Ezra 6:4 - BAIBLO ALOO NGMAMI KLƆUKLƆU Ɔ

⁴ Ke a ngɔ tɛ agboagbohi kɛ wo zã etɛ ɔ, kɛkɛ á ngɔ tso hu kɛ wo zã kake hu kɛ fɔ nɔ. Á ngɔ sika ngɛ matsɛ ɔ nito he ɔ kɛ wo ní tsumi ɔ tsuo he hiɔ.

Ezra 6:4 ပူးပေါင်းရင်းမြစ်များ

Matsɛmɛ I, 6:36

Kue ɔ nɛ Salomo ma ngɛ we ɔ kpɛti ɔ gbogbo ɔmɛ ɔ, tɛ nɛ a kó gbaka etɛ, kɛ seda plai gbaka kake nɛ a kɛ pee lɛ.

Ezra 3:7

Enɛ ɔ he je ɔ, ma a ha sika nɛ a kɛ wo tɛ gbali ɔmɛ, kɛ tso he ní tsuli ɔmɛ hiɔ, nɛ a ha niye ní, dã, kɛ oliv nu, nɛ a kɛ ya he seda tso ngɛ Tiro kɛ Sidon ngɛ Lebanon zugba a nɔ. A kɛ tso ɔmɛ gu wo nɔ kɛ ba Yopa. Persia matsɛ, Sirus lɛ ngmɛ blɔ kaa a pee ní nɛ ɔmɛ tsuo.

Ezra 5:8

“Nɛnɛ, wa ngɛ hae nɛ o le kaa wa ya Yuda, he nɛ Mawu kpetekpleenyɛ ɔ we ɔ ngɛ ɔ. Wa na kaa a ngɔ tɛ agboagbohi kɛ ngɛ gbogbo ɔ fiae, nɛ a ngɛ tso toe kɛ ngɛ nɔ puee. Ni ɔmɛ ngɛ ní tsumi ɔ tsue kɛ hɛdɔ, nɛ nɔ́ tsuaa nɔ́ ngɛ nɔ yae bɔ nɛ sa.

Ezra 6:8

Jehanɛ, nɔ́ nɛ i ngɛ fae nɛ nyɛɛ pee ha Yuda ma nimeli ɔmɛ ngɛ ní tsumi ɔ he ji nɛ ɔ nɛ. Tó nɛ a ma na kɛ je Yufrate pa a se kɛ wo matsɛ nito he ɔ, hiɔ nɛ a maa bɔ ngɛ ní tsumi ɔ he ɔ, a jé tó ɔ mi eko kɛ ha Yuda ma nimeli ɔmɛ nɛ a kɛ wo hiɔ ɔ tsuo ngɛ be nɛ sa mi.

La 68:29

Yawɛ, o we ɔ nɛ ngɛ Yerusalem he je ɔ, matsɛmɛ ngɔɔ nike ní kɛ ba haa mo.

La 72:10

Matsɛmɛ nɛ je Spania, kɛ zugbahi nɛ wo bɔle mɛ ɔ a nɔ ɔ, á tsu to kɛ ba ha lɛ, nɛ Sheba, kɛ Seba matsɛmɛ ɔmɛ nɛ a ba ke lɛ ní!

Yesaya 49:23

Matsɛmɛ ma plɛ pee tsɛmɛ kɛ ha mo, nɛ manyɛmɛ ma plɛ pee nyɛmɛ kɛ ha mo. A ma kpla si ha mo, nɛ a maa wo o hɛ mi nyami. A maa ba a he si ha mo, nɛ a maa bu mo. Kɛkɛ ɔ, o maa le kaa imi ji Yawɛ niinɛ. Nihi nɛ ngɔɔ a hɛ ngɔ fɔɔ ye nɔ ɔ, zo be mɛ gbee.”

Kpojemi 12:16

Se zugba a ye bua yo ɔ; zugba a bli e nya mi, nɛ e mii nyu nɛ sinɔ nguaa a sú kɛ je e nya mi pue si ɔ.