Ezra 6:13 - BAIBLO ALOO NGMAMI KLƆUKLƆU Ɔ

¹³ Tatenai, amlaalo nɛ ngɛ Yufrate pa a se ɔ, kɛ Sheta Bozenai, kɛ a nyɛmimɛ ɔmɛ pee bɔ nɛ Matsɛ Darius fa mɛ ke a pee ɔ pɛpɛɛpɛ.

Ezra 6:13 ပူးပေါင်းရင်းမြစ်များ

Ezra 4:23

Benɛ Rehum, Shimshai, kɛ a huɛmɛ ɔmɛ nu womi nɛ Artaherhes ngma a mi munyu ɔ, a pue nɔ amlɔ nɔuu kɛ ho Yerusalem ya, nɛ a ya nyɛ Yuda bi ɔmɛ a nɔ nɛ a kpa ní tsumi ɔ.

Ezra 4:9

Nihi nɛ piɛ amlaalo Rehum, kɛ Shimshai a he kɛ ngma womi ɔ ji a huɛmɛ, kojoli, kɛ ma ní tsuli kpahi tsuo nɛ je Erek, Babilon, kɛ Susa ngɛ Elam zugba a nɔ,

Ezra 5:3

Jamɛ a be ɔ mi kɛ̃ ɔ, amlaalo Tatenai nɛ ngɛ Yufrate pa a se ɔ, kɛ Sheta Bozenai, kɛ a nyɛmimɛ ɔmɛ ba Yerusalem, nɛ a ba bi ke, “Mɛnɔ ha nyɛ he wami ke nyɛɛ ma Mawu we ɔ, nɛ nyɛɛ fia gbogbo ɔ?”

Ezra 5:6

Womi nɛ amlaalo Tatenai, kɛ Sheta Bozenai, kɛ a nyɛmimɛ tsɔli nɛ ngɛ Yufrate pa a se ɔ ngma ya ha Matsɛ Darius ji nɛ ɔ nɛ:

Ezra 6:6

Kɛkɛ nɛ Matsɛ Darius tsɔ kɛ heto nɛ ɔ kɛ mane ke, “Mo amlaalo Tatenai, kɛ Sheta Bozenai, kɛ nyɛ nyɛmimɛ tsɔli nɛ nyɛ ngɛ Yufrate pa a se! “Nyɛ je nyɛ nine ngɛ ní tsumi ɔ he.

Ester 6:11

Haman ya ngɔ ablade tade ɔ, kɛ okpɔngɔ ɔ, nɛ e kɛ tade ɔ ya wo Mordekai. Mordekai hi okpɔngɔ ɔ nɔ, nɛ Haman nyɛɛ e hɛ mi nɛ e kɛ lɛ po si ngɛ ma nɔ. Benɛ a yaa a tsuo, Haman ngɛ fiɛe ke, “Bɔ nɛ matsɛ ɔ suɔ kaa e maa wo nɔ nɛ e suɔ ɔ hɛ mi nyami ji nɛ ɔ nɛ!”

Abɛ Womi 29:26

Nihi babauu buɔ kaa a maa sa nɔ yelɔ hɛ mi; se Yawɛ pɛ ji nɔ nɛ yeɔ dami sane ha nɔ.

Fiɛlɔ 8:4

Ke matsɛ tu munyu ɔ, he wami ngɛ se. Mɛnɔ ma nyɛ ma de matsɛ ke, “Mɛni lɛ o pee nɛ ɔ?”