Ezra 4:17 - BAIBLO ALOO NGMAMI KLƆUKLƆU Ɔ

¹⁷ Matsɛ ɔ ha mɛ womi ɔ heto ke, “Amlaalo Rehum, ma pɛdiyo Shimshai, kɛ nyɛ huɛmɛ nɛ ngɛ Samaria, kɛ nihi nɛ ngɛ kpokpa amɛ a nɔ ngɛ Yufrate pa a se, nyɛ he manye!

Ezra 4:17 ပူးပေါင်းရင်းမြစ်များ

Romabi 1:7

I ngɛ womi nɛ ɔ ngmae ha nyɛ tsuo nɛ nyɛ ngɛ Roma nɛ Mawu suɔ nyɛ, nɛ e tsɛ nyɛ kɛ ba pee lɛ nitsɛ e ni klɔuklɔuhi ɔ. Dloomi kɛ he jɔmi nɛ je wa Tsɛ Mawu ɔ, kɛ Nyɔmtsɛ Yesu Kristo dɛ mi ɔ ha nyɛ!

Ni Tsumi 23:26

“Womi nɛ ɔ je imi Klaudio Lisia, ye ngɔ kɛ yaa ha amlaalo Felike. Mo he manye oo, mo he manye!

Luka 10:5

We tsuaa we mi nɛ nyɛ maa sɛ ɔ, kekleekle ɔ, nyɛ de ke, ‘Manye oo manye!’

Ezra 7:12

“Osɔfo Ezra, mo womi ngmalɔ nɛ o le Mawu nɛ ngɛ hiɔwe ɔ mlaa a saminya; imi Matsɛ Artaherhes nɛ i ngɛ mo womi nɛ ɔ ngmae. Mo he manye!

Ezra 5:7

“Matsɛ Darius, o yi nɔ nɛ jɔ!

Ezra 4:7

Benɛ Persia matsɛ, Artaherhes ngɛ tsɛ yee ɔ hu Bishlam, Mitredat, kɛ Tabeel kɛ a huɛmɛ ɔmɛ nɛ piɛ ɔ, ngma womi kɛ ya ha matsɛ ɔ. A ngma ngɛ Aram gbi mi, nɛ a tsɔɔ sisi ha matsɛ ɔ.

Ezra 4:16

Nɛnɛ, wa ngɛ hae nɛ o na nɛ o le kaa ke a fia gbogbo ɔmɛ gbe nya, nɛ a po ma a ekohu ɔ, ma amɛ nɛ ngɛ Yufrate pa a se ɔ be o nɔ yemi he pee hu.”

Ezra 4:18

Womi nɛ nyɛ ngma a, a kane ha mi, nɛ i nu sisi saminya.

Daniel 4:1

Matsɛ Nebukadnezar kɛ sɛ gbi nɛ ɔ mane je ma amɛ a nɔ bi, kɛ nihi nɛ tuɔ gbi slɔɔtoslɔɔto ɔmɛ tsuo ke, “Nyɛ he manye!

Daniel 6:25

Pee se ɔ, Matsɛ Darius ngma womi ya ha je ma amɛ, kɛ nihi nɛ tuɔ gbi slɔɔtoslɔɔto ɔmɛ tsuo ngɛ je ɔ mi ke, “Nyɛ he manye!