Ezra 4:15 - BAIBLO ALOO NGMAMI KLƆUKLƆU Ɔ

¹⁵ Ha nɛ a hyɛ o nɛmɛ ɔmɛ a yi nɔ sanehi womi ɔmɛ a mi fitsofitso. Ke o pee ja a, o maa na kaa ma nɛ ɔ, kɛ je blema a, atuã pɛ a tsɔɔ; a nɔ yemi yee. A matsɛmɛ, kɛ nihi nɛ yeɔ kpokpa amɛ a nɔ ɔ, a dooɔ a nya. Enɛ ɔ he je nɛ a kpata ma a hɛ mi ɔ nɛ.

Ezra 4:15 ပူးပေါင်းရင်းမြစ်များ

Ezra 4:12

Nɛnɛ, wa ngɛ hae nɛ o le kaa Yuda bi ɔmɛ nɛ je o ngɔ kɛ ba a ba to si ngɛ Yerusalem, nɛ a bɔni jamɛ a atuã tsɔli, kɛ yiwutsotsɛmɛ a ma a mami ekohu. A bɔni gbogbo ɔmɛ fiami, nɛ e be kɛe kulaa nɛ a maa po ma a kɛ gbe nya.

Nehemia 6:6

Bɔ nɛ a ngma ji nɛ ɔ nɛ: “Geshem ba de ke huitihuiti ngɛ pɛe ngɛ je ma amɛ a mi kaa o kɛ Yuda bi ɔmɛ to nɛ nyɛ ma tsɔ atuã, nɛ enɛ ɔ he je nɛ o ngɛ gbogbo ɔ fiae ɔ nɛ. E de hu ke o to o yi mi kaa o maa wo o he matsɛ,

Nehemia 2:19

Se benɛ Sanbalat nɛ je Bet Horon, Tobia, ma ní tsulɔ ɔ nɛ je Amon zugba a nɔ, kɛ Arabia no ɔ nɛ a tsɛɛ lɛ Geshem ɔ nu he ɔ, a muɔ wɔ, nɛ a ye wa he fɛu, nɛ a de ke, “Mɛni sane nyɛ ngɛ yee nɛ ɔ? Nyɛ ma tsɔ matsɛ ɔ hɛ mi atuã lo?”

Matsɛmɛ II, 25:4

a ywia gbogbo ɔ nɛ a fia kɛ wo ma a he ɔ. Jamɛ a be ɔ mi ɔ, Babilonia bi ɔmɛ bɔle ma a kɛ kpe mohu, se matsɛ ɔ, kɛ ta buli ɔmɛ tsuo tu fo nyɔ ɔ mi. A gu matsɛ abɔɔ ɔ mi kɛ ya be ngɛ agbo ɔ nɛ ngɛ gbogbo enyɔ ɔmɛ a kpɛti ɔ nya; nɛ a ngɔ a yi ngɔ ka Yordan kɔ̃ ɔ mi blɔ.

Matsɛmɛ II, 24:20

Yawɛ mi mi fu Yuda ma a, kɛ nihi nɛ ngɛ Yerusalem ɔ wawɛɛ nitsɛ kɛ ya si e je e hɛ ngɛ a nɔ.

Ezra 4:14

Nɛnɛ, akɛnɛ wa ngɛ o nɔ yemi ɔ sisi, nɛ wa sume kaa o hɛ mi nɛ pue si he je ɔ, wa ngɛ hae nɛ o le nɔ́ nɛ ɔ.

Ezra 4:16

Nɛnɛ, wa ngɛ hae nɛ o na nɛ o le kaa ke a fia gbogbo ɔmɛ gbe nya, nɛ a po ma a ekohu ɔ, ma amɛ nɛ ngɛ Yufrate pa a se ɔ be o nɔ yemi he pee hu.”

Ester 2:23

Benɛ a hla sane ɔ mi ɔ, a na kaa sane ɔ ngɛ mi niinɛ. Lɔ ɔ he ɔ, a sɛu ni enyɔ nɛ ɔmɛ. Matsɛ Ahasuerus fa nɛ a ngma sane nɛ ɔ ngɔ wo e yi nɔ sanehi womi ɔ mi.