Ezra 3:7 - BAIBLO ALOO NGMAMI KLƆUKLƆU Ɔ

⁷ Enɛ ɔ he je ɔ, ma a ha sika nɛ a kɛ wo tɛ gbali ɔmɛ, kɛ tso he ní tsuli ɔmɛ hiɔ, nɛ a ha niye ní, dã, kɛ oliv nu, nɛ a kɛ ya he seda tso ngɛ Tiro kɛ Sidon ngɛ Lebanon zugba a nɔ. A kɛ tso ɔmɛ gu wo nɔ kɛ ba Yopa. Persia matsɛ, Sirus lɛ ngmɛ blɔ kaa a pee ní nɛ ɔmɛ tsuo.

Ezra 3:7 ပူးပေါင်းရင်းမြစ်များ

Matsɛmɛ I, 5:6

Lɔ ɔ he ɔ, ha nɛ a hɛ seda tsohi ngɛ Lebanon ha mi. Ye tsɔli ɔmɛ ma ba piɛ o tsɔli ɔmɛ a he, nɛ ma wo o tsɔli ɔmɛ hiɔ bɔ tsuaa bɔ nɛ o maa tsɔɔ. Kaa bɔ nɛ mo nitsɛ o le ɔ, nɔ ko nɔ ko be Israel nɛ le tso hɛmi kɛ nyɛ Sidon bi ɔmɛ sɔ.”

Ni Tsumi 12:20

Herode mi mi fu Tiro, kɛ Sidon bi ɔmɛ wawɛɛ. Lɔ ɔ he ɔ, a bua a he nya, nɛ a ba na lɛ ngɛ Kaisarea. Benɛ a ba a, a ba na Blasto, tsɔlɔ nɛ hyɛɛ matsɛ we ɔ nɔ ɔ, nɛ a kpa lɛ pɛɛ ke e nyɛɛ a hɛ mi kɛ ya matsɛ ɔ ngɔ. Nɛ a ya na Herode, nɛ a kɛ lɛ kpata, ejakaa matsɛ ɔ zugba nɔ ní a yeɔ.

Ni Tsumi 9:36

Yo ko hu ngɛ Yopa nɛ ji Yesu se nyɛɛlɔ. A tsɛɛ lɛ Tabita, aloo ngɛ Hela gbi mi ɔ, Dorka. Biɛ nɛ ɔ sisi ji Odabɔ. Daa nɛ ɔ, kpakpa sɔuu e peeɔ, titli ɔ, e hyɛɔ dɛgutsɛmɛ a nɔ.

Yona 1:3

Se Yona pue he kpa blɔ mohu, konɛ e tu fo kɛ je Yawɛ hɛ mi. E ho Yopa ya nɛ e ya na lɛ ko nɛ yaa Spania. E wo hiɔ, nɛ e sɛ lɛ ɔ mi konɛ e kɛ ni ɔmɛ nɛ ya Spania, nɛ e laa Yawɛ.

Ezekiel 27:17

Yuda kɛ Israel zugba amɛ hu kɛ mo ye jua. Ke a ba he ní ɔ, níhi nɛ a kɛ woɔ hiɔ ji ngma, hwo, oliv nu, kɛ tsopa kɛ e he via.

Ni Tsumi 9:38

Yopa kɛ Lida kɛ we. Lɔ ɔ he ɔ, benɛ Yesu se nyɛɛli nɛ ngɛ Yopa a nu kaa Petro ngɛ Lida a, a tsɔ ni enyɔ kɛ ya de lɛ ke, “Wa kpa mo pɛɛ nɛ o ba su wa ngɔ nɔuu; koo to tsle.”

Ni Tsumi 9:43

Petro hi Yopa be saii ngɛ lohwe he womi tsopa wolɔ ko nɛ a tsɛɛ lɛ Simon ngɔ.

Samuel II, 5:11

Tiro matsɛ, Hiram wo tsɔli blɔ kɛ ba David ngɔ. A kɛ seda tsohi ba. Kapitɛhi, kɛ tɛ tsu fiali hu piɛ a he; nɛ a ba po we ha David.

Ezra 3:6

Kɛ je nyɔhiɔ kpaagone ɔ we klekleekle ligbi ɔ, a bɔni sami bɔ sami kɛ ha Yawɛ. Se Mawu we ɔ sisi tomi ɔ nitsɛ lɛɛ a na we nɛ a fia.

Matsɛmɛ II, 12:10

Ke a na kaa sika a hiɛ ngɛ daka a mi ɔ, matsɛ pɛdiyo ɔ, kɛ osɔfo nɔkɔtɔma pe kulaa a maa ya Yawɛ we ɔ, nɛ a ma ya kane sika nɛ a na ngɛ lejɛ ɔ. Kɛkɛ a fi kɛ wo kotokuhi a mi.

Matsɛmɛ II, 12:13

Sika nɛ a kɛ baa Yawɛ we ɔ, a ngɔɛ eko kɛ pee we sika hiɔ kpluhi, la gbemi níhi, kahi kɛ titimatihi, aloo sika tsu níhi, aloo sika hiɔ ní kpa komɛ kɛ ha Yawɛ we ɔ.

Kronika II, 34:10

A tu sika a ngɔ wo ni etɛ komɛ a dɛ. Mɛ ji nihi nɛ hyɛɛ ní tsuli ɔmɛ nɛ ngɛ Yawɛ we ɔ dlae ɔ a nɔ ɔ nɛ.