Ezra 4:12 - BAIBLO ALOO NGMAMI KLƆUKLƆU Ɔ

¹² Nɛnɛ, wa ngɛ hae nɛ o le kaa Yuda bi ɔmɛ nɛ je o ngɔ kɛ ba a ba to si ngɛ Yerusalem, nɛ a bɔni jamɛ a atuã tsɔli, kɛ yiwutsotsɛmɛ a ma a mami ekohu. A bɔni gbogbo ɔmɛ fiami, nɛ e be kɛe kulaa nɛ a maa po ma a kɛ gbe nya.

Ezra 4:12 ပူးပေါင်းရင်းမြစ်များ

Matsɛmɛ II, 18:20

E bi ke, “O susu kaa nya puu nɛ a kɛ peeɔ ga kɛ hwuu ta lo? Mɛnɔ nɔ o ngɔ o hɛ ngɔ fɔ loko o tsɔ ye hɛ mi atuã a?

Matsɛmɛ II, 24:1

Benɛ Yehoyakim ngɛ tsɛ yee ɔ, Babilonia matsɛ, Nebukadnezar hia ta ba tua Yuda. Yehoyakim sɔmɔ lɛ jeha etɛ, nɛ lɔ ɔ se ɔ, e tsɔ atuã.

Kronika II, 36:13

Babilonia matsɛ, Nebukadnezar nɛ ha Zedekia kɛ Mawu biɛ ka lɛ kita ke e maa bu lɛ ɔ, lɛ hu Zedekia tsɔ atuã kɛ wo lɛ. Zedekia wa tue; e tsakee we e tsui, nɛ e kpale we kɛ ba nyɛɛ Yawɛ, Israel Mawu ɔ se.

Ezra 4:11

Womi nɛ a ngma a mi munyu ji nɛ ɔ nɛ: “O tsɔli nɛ ngɛ Yufrate pa a se ɔ nɛ a ngɛ mo, Matsɛ Artaherhes womi nɛ ɔ ngmae.

Ezra 4:15

Ha nɛ a hyɛ o nɛmɛ ɔmɛ a yi nɔ sanehi womi ɔmɛ a mi fitsofitso. Ke o pee ja a, o maa na kaa ma nɛ ɔ, kɛ je blema a, atuã pɛ a tsɔɔ; a nɔ yemi yee. A matsɛmɛ, kɛ nihi nɛ yeɔ kpokpa amɛ a nɔ ɔ, a dooɔ a nya. Enɛ ɔ he je nɛ a kpata ma a hɛ mi ɔ nɛ.

Ezra 4:19

I fa, nɛ a hla níhi a mi fitsofitso. I ná le kaa kɛ je blema a, Yerusalem ma teɔ si kɛ woɔ matsɛmɛ. Niinɛ, a tsɔɔ atuã, nɛ a puɛɔ ma mi bi a tue.

Ezra 5:3

Jamɛ a be ɔ mi kɛ̃ ɔ, amlaalo Tatenai nɛ ngɛ Yufrate pa a se ɔ, kɛ Sheta Bozenai, kɛ a nyɛmimɛ ɔmɛ ba Yerusalem, nɛ a ba bi ke, “Mɛnɔ ha nyɛ he wami ke nyɛɛ ma Mawu we ɔ, nɛ nyɛɛ fia gbogbo ɔ?”

Ezra 5:9

“Wa bi Yuda ma nimeli ɔmɛ ke a tsɔɔ wɔ nɔ nɛ ha mɛ he wami kaa a ma Mawu we ɔ ekohu, nɛ a fia gbogbo ɔ.

Nehemia 1:3

A de mi ke nihi nɛ piɛ ngɛ zugba a nɔ, nɛ mɛɛ lɛɛ a nuu we mɛ nyɔguɛ ɔ, a ngɛ nɔ́ nami, kɛ ahlua bɔmi nguaa mi. A de hu ke Yerusalem gbogbo ɔmɛ nɛ a hule pue si ɔ, kɛ agbo ɔmɛ nɛ a sã a tsuo ngɛ ja.

Nehemia 6:6

Bɔ nɛ a ngma ji nɛ ɔ nɛ: “Geshem ba de ke huitihuiti ngɛ pɛe ngɛ je ma amɛ a mi kaa o kɛ Yuda bi ɔmɛ to nɛ nyɛ ma tsɔ atuã, nɛ enɛ ɔ he je nɛ o ngɛ gbogbo ɔ fiae ɔ nɛ. E de hu ke o to o yi mi kaa o maa wo o he matsɛ,

Ester 3:8

Lɔ ɔ se ɔ, Haman ya de Matsɛ Ahasuerus ke, “Nɛnɛ, ma ko ngɛ nɛ e mi bi gbɛ fĩa ma amɛ tsuo a mi ngɛ o nɔ yemi he ɔmɛ tsuo. Mɛɛ lɛɛ e slo a kusumihi ngɛ je ma kpa amɛ tsuo a ní ɔmɛ a he. Jehanɛ hu, nɛnɛ, a yi o mlaa amɛ a nɔ, lɔ ɔ he ɔ, e he be se nami ko ha mo kaa o maa pee kɔ maa hi mɛ hyɛe kikɛ nɛ ɔ.

Yeremia 52:3

Yawɛ mi mi fu Yuda ma a, kɛ nihi nɛ ngɛ Yerusalem ɔ wawɛɛ nitsɛ kɛ ya si e je e hɛ ngɛ a nɔ. Zedekia tsɔ atuã kɛ wo Babilonia matsɛ, Nebukadnezar.

Daniel 3:8

Amlɔ ɔ, Babilonia bi komɛ ba matsɛ ɔ ngɔ nɛ a ba po Yuda bi ɔmɛ a nya.

Daniel 9:25

Lɔ ɔ he ɔ, na nɛ o le kaa kɛ je be nɛ a ma fa ke a kpale ma Yerusalem ekohu, kɛ yaa si be nɛ ganɔ ɔ nɛ Mawu hla a maa ba a, jeha kpaago totoe kpaago maa be. A maa kpale ma Yerusalem ma a ekohu. A ma je gbɛjegbɛhi kɛ wo ma a mi; nɛ a maa fia gbogbo kɛ wo he, nɛ ma a maa hi si jeha kpaago totoe nyingmi ekpa kɛ enyɔ. Se jamɛ a be ɔ maa pee fimi be.

Luka 13:34

“Yerusalem Yerusalem! O gbe gbali ɔmɛ, nɛ nihi nɛ a tsɔ mɛ o ngɔ ɔ, o fia mɛ tɛ! Hyɛ si abɔ nɛ i hla kaa ma bua o bimɛ ɔmɛ tsuo a nya kaa bɔ nɛ kungwɔ buaa e bimɛ a nya ngɔ woɔ e pɛli sisi; se nyɛ kplɛɛ we!

Ni Tsumi 24:5

Wa na nyumu nɛ ɔ kaa ma ywialɔ. E woɔ Yuda bi a yi mi ngɛ he tsuaa he ke a tsɔ atuã. Jehanɛ hu, kuu nɛ a tsɛɛ Nazaree ɔ a nyatsɛ kpanaku ji lɛ.

1 Tesalonikabi 5:22

se nɔ́ tsuaa nɔ́ nɛ ji yayami ɔ lɛɛ nyɛɛ hɛ nyɛ kɛ je he.