Ezra 6:8 - BAIBLO ALOO NGMAMI KLƆUKLƆU Ɔ

⁸ Jehanɛ, nɔ́ nɛ i ngɛ fae nɛ nyɛɛ pee ha Yuda ma nimeli ɔmɛ ngɛ ní tsumi ɔ he ji nɛ ɔ nɛ. Tó nɛ a ma na kɛ je Yufrate pa a se kɛ wo matsɛ nito he ɔ, hiɔ nɛ a maa bɔ ngɛ ní tsumi ɔ he ɔ, a jé tó ɔ mi eko kɛ ha Yuda ma nimeli ɔmɛ nɛ a kɛ wo hiɔ ɔ tsuo ngɛ be nɛ sa mi.

Ezra 6:8 ပူးပေါင်းရင်းမြစ်များ

Ezra 4:16

Nɛnɛ, wa ngɛ hae nɛ o na nɛ o le kaa ke a fia gbogbo ɔmɛ gbe nya, nɛ a po ma a ekohu ɔ, ma amɛ nɛ ngɛ Yufrate pa a se ɔ be o nɔ yemi he pee hu.”

Ezra 4:23

Benɛ Rehum, Shimshai, kɛ a huɛmɛ ɔmɛ nu womi nɛ Artaherhes ngma a mi munyu ɔ, a pue nɔ amlɔ nɔuu kɛ ho Yerusalem ya, nɛ a ya nyɛ Yuda bi ɔmɛ a nɔ nɛ a kpa ní tsumi ɔ.

Ezra 5:5

Se Mawu piɛ Yuda ma nimeli ɔmɛ a he, nɛ Persia bi ɔmɛ tsi we ní tsumi ɔ nya ha mɛ. Mohu ɔ, Persia bi ɔmɛ to a yi mi kaa a maa ngma womi ya ha Darius, nɛ a maa mlɛ kɛ yaa si a nine maa su heto nɔ.

Ezra 6:14

Munyuhi nɛ gbalɔ Hagai kɛ Zakaria, Ido bi ɔ tu ɔ, wo Yuda ma nimeli ɔmɛ he wami nɛ a kɛ tsa ní tsumi ɔ nɔ kɛ ya si a gbe nya. A ma Mawu we ɔ gbe nya pɛpɛɛpɛ kaa bɔ nɛ Israel Mawu ɔ, kɛ Persia matsɛmɛ, Sirus, Darius, kɛ Artaherhes fa mɛ ke a pee ɔ.

Ezra 6:4

Ke a ngɔ tɛ agboagbohi kɛ wo zã etɛ ɔ, kɛkɛ á ngɔ tso hu kɛ wo zã kake hu kɛ fɔ nɔ. Á ngɔ sika ngɛ matsɛ ɔ nito he ɔ kɛ wo ní tsumi ɔ tsuo he hiɔ.

Ezra 6:7

Nyɛ ko tsi Mawu we ɔ mami nya. Nyɛɛ ngmɛɛ Yuda amlaalo ɔ, kɛ Yuda ma nimeli ɔmɛ a he nɛ a ma Mawu we ɔ ngɛ he nɛ e hi sa a.

Ezra 6:9

Níhi tsuo nɛ maa hia nɛ osɔfo ɔmɛ nɛ ngɛ Yerusalem ɔ ma bi kɛ maa sã sami bɔ ha hiɔwe Mawu ɔ, na kuyo, agbosu, jijɔ, ngma, ngo, dã, loo oliv nu ɔ, nyɛ ha mɛ daa ligbi nɛ nyɛ ko po mi.

Ezra 7:14

I kɛ ye ga woli kpaago ɔmɛ wa ngɛ mo tsɔe kɛ yaa Yerusalem kɛ Yuda nɛ o ya slaa lejɛ ɔmɛ, konɛ o Mawu ɔ mlaa nɛ ngɛ o dɛ ɔ, o hyɛ bɔ nɛ a ngɛ nɔ yee ha.

Nehemia 11:23

Matsɛ David wo mlaa nɛ tsɔɔ bɔ nɛ lali ɔmɛ maa hi a sibi tsakee kɛ lami, kɛ hiɔwo nɛ sa nɛ a haa mɛ daa ligbi.

Nehemia 2:8

I bi hu ke a ha mi womi kɛ ya ha Asaf, nɔ nɛ hyɛɛ matsɛ ɔ hue ɔmɛ a nɔ ɔ, konɛ e ha mi tso nɛ ma kɛ kpɛ agbohi ha mɔ ɔ nɛ ngɛ Yawɛ we ɔ kasa nya a, kɛ gbogbo nɛ a fia kɛ bɔle ma a, kɛ imi nitsɛ ye we nɛ ma hi mi ɔ. Mawu ngɛ ye se, lɔ ɔ he ɔ, matsɛ ɔ ha mi níhi nɛ i bi lɛ ɔ tsuo.

Daniel 6:26

I ngɛ mlaa woe ke nɔ tsuaa nɔ nɛ ye Daniel Mawu ɔ gbeye, nɛ e bu lɛ ngɛ ye matsɛ yemi he ɔ tsuo. “Mawu hɛ kalɔ ji lɛ, nɛ e ngɛ kɛ yaa neneene. E matsɛ yemi ɔ hɛ mi be kpatae kɔkɔɔkɔ, nɛ e he wami ɔ se be poe gblegbleegble.

Hagai 2:8

Ye níhi ji je ɔ mi sika tsu, kɛ sika hiɔ tsuo.