Ezra 6:14 - BAIBLO ALOO NGMAMI KLƆUKLƆU Ɔ

¹⁴ Munyuhi nɛ gbalɔ Hagai kɛ Zakaria, Ido bi ɔ tu ɔ, wo Yuda ma nimeli ɔmɛ he wami nɛ a kɛ tsa ní tsumi ɔ nɔ kɛ ya si a gbe nya. A ma Mawu we ɔ gbe nya pɛpɛɛpɛ kaa bɔ nɛ Israel Mawu ɔ, kɛ Persia matsɛmɛ, Sirus, Darius, kɛ Artaherhes fa mɛ ke a pee ɔ.

Ezra 6:14 ပူးပေါင်းရင်းမြစ်များ

Ezra 7:1

Ní nɛ ɔmɛ a se benɛ Artaherhes ngɛ tsɛ yee ngɛ Persia zugba a nɔ ɔ, nyumu ko ba hi si. E biɛ ji Ezra. E tsɔɔ e weku kpa hluu kɛ ya pi osɔfo nɔkɔtɔma Aaron kikɛ nɛ ɔ: Ezra tsɛ ji Seraya, Seraya tsɛ ji Azaria, Azaria tsɛ ji Hilkia.

Ezra 5:13

Pee se, benɛ Matsɛ Sirus ba ngɛ tsɛ yee ngɛ Babilonia a, kekleekle jeha a mi ɔ, e fa ke a ma we ɔ ekohu.

Ezra 4:24

Lɔ ɔ he ɔ, Mawu we ɔ nɛ ngɛ Yerusalem he ní tsumi ɔ tlɔ fã jã hluu kɛ ya su Persia matsɛ, Darius yi nɔ jeha enyɔne ɔ.

Zakaria 4:9

“Zerubabel nɛ fia Mawu we nɛ ɔ sisi tomi ɔ, lɛ nɔuu nɛ maa ma tsu ɔ kɛ gbe nya. Ke nɔ́ nɛ ɔ ba mi pɛ ye ma a maa le kaa imi Yawɛ Tabohiatsɛ ɔ nitsɛ nɛ i tsɔ mo a ngɔ.

Hagai 1:8

Nyɛ ya kuɔ yoku ɔmɛ; nyɛɛ poo tso kɛ ba nɛ nyɛ ba ma Mawu we ɔ ekohu; kɛkɛ ɔ, ma na bua jɔmi, nɛ nyɛ ma ja mi ngɛ lejɛ ɔ.

Yesaya 44:28

I deɔ Sirus ke, ‘Mo ji nɔ nɛ maa ye ye ma a nɔ ha mi; nɔ́ nɛ i suɔ ɔ, lɔ ɔ sɔuu o maa pee. O ma fa ke a ma Yerusalem ekohu, nɛ́ a to Yawɛ we ɔ sisi.’ ”

Ezra 4:3

Se Zerubabel, Yoshua, kɛ Israel we puɔ nya dali ɔmɛ tsuo de mɛ ke, “Ke wa ngɛ Yawɛ, wa Mawu ɔ we mae ha lɛ ɔ, e kɔ we nyɛ he nɔ́ ko kulaa. Wɔ nitsɛmɛ wa maa ma wa ní kaa bɔ nɛ Persia matsɛ, Sirus fa wɔ ɔ.”

Ezra 3:8

Benɛ Israel bi ɔmɛ ba su Yerusalem, he nɛ Mawu we ɔ hi ɔ, jeha enyɔne ɔ we nyɔhiɔ nɛ ji enyɔ ɔ mi ɔ, a je Yawɛ we ɔ mami sisi. Shealtiel bi Zerubabel, Yozadak bi Yoshua, kɛ ma a nɛ a wo ní tsumi ɔ nɔ. Osɔfo ɔmɛ, Levi bi ɔmɛ, kɛ nihí tsuo nɛ kpale kɛ je ma se kɛ ba a hu piɛ a he. A ngɔ Levi bi, nihi nɛ ye jeha nyingmi enyɔ, aloo ni nɛmɛ nɛ ye pe ja ngɔ to ní tsumi ɔ nya konɛ a hyɛ nɔ.

Ezra 5:1

Jehanɛ gbali enyɔ, Hagai kɛ Ido bi Zakaria ba bɔni fiɛmi ngɛ Yuda kɛ Yerusalem ngɛ Israel Mawu ɔ nɛ hyɛɔ a nɔ ɔ biɛ mi.

Ezra 5:2

Kɛkɛ nɛ Shealtiel bi Zerubabel, kɛ Yehozadak bi Yoshua ya bɔni Mawu we ɔ mami ekohu, nɛ Mawu gbali ɔmɛ piɛ a he kɛ tsu ní ɔ.

Hagai 1:1

Persia matsɛ, Darius yi nɔ, jeha enyɔne ɔ mi, nyɔhiɔ ekpane ɔ we kekleekle ligbi ɔ, Yawɛ ngɔ sɛ gbi kɛ gu gbalɔ Hagai nɔ kɛ ha nimli nɛ ɔmɛ: Sheatiel bi Zerubabel, Yuda amlaalo ɔ, kɛ Yehozadak bi Yoshua, osɔfo nɔkɔtɔma pe kulaa a.

Zakaria 1:1

Persia matsɛ, Darius tsɛ yemi be ɔ jeha enyɔne ɔ, nyɔhiɔ kpaanyɔne ɔ we kekleekle ligbi ɔ, Yawɛ ngɔ e sɛ gbi ngɔ ha Ido bibi gbalɔ Zakaria, Berekia bi ɔ ke,

Zakaria 1:16

Lɔ ɔ he ɔ, i kpale kɛ ba Yerusalem, konɛ ma ba na ma a mɔbɔ. A maa ma ye sɔlemi we ɔ ekohu, nɛ a ma dla maa fia Yerusalem ma a hulɔ.”

Zakaria 8:9

Yawɛ Tabohiatsɛ ɔ ke, “Munyuhi nɛ gbali ɔmɛ tu nyɛ benɛ nyɛ ngɛ ye we ɔ sisi tomi ɔ fiae ekohu ɔ, lɔ ɔmɛ nɔuu nyɛ ngɛ nue nɛ ɔ nɛ. Lɔ ɔ he ɔ, nyɛ wlua nyɛ kɛ tsu ní ɔ.

Ezra 6:3

“Benɛ Matsɛ Sirus ngɛ tsɛ yee ɔ, kekleekle jeha a mi ɔ, e fa ke a ya ma Mawu we ɔ ngɛ Yerusalem ekohu, konɛ a sã bɔhi, kɛ sami bɔhi ngɛ lejɛ ɔ. Mawu we ɔ hiɔwe yami nɛ pee gugue nyɔngma kɛ enuɔ, nɛ e blimi hu nɛ pee gugue nyɔngma kɛ enuɔ.

Ezra 6:8

Jehanɛ, nɔ́ nɛ i ngɛ fae nɛ nyɛɛ pee ha Yuda ma nimeli ɔmɛ ngɛ ní tsumi ɔ he ji nɛ ɔ nɛ. Tó nɛ a ma na kɛ je Yufrate pa a se kɛ wo matsɛ nito he ɔ, hiɔ nɛ a maa bɔ ngɛ ní tsumi ɔ he ɔ, a jé tó ɔ mi eko kɛ ha Yuda ma nimeli ɔmɛ nɛ a kɛ wo hiɔ ɔ tsuo ngɛ be nɛ sa mi.

Ezra 9:9

A pee wɔ nyɔguɛhi, se ngɛ wa nyɔguɛ si himi ɔ mi ɔ, o je o suɔmi nɛ ngɛ daa a kpo kɛ tsɔɔ wɔ. O ngmɛɛ we wa he, nɛ o ha Persia matsɛmɛ ɔmɛ na wɔ mɔbɔ, nɛ a ha wa nɔ gbagba te ekohu, bɔ nɛ pee nɛ Mawu we ɔ nɛ ku kɛ pue si ɔ, waa ma lɛ ekohu, nɛ waa hi hiɛmɛ nɛ ɔ ngɛ Yuda kɛ Yerusalem ngɛ tue mi jɔmi mi.

Nehemia 6:15

Ligbi nyingmi enuɔ kɛ enyɔ se ɔ, a gbe gbogbo ɔ tsuo fiami nya. A gbe nya ngɛ nyɔhiɔ nɛ a tsɛɛ Elul ɔ ligbi nyingmi enyɔ kɛ enuɔne ɔ nɔ.