Ezra 6:6 - BAIBLO ALOO NGMAMI KLƆUKLƆU Ɔ

⁶ Kɛkɛ nɛ Matsɛ Darius tsɔ kɛ heto nɛ ɔ kɛ mane ke, “Mo amlaalo Tatenai, kɛ Sheta Bozenai, kɛ nyɛ nyɛmimɛ tsɔli nɛ nyɛ ngɛ Yufrate pa a se! “Nyɛ je nyɛ nine ngɛ ní tsumi ɔ he.

Ezra 6:6 ပူးပေါင်းရင်းမြစ်များ

Ezra 5:3

Jamɛ a be ɔ mi kɛ̃ ɔ, amlaalo Tatenai nɛ ngɛ Yufrate pa a se ɔ, kɛ Sheta Bozenai, kɛ a nyɛmimɛ ɔmɛ ba Yerusalem, nɛ a ba bi ke, “Mɛnɔ ha nyɛ he wami ke nyɛɛ ma Mawu we ɔ, nɛ nyɛɛ fia gbogbo ɔ?”

Romabi 8:31

Lɛɛ kɛ wa ma de kɛɛ ngɛ ní nɛ ɔmɛ a he mɔ? Ke Mawu ngɛ wa se ɔ, mɛnɔ maa te si ngɔ wo wɔ?

Abɛ Womi 21:30

Adesa nile, loo nɔ́ sisi numi, loo ga be nyɛe maa da Yawɛ hɛ mi.

Ezra 5:6

Womi nɛ amlaalo Tatenai, kɛ Sheta Bozenai, kɛ a nyɛmimɛ tsɔli nɛ ngɛ Yufrate pa a se ɔ ngma ya ha Matsɛ Darius ji nɛ ɔ nɛ:

Yesaya 27:8

Tue gblami nɛ Yawɛ ha e ma a ji, e ha a nuu mɛ kɛ ho ma se ya. E ha beleku kɔɔhiɔ nɛ nya wa ko ba muɔ mɛ kɛ ho.

Abɛ Womi 21:1

Matsɛ juɛmi ngɛ kaa nyu dɔ ngɛ Yawɛ dɛ mi. He nɛ lɛɛ e suɔ nɛ e haa e guɔ.

La 76:10

Edom bi nɛ a mi mi fu ɔ, niinɛ, a ma je o yi kɛ̃. Nɛ ni nɛmɛ nɛ maa piɛ ngɛ Harmat ɔ maa ye o nyami be ɔmɛ.

Nehemia 1:11

I kpa mo pɛɛ Nyɔmtsɛ, moo ba o tue si nɛ o nu ye kue fami, kɛ tsɔli ɔmɛ tsuo nɛ suɔ kaa a maa wo o biɛ ɔ hɛ mi nyami ɔ a kue fami ɔmɛ. Ha ma ye manye mwɔnɛ ɔ, nɛ o ha matsɛ ɔ nɛ na mi mɔbɔ.” Jamɛ a be ɔ mi ɔ, imi ji matsɛ ɔ dã wolɔ.

Mose I, 43:14

Mawu Ope ɔ nɛ ha nɛ nyumu ɔ nɛ na nyɛ mɔbɔ, konɛ e ngmɛɛ Benyamin, kɛ nyɛ nyɛmi kaketsɛ ɔ he ha nyɛ. Imi lɛɛ ke ji ye bimɛ ma gbo kɛ wo mi aywilɛho po, e ba mi ja.”

Mose I, 32:28

Nyumu ɔ de lɛ ke, “A be o biɛ tsɛe ke Yakob hu. O kɛ Mawu kɛ nimlihi nɔ kunɔ, nɛ o ye kunimi; lɔ ɔ he ɔ, jehanɛ a ma tsɛ mo ke Israel.”

Ezra 4:9

Nihi nɛ piɛ amlaalo Rehum, kɛ Shimshai a he kɛ ngma womi ɔ ji a huɛmɛ, kojoli, kɛ ma ní tsuli kpahi tsuo nɛ je Erek, Babilon, kɛ Susa ngɛ Elam zugba a nɔ,

Ezra 6:7

Nyɛ ko tsi Mawu we ɔ mami nya. Nyɛɛ ngmɛɛ Yuda amlaalo ɔ, kɛ Yuda ma nimeli ɔmɛ a he nɛ a ma Mawu we ɔ ngɛ he nɛ e hi sa a.

Ezra 6:13

Tatenai, amlaalo nɛ ngɛ Yufrate pa a se ɔ, kɛ Sheta Bozenai, kɛ a nyɛmimɛ ɔmɛ pee bɔ nɛ Matsɛ Darius fa mɛ ke a pee ɔ pɛpɛɛpɛ.