Ezra 6:15 - BAIBLO ALOO NGMAMI KLƆUKLƆU Ɔ

¹⁵ Benɛ Matsɛ Darius ngɛ tsɛ yee ɔ, jeha ekpane ɔ we nyɔhiɔ enyɔne ɔ nɛ a tsɛɛ Adar a, jamɛ a be ɔ nɛ a gbe Mawu we ɔ mami nya.

Ezra 6:15 ပူးပေါင်းရင်းမြစ်များ

Ester 3:7

Matsɛ Ahasuerus tsɛ yemi be ɔ mi jeha nyɔngma kɛ enyɔne ɔ we kekleekle nyɔhiɔ nɛ a tsɛɛ Nisan ɔ, Haman fa ke a fɔ sɔ, konɛ a kɛ na ligbi nɔ, kɛ nyɔhiɔ mi nɛ sa kaa a tsu nɔ́ nɛ e to ga kaa a pee ɔ. Sɔ ɔ tsɔɔ kaa nyɔhiɔ nyɔngma kɛ enyɔne ɔ nɛ a tsɛɛ Adar a we ligbi nyɔngma kɛ etɛ ɔ ji be nɛ sa; lɔ ɔ he ɔ, a ngɔ jamɛ a ligbi ɔ. (A tsɛɛ sɔ fɔmi ngɛ Hebri gbi mi ke “Purim”.)

Ester 9:21

E de mɛ ke, daa jeha a, á ye ligbi nyɔngma kɛ eywiɛne ɔ, kɛ nyɔngma kɛ enuɔne ɔ ngɛ nyɔhiɔ Adar a mi kaa he jɔɔmi ligbihi.

Ester 9:19

Enɛ ɔ he je ɔ, Yuda bi nɛ ngɛ ma wawi a mi ɔ yeɔ nyɔhiɔ nɛ a tsɛɛ Adar a we ligbi nɛ ji nyɔngma kɛ eywiɛ ɔ kaa a nyami ligbi, nɛ a bua jɔɔ a he. A yeɔ ní nɛ a nuɔ ní, nɛ a kee a sibi niye ní.

Ester 9:17

Nyɔhiɔ nɛ a tsɛɛ Adar a we ligbi nyɔngma kɛ etɛne ɔ nɔ nɛ a tsu nɔ́ nɛ ɔ nɛ. E nɔ jena nɛ ji nyɔhiɔ ɔ ligbi nyɔngma kɛ eywiɛne ɔ nɔ ɔ, a kpataa we nɔ ko hɛ mi, se mohu a tsɛ ní yemi; a ye ní nɛ a nu ní, nɛ a nya jamɛ a ligbi ɔ.

Ester 9:15

Nyɔhiɔ ɔ nɛ a tsɛɛ Adar a we ligbi nyɔngma kɛ eywiɛne ɔ nɔ ɔ, Yuda bi ɔmɛ nɛ ngɛ Susa a bua a he nya ekohu, nɛ a gbe ma a mi bi lafa etɛ kɛ piɛ nihi nɛ a gbe kekle ɔ a he. Se kaa bɔ nɛ a pee kekle ɔ, hɛ ní.

Ester 9:1

Nyɔhiɔ nɛ a tsɛɛ Adar a we ligbi nyɔngma kɛ etɛne ɔ ba su. Kikɛmɛ a ligbi nɛ ɔ ji be nɛ a to nɛ a kɛ mlaa nɛ matsɛ ɔ wo nɛ a fiɛ ha ma a ma bɔni ní tsumi. Ligbi nɛ ɔ kɛ̃ ji ligbi nɛ Yuda bi ɔmɛ a he nyɛli ɔmɛ to kaa a ma kpata Yuda bi ɔmɛ a hɛ mi ɔ nɛ. Se nɔ́ nɛ ba mohu ji kaa Yuda bi ɔmɛ ye a he nyɛli ɔmɛ a nɔ kunimi.

Ester 8:12

Ligbi ɔ nɛ a to nɛ a kpata Yuda bi ɔmɛ a hɛ mi ngɛ Matsɛ Ahasuerus nɔ yemi he ɔmɛ tsuo ɔ, jamɛ a ligbi ɔ nɔuu mlaa nɛ ɔ ma bɔni ní tsumi. Ligbi nɛ ɔ ji nyɔhiɔ nyɔngma kɛ enyɔne ɔ nɛ a tsɛɛ Adar a we ligbi nɛ ji nyɔngma kɛ etɛ ɔ.

Ester 3:13

Tsɔli nɛ a he sɔɔ saminya ngɔ womi nɛ ɔmɛ kɛ ya he tsuaa he ngɛ e nɔ yemi he ɔ. Bɔ nɛ a ngma ngɛ womi ɔmɛ a mi ji nɛ ɔ nɛ: nyɔhiɔ nɛ a tsɛɛ ke Adar a we ligbi nyɔngma kɛ etɛne ɔ, jamɛ a ligbi ɔ nɔ tutuutu ɔ, á kpata Yuda bi tsuo pɛpɛɛpɛ a hɛ mi; jokuɛwi, nikɔtɔmahi, nyumuhi, kɛ yihi. Á kɛ yi mi wami nɛ kpata mɛ tsuo a hɛ mi, nɛ́ a ha a níhi.

Ezra 5:16

Kɛkɛ nɛ Sheshbazar ba nɛ e ba fia we ɔ sisi tomi ɔ ngɛ Yerusalem. Kɛ je jamɛ a be ɔ hluu kɛ ba su amlɔ nɛ ɔ, a ngɛ we ɔ he ní tsue, se a gbi nya lolo!’

Zakaria 1:1

Persia matsɛ, Darius tsɛ yemi be ɔ jeha enyɔne ɔ, nyɔhiɔ kpaanyɔne ɔ we kekleekle ligbi ɔ, Yawɛ ngɔ e sɛ gbi ngɔ ha Ido bibi gbalɔ Zakaria, Berekia bi ɔ ke,

Zakaria 1:16

Lɔ ɔ he ɔ, i kpale kɛ ba Yerusalem, konɛ ma ba na ma a mɔbɔ. A maa ma ye sɔlemi we ɔ ekohu, nɛ a ma dla maa fia Yerusalem ma a hulɔ.”

Zakaria 4:9

“Zerubabel nɛ fia Mawu we nɛ ɔ sisi tomi ɔ, lɛ nɔuu nɛ maa ma tsu ɔ kɛ gbe nya. Ke nɔ́ nɛ ɔ ba mi pɛ ye ma a maa le kaa imi Yawɛ Tabohiatsɛ ɔ nitsɛ nɛ i tsɔ mo a ngɔ.

Ezra 4:24

Lɔ ɔ he ɔ, Mawu we ɔ nɛ ngɛ Yerusalem he ní tsumi ɔ tlɔ fã jã hluu kɛ ya su Persia matsɛ, Darius yi nɔ jeha enyɔne ɔ.

Ezra 9:9

A pee wɔ nyɔguɛhi, se ngɛ wa nyɔguɛ si himi ɔ mi ɔ, o je o suɔmi nɛ ngɛ daa a kpo kɛ tsɔɔ wɔ. O ngmɛɛ we wa he, nɛ o ha Persia matsɛmɛ ɔmɛ na wɔ mɔbɔ, nɛ a ha wa nɔ gbagba te ekohu, bɔ nɛ pee nɛ Mawu we ɔ nɛ ku kɛ pue si ɔ, waa ma lɛ ekohu, nɛ waa hi hiɛmɛ nɛ ɔ ngɛ Yuda kɛ Yerusalem ngɛ tue mi jɔmi mi.