Ezra 5:3 - BAIBLO ALOO NGMAMI KLƆUKLƆU Ɔ

³ Jamɛ a be ɔ mi kɛ̃ ɔ, amlaalo Tatenai nɛ ngɛ Yufrate pa a se ɔ, kɛ Sheta Bozenai, kɛ a nyɛmimɛ ɔmɛ ba Yerusalem, nɛ a ba bi ke, “Mɛnɔ ha nyɛ he wami ke nyɛɛ ma Mawu we ɔ, nɛ nyɛɛ fia gbogbo ɔ?”

Ezra 5:3 ပူးပေါင်းရင်းမြစ်များ

Ezra 1:3

Mawu ma, nyɛ ti nihi nɛ nyɛ suɔ kaa nyɛ maa kpale ɔ, Mawu nɛ piɛ nyɛ he! Nyɛɛ ya Yerusalem ngɛ Yuda zugba a nɔ. Nyɛ ya ma Yawɛ, Israel Mawu ɔ we ɔ ekohu. Lɛ ji Mawu nɛ ngɛ Yerusalem ɔ nɛ.

Ezra 4:12

Nɛnɛ, wa ngɛ hae nɛ o le kaa Yuda bi ɔmɛ nɛ je o ngɔ kɛ ba a ba to si ngɛ Yerusalem, nɛ a bɔni jamɛ a atuã tsɔli, kɛ yiwutsotsɛmɛ a ma a mami ekohu. A bɔni gbogbo ɔmɛ fiami, nɛ e be kɛe kulaa nɛ a maa po ma a kɛ gbe nya.

Ezra 4:9

Nihi nɛ piɛ amlaalo Rehum, kɛ Shimshai a he kɛ ngma womi ɔ ji a huɛmɛ, kojoli, kɛ ma ní tsuli kpahi tsuo nɛ je Erek, Babilon, kɛ Susa ngɛ Elam zugba a nɔ,

Ezra 5:6

Womi nɛ amlaalo Tatenai, kɛ Sheta Bozenai, kɛ a nyɛmimɛ tsɔli nɛ ngɛ Yufrate pa a se ɔ ngma ya ha Matsɛ Darius ji nɛ ɔ nɛ:

Ezra 5:9

“Wa bi Yuda ma nimeli ɔmɛ ke a tsɔɔ wɔ nɔ nɛ ha mɛ he wami kaa a ma Mawu we ɔ ekohu, nɛ a fia gbogbo ɔ.

Ezra 6:13

Tatenai, amlaalo nɛ ngɛ Yufrate pa a se ɔ, kɛ Sheta Bozenai, kɛ a nyɛmimɛ ɔmɛ pee bɔ nɛ Matsɛ Darius fa mɛ ke a pee ɔ pɛpɛɛpɛ.

Ezra 6:6

Kɛkɛ nɛ Matsɛ Darius tsɔ kɛ heto nɛ ɔ kɛ mane ke, “Mo amlaalo Tatenai, kɛ Sheta Bozenai, kɛ nyɛ nyɛmimɛ tsɔli nɛ nyɛ ngɛ Yufrate pa a se! “Nyɛ je nyɛ nine ngɛ ní tsumi ɔ he.

Ezra 7:21

“Imi Matsɛ Artaherhes, i ngɛ nyɛ matsɛ nito he ɔ nɔ hyɛli tsuo nɛ ngɛ Yufrate pa a se ɔ mlaa woe ke nɔ́ tsuaa nɔ́ nɛ osɔfo Ezra, Mawu nɛ ngɛ hiɔwe ɔ mlaa tsɔɔlɔ ɔ ma bi nyɛ ɔ, nyɛ ha lɛ esɔ.

Hagai 1:1

Persia matsɛ, Darius yi nɔ, jeha enyɔne ɔ mi, nyɔhiɔ ekpane ɔ we kekleekle ligbi ɔ, Yawɛ ngɔ sɛ gbi kɛ gu gbalɔ Hagai nɔ kɛ ha nimli nɛ ɔmɛ: Sheatiel bi Zerubabel, Yuda amlaalo ɔ, kɛ Yehozadak bi Yoshua, osɔfo nɔkɔtɔma pe kulaa a.

Mateo 21:23

Yesu kpale kɛ ba sɔlemi we ɔ. Benɛ e ngɛ ní tsɔɔe ɔ, osɔfo nikɔtɔma amɛ, kɛ ma nimeli ɔmɛ ba e ngɔ, nɛ a ba bi lɛ ke, “Mɛni he wami o kɛ ngɛ ní nɛ ɔmɛ pee? Mɛnɔ ha mo kikɛmɛ a he wami nɛ ɔ?”

Ni Tsumi 4:7

A ha bɔfo ɔmɛ ba da a hɛ mi, nɛ a bi mɛ ke, “Kɛ nyɛ pee kɛɛ nɛ nyɛ tsa glɔtsɛ ɔ? Mɛnɔ he wami nya, aloo mɛnɔ biɛ mi nyɛ tsu nɔ́ nɛ ɔ?”