Ezra 4:3 - BAIBLO ALOO NGMAMI KLƆUKLƆU Ɔ

³ Se Zerubabel, Yoshua, kɛ Israel we puɔ nya dali ɔmɛ tsuo de mɛ ke, “Ke wa ngɛ Yawɛ, wa Mawu ɔ we mae ha lɛ ɔ, e kɔ we nyɛ he nɔ́ ko kulaa. Wɔ nitsɛmɛ wa maa ma wa ní kaa bɔ nɛ Persia matsɛ, Sirus fa wɔ ɔ.”

Ezra 4:3 ပူးပေါင်းရင်းမြစ်များ

Kronika II, 36:22

Benɛ Sirus ngɛ matsɛ yee ngɛ Persia a, jamɛ a kekleekle jeha a mi ɔ, Yawɛ ha nɛ nɔ́ ko nɛ e de to kɛ gu gbalɔ Yeremia nɔ ɔ ba mi. Yawɛ ha nɛ Sirus wo mlaa nɛ ɔ, nɛ a ngma ngɔ wo womi mi, nɛ e tsɔ ke a ya kane ngɛ e nɔ yemi he ɔmɛ tsuo, konɛ nɔ tsuaa nɔ nɛ nu. E ke,

Ezra 1:1

Benɛ Persia matsɛ, Sirus ba ye tsɛ ɔ, kekleekle jeha a mi ɔ, Yawɛ ha nɛ nɔ́ nɛ lɛ, Yawɛ ɔ de kɛ gu gbalɔ Yeremia nɔ ɔ ba mi. Yawɛ ngɔ juɛmi ko kɛ wo Matsɛ Sirus yi mi kaa e fa nɛ a ngma munyu nɛ ɔ, konɛ a kane nɛ a fiɛ ngɛ e nɔ yemi he ɔ he tsuaa he.

Ezra 1:2

“Bɔ nɛ Persia matsɛ, Sirus de ji nɛ ɔ nɛ: Yawɛ, Mawu nɛ ngɛ hiɔwe ɔ wo mi nɔ yelɔ ngɛ je ɔ tsuo nɔ, nɛ e ngɔ tsumi nɛ he hia nɛ ɔ ngɔ ha mi. E ke ma ma we ha lɛ ngɛ Yerusalem ngɛ Yuda zugba a nɔ.

Ezra 1:3

Mawu ma, nyɛ ti nihi nɛ nyɛ suɔ kaa nyɛ maa kpale ɔ, Mawu nɛ piɛ nyɛ he! Nyɛɛ ya Yerusalem ngɛ Yuda zugba a nɔ. Nyɛ ya ma Yawɛ, Israel Mawu ɔ we ɔ ekohu. Lɛ ji Mawu nɛ ngɛ Yerusalem ɔ nɛ.

Ezra 3:8

Benɛ Israel bi ɔmɛ ba su Yerusalem, he nɛ Mawu we ɔ hi ɔ, jeha enyɔne ɔ we nyɔhiɔ nɛ ji enyɔ ɔ mi ɔ, a je Yawɛ we ɔ mami sisi. Shealtiel bi Zerubabel, Yozadak bi Yoshua, kɛ ma a nɛ a wo ní tsumi ɔ nɔ. Osɔfo ɔmɛ, Levi bi ɔmɛ, kɛ nihí tsuo nɛ kpale kɛ je ma se kɛ ba a hu piɛ a he. A ngɔ Levi bi, nihi nɛ ye jeha nyingmi enyɔ, aloo ni nɛmɛ nɛ ye pe ja ngɔ to ní tsumi ɔ nya konɛ a hyɛ nɔ.

Nehemia 2:20

I he nɔ ke, “Mawu nɛ ngɛ hiɔwe ɔ ma ha wa maa ye manye. E tsɔli ji wɔ, nɛ wa ma bɔni gbogbo ɔ fiami. Nyɛɛ lɛɛ nyɛ be blɔ nya ko, loo weto ní, loo kaimi nɔ́ ko ngɛ Yerusalem.”

Yesaya 44:28

I deɔ Sirus ke, ‘Mo ji nɔ nɛ maa ye ye ma a nɔ ha mi; nɔ́ nɛ i suɔ ɔ, lɔ ɔ sɔuu o maa pee. O ma fa ke a ma Yerusalem ekohu, nɛ́ a to Yawɛ we ɔ sisi.’ ”

Yesaya 45:4

I tsɛ mo, konɛ o piɛ Israel he. Israel nɛ ɔ ji ma nɛ imi nitsɛ i hla. E ngɛ mi kaa o li mi lɛɛ, se i wo o hɛ mi nyami wawɛɛ nitsɛ.

Mateo 10:16

“Hyɛ, i ngɛ nyɛ tsɔe kaa jijɔhi kɛ yaa ogbeteehi a kpɛti. Nyɛ hɛ mi nɛ tɛ̃ kaa sinɔ, nɛ nyɛɛ pee kpoo kaa okpo.

Yohane 4:9

Yo ɔ bi Yesu ke, “Pi Yuda no ji mo lo? Nɛ kɛ pee kɛɛ nɛ o ngɛ imi Samaria no nyu bae nɛ o nu ɔ?” (Yuda bi kɛ Samaria bi yi.)

Ni Tsumi 8:21

O be blɔ nya, loo blɔ fa mi nɔ́ ko ngɛ wa ní tsumi nɛ ɔ mi; ejakaa o tsui mi dɛ ngɛ Mawu hɛ mi.