Ezra 3:8 - BAIBLO ALOO NGMAMI KLƆUKLƆU Ɔ

⁸ Benɛ Israel bi ɔmɛ ba su Yerusalem, he nɛ Mawu we ɔ hi ɔ, jeha enyɔne ɔ we nyɔhiɔ nɛ ji enyɔ ɔ mi ɔ, a je Yawɛ we ɔ mami sisi. Shealtiel bi Zerubabel, Yozadak bi Yoshua, kɛ ma a nɛ a wo ní tsumi ɔ nɔ. Osɔfo ɔmɛ, Levi bi ɔmɛ, kɛ nihí tsuo nɛ kpale kɛ je ma se kɛ ba a hu piɛ a he. A ngɔ Levi bi, nihi nɛ ye jeha nyingmi enyɔ, aloo ni nɛmɛ nɛ ye pe ja ngɔ to ní tsumi ɔ nya konɛ a hyɛ nɔ.

Ezra 3:8 ပူးပေါင်းရင်းမြစ်များ

Kronika I, 23:4

David dla ní tsumi nɛ ɔmɛ ngɔ ha mɛ: nihi akpe nyingmi enyɔ kɛ eywiɛ maa hyɛ Yawɛ we ɔ mami ní tsumi ɔ nɔ, akpe ekpa ma tsu ma ní nɛ a maa kojo,

Kronika I, 3:17

Matsɛ Yehoyakin nɛ Babilonia bi ɔmɛ ba ngɔ lɛ kɛ ho ɔ, e nina ji nɛ ɔmɛ nɛ. Yehoyakin ngɛ binyumuhi nɛ a tsɛɛ mɛ Shealtiel,

Ezra 10:18

Nihi nɛ ngɔ ma se yihi a biɛhi ji nɛ ɔmɛ. Yehozadak binyumu Yoshua kɛ e nyɛminyumu ɔmɛ: Maaseya, Eliezer, Yarib, kɛ Gedalia.

Ezra 2:2

Nihi nɛ kɛ mɛ ba ji Zerubabel, Yoshua, Nehemia, Seraya, Reelaya, Mordekai, Bilshan, Mispar, Bigvai, Rehum, kɛ Baana. Israel bi nɛ kpale kɛ je ma se kɛ ba a ji nɛ ɔmɛ nɛ:

Ezra 3:2

Yehozadak bi Yoshua, e nyɛmimɛ osɔfo ɔmɛ, kɛ Sheatiel bi Zerubabel, kɛ e weku li ɔmɛ ba ma Israel Mawu ɔ bɔ sami la tɛ ɔ ekohu, konɛ a sã sami bɔhi ngɛ nɔ kaa bɔ nɛ Mawu nɔmlɔ Mose mlaa a tsɔɔ ɔ.

Ezra 4:24

Lɔ ɔ he ɔ, Mawu we ɔ nɛ ngɛ Yerusalem he ní tsumi ɔ tlɔ fã jã hluu kɛ ya su Persia matsɛ, Darius yi nɔ jeha enyɔne ɔ.

Ezra 4:3

Se Zerubabel, Yoshua, kɛ Israel we puɔ nya dali ɔmɛ tsuo de mɛ ke, “Ke wa ngɛ Yawɛ, wa Mawu ɔ we mae ha lɛ ɔ, e kɔ we nyɛ he nɔ́ ko kulaa. Wɔ nitsɛmɛ wa maa ma wa ní kaa bɔ nɛ Persia matsɛ, Sirus fa wɔ ɔ.”

Ezra 5:16

Kɛkɛ nɛ Sheshbazar ba nɛ e ba fia we ɔ sisi tomi ɔ ngɛ Yerusalem. Kɛ je jamɛ a be ɔ hluu kɛ ba su amlɔ nɛ ɔ, a ngɛ we ɔ he ní tsue, se a gbi nya lolo!’

Ezra 5:2

Kɛkɛ nɛ Shealtiel bi Zerubabel, kɛ Yehozadak bi Yoshua ya bɔni Mawu we ɔ mami ekohu, nɛ Mawu gbali ɔmɛ piɛ a he kɛ tsu ní ɔ.

Hagai 1:1

Persia matsɛ, Darius yi nɔ, jeha enyɔne ɔ mi, nyɔhiɔ ekpane ɔ we kekleekle ligbi ɔ, Yawɛ ngɔ sɛ gbi kɛ gu gbalɔ Hagai nɔ kɛ ha nimli nɛ ɔmɛ: Sheatiel bi Zerubabel, Yuda amlaalo ɔ, kɛ Yehozadak bi Yoshua, osɔfo nɔkɔtɔma pe kulaa a.

Zakaria 4:9

“Zerubabel nɛ fia Mawu we nɛ ɔ sisi tomi ɔ, lɛ nɔuu nɛ maa ma tsu ɔ kɛ gbe nya. Ke nɔ́ nɛ ɔ ba mi pɛ ye ma a maa le kaa imi Yawɛ Tabohiatsɛ ɔ nitsɛ nɛ i tsɔ mo a ngɔ.

Zakaria 6:12

De lɛ ke bɔ nɛ Yawɛ Tabohiatsɛ ɔ de ji nɛ ɔ nɛ: ‘Nɔ ko ji nɛ ɔ nɛ. A tsɛɛ lɛ Tso Kɔni. E ma gba kɔni nɛ e ma ba ma Yawɛ we ɔ ekohu.

Mose IV, 4:3

kɛ je nɔ nɛ ye jeha nyingmi etɛ nɔ, kɛ yaa si nɔ nɛ ye jeha nyingmi enuɔ nɔ, nɔ tsuaa nɔ nɛ ma nyɛ tsu ní ngɛ kpe he bo tsu ɔ mi.