Ezra 5:16 - BAIBLO ALOO NGMAMI KLƆUKLƆU Ɔ

¹⁶ Kɛkɛ nɛ Sheshbazar ba nɛ e ba fia we ɔ sisi tomi ɔ ngɛ Yerusalem. Kɛ je jamɛ a be ɔ hluu kɛ ba su amlɔ nɛ ɔ, a ngɛ we ɔ he ní tsue, se a gbi nya lolo!’

Ezra 5:16 ပူးပေါင်းရင်းမြစ်များ

Ezra 3:10

Benɛ tsu mali ɔmɛ bɔni Mawu we ɔ sisi tomi ɔ fiami ɔ, osɔfo ɔmɛ kɛ a he tade ɔmɛ kɛ a dɛ mi titimati ya da a blɔ hehi. Levi bi nɛ je Asaf we puɔ ɔ nya a hu hɛɛ gɔgɔhi ngɛ a dɛ kɛ ya da si ngɛ lejɛ ɔ. A je Yawɛ yi kaa bɔ nɛ Matsɛ David to blɔ nya ha mɛ kɛ je blema a.

Ezra 3:8

Benɛ Israel bi ɔmɛ ba su Yerusalem, he nɛ Mawu we ɔ hi ɔ, jeha enyɔne ɔ we nyɔhiɔ nɛ ji enyɔ ɔ mi ɔ, a je Yawɛ we ɔ mami sisi. Shealtiel bi Zerubabel, Yozadak bi Yoshua, kɛ ma a nɛ a wo ní tsumi ɔ nɔ. Osɔfo ɔmɛ, Levi bi ɔmɛ, kɛ nihí tsuo nɛ kpale kɛ je ma se kɛ ba a hu piɛ a he. A ngɔ Levi bi, nihi nɛ ye jeha nyingmi enyɔ, aloo ni nɛmɛ nɛ ye pe ja ngɔ to ní tsumi ɔ nya konɛ a hyɛ nɔ.

Ezra 5:14

Sika tsu, kɛ sika hiɔ níhi nɛ Nebukadnezer ba muɔ ngɛ Mawu we ɔ ngɛ Yerusalem kɛ ya wo lɛ, Nebukadnezer lɛɛ e mawu ɔ we ɔ ngɛ Babilon ɔ, matsɛ ɔ ngɔ ní nɛ ɔmɛ tsuo ngɔ ha Sheshbazar. Matsɛ Sirus wo nyumu nɛ ɔ amlaalo ngɛ Yuda.

Ezra 5:15

Matsɛ ɔ de lɛ ke e ngɔ ní ɔmɛ kɛ ya Mawu we ɔ ngɛ Yerusalem, nɛ e ya ma Mawu we ɔ ekohu ngɛ he nɛ we ɔ hi kekle ɔ.

Ezra 5:2

Kɛkɛ nɛ Shealtiel bi Zerubabel, kɛ Yehozadak bi Yoshua ya bɔni Mawu we ɔ mami ekohu, nɛ Mawu gbali ɔmɛ piɛ a he kɛ tsu ní ɔ.

Ezra 6:15

Benɛ Matsɛ Darius ngɛ tsɛ yee ɔ, jeha ekpane ɔ we nyɔhiɔ enyɔne ɔ nɛ a tsɛɛ Adar a, jamɛ a be ɔ nɛ a gbe Mawu we ɔ mami nya.

Hagai 2:18

Mwɔnɛ ɔ ji nyɔhiɔ nɛɛne ɔ we ligbi nyingmi enyɔ kɛ eywiɛ, nɛ mwɔnɛ ɔ ligbi nɛ ɔ, a fia Mawu we ɔ sisi tomi ɔ gbe nya. Kɛ je mwɔnɛ ɔ kɛ yaa a, nyɛɛ to nɔ́ nɛ maa ba a he hɛ.

Zakaria 4:10

Amlɔ nɛ ɔ nɛ ní tsumi ɔ yɛ nɔ kpakpa ko ɔ, nɛ ni ɔmɛ pee kaa nɔ́ nɛ a kɔni mi jɔ̃. Se ke a na Zerubabel nɛ ngɛ Mawu we ɔ mae ekohu ɔ, a bua maa jɔ.”

Zakaria 4:9

“Zerubabel nɛ fia Mawu we nɛ ɔ sisi tomi ɔ, lɛ nɔuu nɛ maa ma tsu ɔ kɛ gbe nya. Ke nɔ́ nɛ ɔ ba mi pɛ ye ma a maa le kaa imi Yawɛ Tabohiatsɛ ɔ nitsɛ nɛ i tsɔ mo a ngɔ.

Yohane 2:20

A kpale de Yesu ke, “Sɔlemi we nɛ ɔ, jeha nyingmi eywiɛ kɛ ekpa loko a nyɛ ma; se moo lɛɛ o de ke ligbi etɛ o kɛ maa ma lɛ; o ma nyɛ?”