Ezra 6:20 - BAIBLO ALOO NGMAMI KLƆUKLƆU Ɔ

²⁰ Jamɛ a be ɔ, osɔfo ɔmɛ, kɛ Levi bi ɔmɛ tsuo tsukɔ a he nɛ mɛ tsuo a he tsɔ. Lohwehi nɛ a kɛ maa pee kusumi kɛ ye Hetsɔmi ɔ, Levi bi ɔmɛ lɛ a gbe. A gbe lohwe nɛ ɔmɛ kɛ ha ma a tsuo nɛ kpale kɛ je ma se kɛ ba a, kɛ osɔfo ɔmɛ, kɛ mɛ nitsɛmɛ hulɔ.

Ezra 6:20 ပူးပေါင်းရင်းမြစ်များ

Kronika II, 35:11

Benɛ a gbe to ɔmɛ ɔ, Levi bi ɔmɛ kpɔ lohwe ɔmɛ a he womi ɔmɛ, nɛ osɔfo ɔmɛ ngɔ muɔ ɔ kɛ fĩa bɔ sami la tɛ ɔ nɔ.

Hebribi 7:27

Osɔfo kpahi nɛ ye osɔfo nɔkɔtɔma pe kulaa a, e be kaa mɛ. E hia we kaa daa ligbi ɔ, e sã yayami pami bɔ ngɛ lɛ nitsɛ e yayami he kekle, loko e ba sã ngɛ ma a tsuo nɔ́ ɔ he. Benɛ e ngɔ lɛ nitsɛ e he kɛ sã bɔ ɔ, blɔɔ e sã bɔ ɔ tsuo si kake nyɔngloo.

Kronika II, 29:34

Akɛnɛ osɔfo ɔmɛ a he pi bɔ nɛ a ma nyɛ maa gbe lohwe nɛ ɔmɛ tsuo he je ɔ, a nyɛmimɛ Levi bi ɔmɛ ba piɛ a he kɛ tsu ní ɔ kɛ ya si a gbe nya. Jamɛ a be ɔ mi ɔ, osɔfo ɔmɛ babauu pee a he klɔuklɔu. (Levi bi ɔmɛ bɔɔ mɔde kaa a maa pee a he klɔuklɔu pe osɔfo ɔmɛ po).

Mose II, 12:21

Mose tsɛ Israel ma nimeli ɔmɛ tsuo kpe, nɛ e de mɛ ke, “Nyɛ ya hla jijɔhi nyɛɛ to we puɔ nya we puɔ nya, nɛ nyɛɛ gbe kɛ ha Hetsɔmi ɔ yemi.

Kronika II, 35:14

Pee se ɔ, Levi bi ɔmɛ dla lo ɔ ngɔ ha mɛ nitsɛmɛ a he, kɛ osɔfo ɔmɛ nɛ ji Aaron nina a. Nɔ́ nɛ he je nɛ a pee ja ji, ligbi mluku ɔ tsuo ɔ, osɔfo ɔmɛ ngɛ sami bɔ ɔmɛ, kɛ zɔ ɔ sãe hluu kɛ ya si nyɔ mi nɛ́ deka be mi.

Kronika II, 35:15

Lali ɔmɛ nɛ ji Asaf bimɛ ɔmɛ ya hi a blɔ hehi kaa bɔ nɛ Matsɛ David wo mlaa ke a pee ɔ. Mɛ ji Asaf, Heman, kɛ Yedutun, matsɛ ɔ gbalɔ ɔ. Agbo nya buli ɔmɛ ho ya da a blɔ hehi kaa bɔ nɛ a peeɔ daa a; mɛɛ lɛɛ e hia we kaa a si a ní tsumi ɔ, ejakaa a nyɛmimɛ Levi bi ɔmɛ ngɔ a blɔ fa mi nɔ́ ɔ kɛ ba ha mɛ.