛ Artaherhes nɛ i ngɛ mo womi nɛ ɔ ngmae. Mo he manye!

Ezra 6:14

Munyuhi nɛ gbalɔ Hagai kɛ Zakaria, Ido bi ɔ tu ɔ, wo Yuda ma nimeli ɔmɛ he wami nɛ a kɛ tsa ní tsumi ɔ nɔ kɛ ya si a gbe nya. A ma Mawu we ɔ gbe nya pɛpɛɛpɛ kaa bɔ nɛ Israel Mawu ɔ, kɛ Persia matsɛmɛ, Sirus, Darius, kɛ Artaherhes fa mɛ ke a pee ɔ.

Matsɛmɛ II, 22:4

“Yaa osɔfo nɔkɔtɔma pe kulaa Hilkia ngɔ, nɛ e bu sika nɛ osɔfo ɔmɛ nɛ tsuɔ ní ngɛ Yawɛ we ɔ agbo ɔ nya a bua nya ngɛ ma a dɛ ɔ he akɔtaa ha mo.

Nehemia 11:11

Hilkia bi Seraya, Meshulam bibi ɔ. E nɛmɛ ji Zadok, Merayot, kɛ osɔfo nɔkɔtɔma pe kulaa Ahitub.

Ezra 7:10

Ezra ngɔ e wami tsuo ngɔ ha kaa e maa kase Yawɛ mlaa a nɛ e tsu he ní. E suɔ hu kaa e maa tsɔɔ Israel ma a Mawu mlaa a, kɛ blɔ nya tomi ɔmɛ tsuo.

Kronika II, 34:15

Hilkia de womi ngmalɔ ɔ nɛ a tsɛɛ lɛ Shafan ɔ ke, “I na mlaa womi ɔ ngɛ Yawɛ we ɔ.” Nɛ́ e de ja kɛkɛ nɛ e kɛ womi ɔ ha Shafan.

Kronika II, 34:9

Shafan, Maaseya, kɛ Yoa ngɔ sika nɛ nihi kɛ ba Mawu we ɔ ya ha osɔfo nɔkɔtɔma pe kulaa a nɛ a tsɛɛ Hilkia a. Sika nɛ ɔ ji sika nɛ Levi bi nɛ tsuɔ ní ngɛ Yawɛ we ɔ agbo ɔ nya a bua nya ngɛ wɛtso nɛ ɔmɛ a mi ɔ a dɛ: Manase, Efraim, Israel ma nɛ piɛ ɔ, Yuda, Benyamin, kɛ Yerusalem ma mi bi ɔmɛ.

Matsɛmɛ II, 25:18

Tatsɛ ɔ ngɔ osɔfo nɔkɔtɔma Seraya kɛ e setsɔ, nɛ ji osɔfo Zefania, kɛ Yawɛ we ɔ buli etɛ ɔmɛ hu nyɔguɛ.

Matsɛmɛ II, 22:8

Benɛ matsɛ pɛdiyo Shafan ngɔ matsɛ sɛ gbi ɔ ya ha Hilkia a, Hilkia de lɛ ke, “I na mlaa womi ɔ ngɛ Yawɛ we ɔ.” Hilkia ngɔ womi ɔ kɛ ha Shafan nɛ e kane.

Ezra 7:2

Hilkia tsɛ ji Shalum, Shalum tsɛ ji Zadok, nɛ Zadok hu tsɛ ji Ahitub.

Ezra 4:7

Benɛ Persia matsɛ, Artaherhes ngɛ tsɛ yee ɔ hu Bishlam, Mitredat, kɛ Tabeel kɛ a huɛmɛ ɔmɛ nɛ piɛ ɔ, ngma womi kɛ ya ha matsɛ ɔ. A ngma ngɛ Aram gbi mi, nɛ a tsɔɔ sisi ha matsɛ ɔ.

Nehemia 8:1

Nyɔhiɔ kpaago ɔ mi ɔ, Israel bi ɔmɛ ba he si ngɛ a ma amɛ a mi. Jamɛ a nyɔhiɔ ɔ kekleekle ligbi ɔ, ma a tsuo ba bua a he nya ngɛ Yerusalem, ngɛ ma kpe he ɔ, ngɛ Nyu Agbo ɔ nya. A de osɔfo Ezra, mlaa tsɔɔlɔ ɔ ke e ngɔ womi ɔ nɛ mlaa a nɛ Yawɛ ha Israel kɛ gu Mose nɔ ɔ ngɛ mi ɔ kɛ ba.