Ezra 4:4 - BAIBLO ALOO NGMAMI KLƆUKLƆU Ɔ

⁴ Se nihi nɛ ngɛ zugba a nɔ ɔ wo Yuda bi ɔmɛ a he gbeye, konɛ a nine mi nɛ je wu, nɛ a ko nyɛ Mawu we ɔ nɛ a ma.

Ezra 4:4 ပူးပေါင်းရင်းမြစ်များ

Samuel II, 4:1

Benɛ Saul bi Ishboshet nu kaa a gbe Abner ngɛ Hebron ɔ, e nine mi je wu; nɛ Israel tsuo dɛ yaa.

Ezra 3:3

Ni ɔmɛ nɛ kpale kɛ je ma se kɛ ba a ngɛ ni nɛmɛ nɛ ngɛ zugba a nɔ loko a ba a gbeye yee, lɔ ɔ he ɔ, a ma bɔ sami la tɛ ɔ ngɔ ma sisi tomi momo ɔ nɔ, nɛ a bɔni sami bɔhi sami ngɛ nɔ daa ligbi mɔtu kɛ gbɔkuɛ.

Ezra 4:5

Zugba a nɔ bi ɔmɛ ya konɛ a ya tsi ní tsumi ɔ nya. A bɔ mɔde kaa a maa tsi ni tsumi nya be mi nɛ Matsɛ Sirus ngɛ tsɛ yee ɔ hluu kɛ ya su Matsɛ Darius yi nɔ.

Nehemia 4:11

Wa he nyɛli ɔmɛ susu kaa wa be mɛ nae, loo wa be nɔ́ nɛ ngɛ nɔ yae ngɛ a kpɛti ɔ lee kɛ yaa si be nɛ a ma ba tua wɔ tlukaa, nɛ a maa gbe wɔ, konɛ ní tsumi ɔ se nɛ po.

Nehemia 4:2

E de ngɛ e nyɛmimɛ, ɔmɛ kɛ Samaria ta buli ɔmɛ a hɛ mi ke, “Mɛni Yuda bi wudɔwudɔ nɛ ɔmɛ ngɛ pee nɛ ɔ? Ma a gbogbo ɔmɛ nɛ a to a yi mi kaa a maa fia ekohu lo? Anɛ a susu kaa bɔ ɔmɛ nɛ a ngɛ sãe ɔ ma ha a maa ngɔ ligbi kake pɛ kɛ gbe ní tsumi ɔ nya lo? Anɛ a ma nyɛ ma ha gli kokoehi nɛ sã pueɔ si nɛ ɔ ma plɛ pee tsu mami tɛhi lo?”

Nehemia 6:9

Mɛ tsuo a susu kaa a maa wo wa he gbeye, konɛ wa nine mi nɛ jɔ̃, nɛ wa kpa ní ɔ tsumi. Lɔ ɔ he ɔ, i sɔle ke, “Jehanɛ Mawu, moo wo mi he wami koo!”

Yeremia 38:4

Kɛkɛ nɛ ma nimeli ɔmɛ ho nɛ a ya de matsɛ ɔ ke, “Ha nɛ a gbe nyumu nɛ ɔ. Munyuhi nɛ e ngɛ tue ɔ ha nɛ ta buli nɛ piɛ ngɛ ma a mi, kɛ nihi tsuo nɛ ngɛ ma a mi ɔ a kɔni mi ngɛ jɔe. Nyumu nɛ ɔ, ma a si gbeemi e ngɛ hlae, se pi ma a nɔ yami.”

Daniel 10:13

Ganɔ ɔ nɛ buu Persia nɔ yemi ɔ he ɔ tsi mi blɔ ligbi nyingmi enyɔ kɛ kake. Se Mikael, nɛ ji ganɔ nikɔtɔma amɛ a ti nɔ kake ɔ ba piɛ ye he; ejakaa imi nɔ kake too pɛ a si ngɛ Persia matsɛ ɔ he.

Daniel 10:20

Kɛkɛ nɛ e de mi ke, “Anɛ o le nɔ́ nɛ he je nɛ i ba o ngɔ ɔ? I ba konɛ ma ba tsɔɔ mo nɔ́ nɛ a ngma ngɛ anɔkuale womi ɔ mi. Amlɔ nɛ ɔ, ma kpale ye se, nɛ i kɛ ganɔ ɔ nɛ buu Persia he ɔ ma ya hwu ta. Pee se ɔ, ganɔ ɔ nɛ buu Hela he ɔ maa ba. Nɔ ko nɔ ko be nɛ maa piɛ ye he, pe ganɔ ɔ nɛ buu Israel he, nɛ a tsɛɛ lɛ Mikael ɔ kɛkɛ.