Ezra 4:20 - BAIBLO ALOO NGMAMI KLƆUKLƆU Ɔ

²⁰ Jehanɛ hu, a na kaa matsɛ nguahi hi Yerusalem sa a, nɛ a ye ma a nɔ kɛ ya pue Yufrate pa a se tsuo; nɛ Yerusalem he tó, kɛ sika kpahi ngɛ ma amɛ a dɛ.

Ezra 4:20 ပူးပေါင်းရင်းမြစ်များ

Mose I, 15:18

Jamɛ a ligbi ɔ, Yawɛ kɛ Abram so, nɛ e de lɛ ke, “Ma ngɔ zugba nɛ ɔ tsuo kɛ ha o nina, kɛ maa je Egipt pa a nya kɛ yaa si Yufrate pa a nya.

Matsɛmɛ I, 4:21

Nɛ Salomo ye tsɛ ngɛ ma amɛ tsuo a nɔ, kɛ je Yufrate pa a nya kɛ ya si Filisti bi ɔmɛ a zugba a, kɛ ya pue Egipt bi ɔmɛ a huzu ɔ nya tɔɔ. Je ma nɛ ɔmɛ wo tó ha lɛ, nɛ a sɔmɔ lɛ e wami be ɔ tsuo.

Matsɛmɛ I, 4:24

Salomo ye tsɛ ngɛ zugba a nɛ ngɛ Yufrate pa a bonyoku je ɔ tsuo nɔ, kɛ je Tifsa hluu kɛ ya pue Gaza. Matsɛmɛ ɔmɛ tsuo nɛ ngɛ Yufrate pa a bonyoku je ɔ sɔmɔ lɛ; nɛ e kɛ je ma amɛ nɛ bɔle lɛ kɛ kpe ɔ hi si ngɛ tue mi jɔmi mi.

Matsɛmɛ I, 5:1

Tiro matsɛ, Hiram kɛ David ɔ, huɛmɛ ji mɛ. Enɛ ɔ he je ɔ, benɛ e nu kaa a pɔ Salomo nu nɛ a wo lɛ matsɛ ngɛ David se ɔ, e tsɔ kɛ ya ha lɛ manye.

Matsɛmɛ I, 5:4

Se jehanɛ lɛɛ Yawɛ, ye Mawu ɔ ha mi tue mi jɔmi ngɛ ye huza amɛ a mi he tsuaa he; i be he nyɛli, nɛ nɔ ko hu ti si kɛ wui mi.

Kronika I, 18:13

Abishai to ta buli a hi hehi ngɛ Edom, nɛ ni ɔmɛ nɛ ngɛ lejɛ ɔ ba plɛ pee Matsɛ David sɔmɔli. Yawɛ haa nɛ David yeɔ kunimi ngɛ he tsuaa he.

Kronika I, 18:3

Jehanɛ, David ye Zoba matsɛ, Hadadezer nɔ kunimi ngɛ Hamat zugba a kasa nya; ejakaa Hadadezer ngɛ hlae nɛ e ya ngɔ zugba a nɛ ngɛ Yufrate pa a he ɔ.

Kronika I, 18:6

David to ta buli a hi hehi ngɛ Damasko. Siria bi ɔmɛ ba plɛ pee e sɔmɔli, nɛ a tsuɔ tó kɛ haa lɛ. Yawɛ haa nɛ David yeɔ kunimi ngɛ he tsuaa he.

Kronika I, 19:19

Benɛ matsɛmɛ ɔmɛ nɛ ngɛ Hadadezer sɔmɔe ɔ ná le kaa Israel bi ɔmɛ ye a nɔ ɔ, a kɛ David ya kpata, nɛ a sɔmɔ lɛ. Enɛ ɔ he je ɔ, Siria bi ɔmɛ ye gbeye, nɛ a ya ji ngmlaa ha we Amon bi ɔmɛ hu.

Kronika II, 17:11

Filisti bi ɔmɛ a ti ni komɛ ba ke Yehoshafat ní, nɛ a kɛ sika hiɔ babauu wo tó ha lɛ. Arabia bi ɔmɛ hu ba ha lɛ agbosu akpe kpaago kɛ e nya lafa kpaago, kɛ akpakpo akpe kpaago kɛ e nya lafa kpaago.

Kronika II, 9:14

slo sika nɛ a tsuɔ ngɛ jua yeli a dɛ, kɛ se nami nɛ jeɔ jua yemi ní tsumi mi. Arabia matsɛmɛ ɔmɛ, kɛ Israel zugba a nɔ amlaalo ɔmɛ hu ngɔɔ sika hiɔ, kɛ sika tsu kɛ ba haa Salomo.

Ezra 4:13

Nɛnɛ, ná nɛ o le kaa ke a po ma a gbe nya a, a be tó, loo sika ko woe hu, nɛ sika be matsɛ nito he ɔ bae bɔ nɛ sa.

Ezra 4:16

Nɛnɛ, wa ngɛ hae nɛ o na nɛ o le kaa ke a fia gbogbo ɔmɛ gbe nya, nɛ a po ma a ekohu ɔ, ma amɛ nɛ ngɛ Yufrate pa a se ɔ be o nɔ yemi he pee hu.”

Ezra 4:19

I fa, nɛ a hla níhi a mi fitsofitso. I ná le kaa kɛ je blema a, Yerusalem ma teɔ si kɛ woɔ matsɛmɛ. Niinɛ, a tsɔɔ atuã, nɛ a puɛɔ ma mi bi a tue.

Ezra 4:21

Lɔ ɔ he ɔ, nyɛ fa nimli ɔmɛ nɛ a kpa ma a pomi kɛ yaa si be nɛ gbi maa je imi nitsɛ ye nya.

Ezra 7:24

I ngɛ hae nɛ nyɛɛ le hu kaa mlaa ngmɛ́ blɔ kaa nyɛ heɔ tó ko kulaa ngɛ nimli nɛ ɔmɛ a dɛ: osɔfohi, Levi bi, Mawu we ɔ lali, agbo nya buli, sɔmɔli ngɛ Mawu we ɔ, loo tsɔli kpahi ngɛ Mawu we ɔ.

La 72:8

É ye tsɛ kɛ je wo nya hiɛ kɛ ya su wo nya hiɛ, kɛ je Yufrate pa a nya kɛ ya su je ɔ nyagbe he ɔmɛ!

Kɔmɔ Yemi 1:1

Yerusalem, ma nɛ sa be ko ɔ, nihi babauu ngɛ mi ɔ, hyɛ bɔ nɛ e mi je gu kɛ fɔɔ si ha! Be ko nɛ be ɔ, je ma amɛ buu lɛ ma nguaa, se jehanɛ lɛɛ e ngɛ kaa yalɔyo. Ma nɛ ngɛ kaa matsɛ biyo ngɛ je ma amɛ tsuo a kpɛti ɔ ba plɛ pee je ma amɛ a nyɔguɛ.

Ezekiel 19:11

E kɔni kake nɛ he wa pe kulaa a ba pee tso nɛ a kɛ peeɔ matsɛ tso; e ka pe tso kɔni kusukusuu ɔmɛ tsuo. Nɔ tsuaa nɔ na kaa tso nɛ ɔ ka saminya, nɛ e pee kusuu kɛ e kɔnihi babauu.

Mateo 9:9

Yesu je lejɛ ɔ, nɛ benɛ e yaa a, e na tó tsulɔ ko nɛ a tsɛɛ lɛ Mateo nɛ hii si ngɛ e ní tsumi he ɔ. Yesu de lɛ ke, “Nyɛɛ ye se!” Kɛkɛ nɛ Mateo te si, nɛ e nyɛɛ Yesu se.