Ezra 6:17 - BAIBLO ALOO NGMAMI KLƆUKLƆU Ɔ

¹⁷ Benɛ a ngɛ Mawu we ɔ nya blie ɔ, Israel ma a ngɔ na ku lafa, agbosu lafa enyɔ, kɛ jijɔ lafa eywiɛ kɛ ba sã bɔ ha Mawu. A ngɔ akpakpo nyɔngma kɛ enyɔ hu kɛ ba sã yayami pami bɔ ngɛ Israel wɛtso nyɔngma kɛ enyɔ ɔmɛ a nya.

Ezra 6:17 ပူးပေါင်းရင်းမြစ်များ

Ezra 8:35

Jamɛ a be ɔ, nihi tsuo nɛ a nuu mɛ nyɔguɛ kɛ ho ma se ya nɛ kpale kɛ ba a ba sã sami bɔ ha Israel Mawu ɔ. A sã na ku nyɔngma kɛ enyɔ ngɛ Israel ma a tsuo nane mi, nɛ a sã agbosu nyingmi nɛɛ kɛ ekpa, kɛ jijɔ nyingmi kpaago kɛ kpaago hulɔ. Lɔ ɔ se ɔ, a sã akpakpo nyɔngma kɛ enyɔ kɛ kpa mɛ nitsɛmɛ a he yayamihi a he pɛɛ.

Kronika II, 7:5

Salomo ngɔ ní nɛ ɔmɛ kɛ sã bɔ: na akpe nyingmi enyɔ kɛ enyɔ, kɛ to akpe lafa kɛ nyingmi enyɔ. Kusumi nɛ matsɛ ɔ, kɛ ma a tsuo pee kɛ bli Mawu we ɔ nya ji nɛ ɔ nɛ.

Matsɛmɛ I, 18:31

E ngɔ tɛ nyɔngma kɛ enyɔ ngɛ Yakob nɛ Yawɛ wo lɛ biɛ ke Israel ɔ binyumuhi nyɔngma kɛ enyɔ ɔmɛ a wɛtso ɔmɛ a nya.

Mose III, 4:28

ke a ha e na kaa e tɔ̃ ɔ, é ngɔ apletsi yo nɛ kpa ko be e he kɛ ba sã yayami pami bɔ.

Mose III, 4:3

Ke osɔfo nɛ a pɔ lɛ nu nɛ tɔ̃, nɛ lɔ ɔ he ɔ, e gbla musu kɛ ba ma a nɔ ɔ, e ngɔ na ku nɛ kpa ko be e he kɛ ba sã yayami pami bɔ ha Yawɛ.

Kpojemi 21:12

Gbogbo nɛ ti, nɛ ya hiɔwe saminya bɔle ma a kɛ kpe. Agbo nyɔngma kɛ enyɔ ngɛ he, nɛ bɔfohi nyɔngma kɛ enyɔ daa si ngɛ agbo ɔmɛ a nya. A ngma Israel wɛtso nyɔngma kɛ enyɔ ɔmɛ a biɛ ngɛ agbo ɔmɛ a nya.

Luka 22:30

Nyɛ maa ye ní, nɛ nyɛ maa nu ní ngɛ ye we okplɔɔ ɔ he ngɛ ye matsɛ yemi ɔ mi; nɛ nyɛ maa hi matsɛ sɛhi a nɔ kɛ kojo Israel wɛtso nyɔngma kɛ enyɔ ɔmɛ.

Matsɛmɛ I, 8:62

Enɛ ɔ se ɔ, Matsɛ Salomo kɛ Israel ma a tsuo sã bɔ ha Yawɛ, nɛ a pee kusumi kɛ bli Yawɛ we ɔ nya. Salomo ngɔ ní nɛ ɔmɛ kɛ sã tue mi jɔmi bɔ: na 22,000, kɛ to 120,000.

Kronika II, 29:24

Enɛ ɔ se ɔ, osɔfo ɔmɛ gbe to akpakpo ɔmɛ, nɛ a kɛ a muɔ ɔ pue bɔ sami la tɛ ɔ nɔ kaa yayami pami bɔ kɛ ha Israel ma a tsuo; ejakaa matsɛ ɔ fa ke a sã sami bɔ, kɛ yayami pami bɔ kɛ ha Israel tsuo.