Ezra 6:5 - BAIBLO ALOO NGMAMI KLƆUKLƆU Ɔ

⁵ Jehanɛ hu, sika tsu, kɛ sika hiɔ níhi nɛ Matsɛ Nebukadnezer ya muɔ ngɛ Mawu we ɔ ngɛ Yerusalem kɛ ba Babilon ɔ, á ngɔ ya to a blɔ hehi pɛpɛɛpɛ ngɛ Mawu we ɔ ngɛ Yerusalem.”

Ezra 6:5 ပူးပေါင်းရင်းမြစ်များ

Matsɛmɛ II, 24:13

nɛ e muɔ junehi tsuo nɛ ngɛ Yawɛ we ɔ, kɛ matsɛ we ɔ kɛ ho Babilon ya. Nɛ kaa bɔ nɛ Yawɛ de to momo ɔ, sika tsu kãhi nɛ Israel matsɛ, Salomo pee nɛ a kɛ tsu ní ngɛ Yawɛ we ɔ, Nebukadnezar ywia mɛ dukuduku.

Kronika II, 36:10

Benɛ jeha su ɔ, Matsɛ Nebukadnezar tsɔ nɛ a ba ngɔ lɛ kɛ ho Babilonia ya; a muɔ Yawɛ we ɔ mi june ɔmɛ hu kɛ je. Nebukadnezar wo Yehoyakin nyɛminyumu Zedekia matsɛ ngɛ Yuda, kɛ Yerusalem a nɔ.

Kronika II, 36:18

Babilonia matsɛ ɔ ha ní ngɛ Yawɛ we ɔ; e muɔ june ngɛ nito he ɔ, kɛ Matsɛ Zedekia, kɛ e ganɔ ɔmɛ hu a june kɛ ho Babilon ya.

Ezra 5:14

Sika tsu, kɛ sika hiɔ níhi nɛ Nebukadnezer ba muɔ ngɛ Mawu we ɔ ngɛ Yerusalem kɛ ya wo lɛ, Nebukadnezer lɛɛ e mawu ɔ we ɔ ngɛ Babilon ɔ, matsɛ ɔ ngɔ ní nɛ ɔmɛ tsuo ngɔ ha Sheshbazar. Matsɛ Sirus wo nyumu nɛ ɔ amlaalo ngɛ Yuda.

Yeremia 27:16

Enɛ ɔ se ɔ, i de osɔfo ɔmɛ, kɛ ma a bɔ nɛ Yawɛ de ɔ ke, “Gbali ɔmɛ nɛ ngɛ nyɛ dee ke, e be kɛe kulaa nɛ a maa ngɔ Yawɛ we ɔ juetli ɔ kɛ je Babilonia kɛ ba a, nyɛ ko bu mɛ tue. Lakpa munyu lɛ a ngɛ tue ɔ nɛ.

Yeremia 52:19

A muɔ nɔ́ tsuaa nɔ́ nɛ a kɛ sika tsu, aloo sika hiɔ pee ɔ, kã wawi ɔmɛ, ngɛyu ɔmɛ, kã ngua amɛ, buɛ ɔmɛ, kane tso ɔmɛ, tsopa kɛ e he via kã amɛ, kɛ likɔkɔ ɔmɛ kɛ ho.

Daniel 1:2

Nyɔmtsɛ ɔ ngɔ Matsɛ Yehoyakim ngɔ wo e dɛ, nɛ Nebukadnezar muɔ june nɛ ngɛ Yawɛ we ɔ ekomɛ kɛ je kɛ ho. Babilon ya. June nɛ e muɔ ngɛ Mawu we ɔ e kɛ ya to e mawu ɔmɛ a nito he ɔ.

Daniel 5:2

Benɛ dã a tsɛ̃ Belshazar nya a, e fa ke a ya ngɔ sika tsu, kɛ sika hiɔ kplu ɔmɛ nɛ e tsɛ Nebukadnezar ya muɔ ngɛ Yawɛ we ɔ mi ngɛ Yerusalem ɔ kɛ ba. E tsɔ ke a ya ngɔ kplu ɔmɛ kɛ ba, konɛ e kɛ e ma nimeli ɔmɛ, e yi ɔmɛ, kɛ e plã amɛ nɛ a nu dã ngɛ a mi.