Ezra 6:22 - BAIBLO ALOO NGMAMI KLƆUKLƆU Ɔ

²² A kɛ bua jɔmi ye Abolokplolo nyami be ɔ ligbi kpaago. A bua jɔ saminya kaa Yawɛ ha Asiria matsɛ ɔ ná a he bua jɔmi, nɛ e piɛ a he nɛ a kɛ ma Yawɛ, Israel Mawu ɔ we ɔ.

Ezra 6:22 ပူးပေါင်းရင်းမြစ်များ

Matsɛmɛ II, 23:29

Benɛ Yosia ngɛ tsɛ yee ɔ, Egipt matsɛ, Neko hia ta ya je ngmlaa ha Asiria matsɛ ngɛ Yufrate pa a nya. Matsɛ Yosia hia ta nɛ e kɛ Egipt bi ɔmɛ ya bua ngɛ Megido; nɛ e ba mi kaa Matsɛ Neko gbe lɛ ngɛ ta mi ngɛ lejɛ ɔ.

Kronika II, 23:18

Yehoyada ngɔ Yawɛ we ɔ ní tsumi ɔ ngɔ wo osɔfo ɔmɛ, kɛ Levi bi ɔmɛ a dɛ mi, konɛ a tsu ní ɔ kaa bɔ nɛ Matsɛ David dla ní tsumi ɔ ngɔ ha mɛ ɔ. Mɛ lɛ a maa sã bɔ ɔmɛ kɛ ha Yawɛ kaa bɔ nɛ a ngma ngɛ Mose mlaa a mi ɔ. Mɛ kɛ̃ ji ni nɛmɛ nɛ maa hyɛ lami, kɛ nyami blɔ nya tomi ɔmɛ a nɔ.

Kronika II, 29:30

Matsɛ ɔ, kɛ ganɔ ɔmɛ fa Levi bi ɔmɛ ke, yi jemi lahi nɛ David, kɛ gbalɔ Asaf po ɔ, a la jamɛ a la amɛ kɛ je Yawɛ yi. Lɔ ɔ he ɔ, be mi nɛ a kpla si nɛ a ngɛ Mawu jae ɔ, nɔ tsuaa nɔ la kɛ bua jɔmi.

Kronika II, 30:21

Israel bi nɛ bua a he nya ngɛ Yerusalem ɔ ye Abolokplolo nyami be ɔ ligbi kpaago sɔuu kɛ bua jɔmi nɛ nya wa. Daa ligbi ɔ, Levi bi ɔmɛ, kɛ osɔfo ɔmɛ fiaa kpa saku, nɛ a laa kɛ jeɔ Yawɛ yi kɛ a tsui tsuo.

Kronika II, 33:11

Enɛ ɔ he je ɔ, Yawɛ ha nɛ Asiria tabo ɔ asafoatsɛmɛ ɔmɛ ba tua Yuda. A kɛ gbowehi nu Manase nɛ a wo lɛ kɔsɔkɔsɔ, nɛ a ngɔ lɛ kɛ ho Babilon ya.

Kronika II, 35:17

Israel bi tsuo nɛ ba bua ngɛ lejɛ ɔ ye Hetsɔmi ɔ, kɛ Abolokplolo nyami be ɔ ligbi kpaago sɔuu.

Ezra 1:1

Benɛ Persia matsɛ, Sirus ba ye tsɛ ɔ, kekleekle jeha a mi ɔ, Yawɛ ha nɛ nɔ́ nɛ lɛ, Yawɛ ɔ de kɛ gu gbalɔ Yeremia nɔ ɔ ba mi. Yawɛ ngɔ juɛmi ko kɛ wo Matsɛ Sirus yi mi kaa e fa nɛ a ngma munyu nɛ ɔ, konɛ a kane nɛ a fiɛ ngɛ e nɔ yemi he ɔ he tsuaa he.

Ezra 6:1

Kɛkɛ nɛ Matsɛ Darius fa, nɛ a ya kpa matsɛmɛ ɔmɛ a yi nɔ sanehi womihi nɛ ngɛ Babilon ɔ a mi fitsofitso.

Ezra 7:27

Ezra la kɛ je Mawu yi ke, “Á je Yawɛ, wa nɛmɛ a Mawu ɔ yi. Lɛ nɛ e kɛ susumi kpakpa wo matsɛ ɔ yi mi kaa e pee nɔ́ ko kaa kikɛ nɛ ɔ kɛ wo Mawu we ɔ nɛ ngɛ Yerusalem ɔ hɛ mi nyami.

Nehemia 13:6

Be nɛ ɔ mi tsuo ɔ, i be Yerusalem; ejakaa Babilonia matsɛ, Artaherhes yi nɔ jeha nyingmi etɛ kɛ enyɔne ɔ mi ɔ, i ya e ngɔ nɛ i ya bɔ lɛ amaniɛ. Pee se ɔ, e ngmɛ mi blɔ,

Abɛ Womi 16:7

Ke Yawɛ ná o he bua jɔmi ɔ, o he nyɛli tete po e ma ha o kɛ mɛ maa hi si ngɛ tue mi jɔmi mi.

Abɛ Womi 21:1

Matsɛ juɛmi ngɛ kaa nyu dɔ ngɛ Yawɛ dɛ mi. He nɛ lɛɛ e suɔ nɛ e haa e guɔ.

Ezekiel 23:23

Ma ngɔ Babilonia bi ɔmɛ tsuo, kɛ Kaldea bi ɔmɛ, nihi nɛ je Pekod, Shoa, kɛ Koa kɛ ba; Asiria bi ɔmɛ tsuo maa ba. Amlaalohi, kɛ asafoatsɛmɛ, mɛ tsuo nihewi nɛ a he ngɛ fɛu, tsɔli nikɔtɔmahi, kɛ ta buli, mɛ tsuo a maa hi okpɔngɔhi a nɔ kɛ ba.

Mateo 26:17

Abolokplolo nyami be ɔ we kekleekle ligbi ɔ, kaseli ɔmɛ ba Yesu ngɔ ba bi lɛ ke, “Jije o suɔ kaa wa ya dla ha mo nɛ o ye Hetsɔmi ɔ ngɛ?”

Yohane 19:11

Yesu he nɔ ke, “Ke pi Mawu nɛ ha mo he wami ɔ, o be he wami ko ngɛ ye nɔ. Lɔ ɔ he ɔ, nɔ nɛ je mi kɛ wo o dɛ mi ɔ, e he yayami ɔ kle pe o nɔ́ ɔ.”