Ezra 6:16 - BAIBLO ALOO NGMAMI KLƆUKLƆU Ɔ

¹⁶ Kɛkɛ nɛ Israel ma a tsuo, osɔfo ɔmɛ, Levi bi ɔmɛ, kɛ nihi tsuo nɛ kpale kɛ je ma se kɛ ba a, ye Mawu we ɔ nya blimi nyami ligbi ɔ kɛ bua jɔmi.

Ezra 6:16 ပူးပေါင်းရင်းမြစ်များ

Kronika II, 7:5

Salomo ngɔ ní nɛ ɔmɛ kɛ sã bɔ: na akpe nyingmi enyɔ kɛ enyɔ, kɛ to akpe lafa kɛ nyingmi enyɔ. Kusumi nɛ matsɛ ɔ, kɛ ma a tsuo pee kɛ bli Mawu we ɔ nya ji nɛ ɔ nɛ.

Filipibi 4:4

Kaa nihi nɛ ngɛ Nyɔmtsɛ ɔ mi ɔ, nyɛ bua nɛ jɔ daa! I ngɛ dee ekohu ke, nyɛ bua nɛ jɔ!

Yohane 10:22

Be nɛ e su fĩɛ be, nɛ a ngɛ sɔlemi we ɔ he tsukɔmi kaimi yee ngɛ Yerusalem ɔ, Yesu slaa si kɛ ya be ngɛ Salomo ablanaa a mi ngɛ sɔlemi we ɔ.

La 122:1

Ye bua jɔ ye he wawɛɛ nitsɛ benɛ a de mi ke, “Waa ho Yawɛ we ɔ ya.”

Ezra 6:22

A kɛ bua jɔmi ye Abolokplolo nyami be ɔ ligbi kpaago. A bua jɔ saminya kaa Yawɛ ha Asiria matsɛ ɔ ná a he bua jɔmi, nɛ e piɛ a he nɛ a kɛ ma Yawɛ, Israel Mawu ɔ we ɔ.

Nehemia 7:73

Osɔfo ɔmɛ, Levi bi ɔmɛ, buli ɔmɛ, lali ɔmɛ, ma mi bi ɔmɛ saii, sɔlemi we ɔ he ní tsuli ɔmɛ, kɛ Israel ma a tsuo ba hi Yuda ma amɛ a mi.

Ezra 4:1

Benɛ Yuda bi ɔmɛ, kɛ Benyamin bi ɔmɛ a he nyɛli ɔmɛ nu kaa nihi nɛ kpale kɛ je ma se kɛ ba a ba bɔni Yawɛ, Israel Mawu ɔ we ɔ mami ekohu ɔ,

Kronika II, 30:26

Yerusalem ma a mi pee hoo kɛ nyami sɔuu, ejakaa kɛ je Matsɛ Salomo, David binyumu ɔ yi nɔ ɔ, nɔ́ ko kaa kikɛ nɛ ɔ bɛ hyɛ.

Kronika II, 30:23

ma a tsuo kplɛɛ kaa a ma pa ye ligbi kpaago kɛ piɛ he. Nɛ a kɛ bua jɔmi nɛ nya wa ye ligbi kpaago kɛ piɛ he.

Kronika I, 15:28

Kɛkɛ nɛ Israel ma a tsuo ngɔ somi daka a kɛ ba Yerusalem. Benɛ a ma a tsuo a ngɛ titimati kɛ koli kpae, nɛ a ngɛ ngmlɛ kɛ kpa saku hu fiae kɛ ngmlaa.

Kronika I, 9:2

Kekleekle nihi nɛ kpale kɛ ba mɛ nitsɛmɛ a zugba nɔ, kɛ a ma amɛ a mi ji nɛ ɔmɛ: Israel bi komɛ nɛ pi osɔfohi ji mɛ, osɔfo ɔmɛ, Levi bi ɔmɛ, kɛ Yawɛ we ɔ ní tsuli.

Mose V, 12:7

Nyɛɛ kɛ nyɛ we ɔmɛ tsuo maa ye ní ngɛ lejɛ ɔ, nɛ nyɛ bua maa jɔ niba ní kpakpahi nɛ Yawɛ, nyɛ Mawu ɔ kɛ gbaa nyɛ dengme gbomi nɔ ha nyɛ ɔ a he.

Nehemia 12:43

A sã bɔhi babauu jamɛ a ligbi ɔ, nɛ ma a nyá saminya; ejakaa Mawu ha nɛ a bua jɔ wawɛɛ nitsɛ. Yi ɔmɛ, kɛ jokuɛwi ɔmɛ hu piɛ he kɛ ye nyami ligbi ɔ; nɛ a nu ngmlaa a he ngɛ se lokoo.

Nehemia 8:10

Mohu nyɛɛ ya nyɛ we ɔmɛ a mi, nɛ nyɛ ya ye ní kpakpa, nɛ nyɛɛ nu wai ngɔngɔɛ. Nyɛ nyɛmimɛ ɔmɛ nɛ a be eko ɔ, nyɛ ha mɛ eko. Mwɔnɛ ligbi nɛ ɔ ji ligbi klɔuklɔu ha Yawɛ nyɛ Mawu ɔ, lɔ ɔ he ɔ, nyɛ ko pee mɔbɔmɔbɔ. Bua jɔmi nɛ Yawɛ ngɛ nyɛ hae ɔ ma ha nɛ nyɛ ma na he wami.”

Matsɛmɛ I, 8:62

Enɛ ɔ se ɔ, Matsɛ Salomo kɛ Israel ma a tsuo sã bɔ ha Yawɛ, nɛ a pee kusumi kɛ bli Yawɛ we ɔ nya. Salomo ngɔ ní nɛ ɔmɛ kɛ sã tue mi jɔmi bɔ: na 22,000, kɛ to 120,000.

Daniel 5:13

A ya ngɔ Daniel kɛ ba matsɛ ɔ ngɔ amlɔ nɔuu, nɛ matsɛ ɔ bi lɛ ke, “Anɛ mo ji Daniel ɔ lo? Yuda bi ɔmɛ nɛ tsaatsɛ ya nuu kɛ je Yuda kɛ ba a, a ti nɔ kake ji mo lo?

Kronika II, 29:30

Matsɛ ɔ, kɛ ganɔ ɔmɛ fa Levi bi ɔmɛ ke, yi jemi lahi nɛ David, kɛ gbalɔ Asaf po ɔ, a la jamɛ a la amɛ kɛ je Yawɛ yi. Lɔ ɔ he ɔ, be mi nɛ a kpla si nɛ a ngɛ Mawu jae ɔ, nɔ tsuaa nɔ la kɛ bua jɔmi.

Nehemia 12:27

Benɛ a maa julaa Yerusalem gbogbo ɔ, a ya kpee Levi bi ɔmɛ kɛ je hehi tsuo nɛ a ngɛ ɔ kɛ ba. A ba piɛ Yerusalem ma mi bi ɔmɛ a he, nɛ a fia gɔgɔ, kɛ saku, nɛ a la sina lahi nɛ a kɛ ye nyami ligbi ɔ.