Ezra 3:4 - BAIBLO ALOO NGMAMI KLƆUKLƆU Ɔ

⁴ A ye Gbasisihimi nyami ɔ pɛpɛɛpɛ. Daa ligbi ɔ, a sãã sami bɔhi nɛ a to kɛ ha jamɛ a ligbi ɔ kaa bɔ nɛ mlaa tsɔɔ ɔ.

Ezra 3:4 ပူးပေါင်းရင်းမြစ်များ

Kronika I, 16:37

David ngɔ Asaf kɛ e nyɛmimɛ Levi bi ɔmɛ ngɔ to jami ní tsumi ɔ nya ngɛ he nɛ a ngɔ somi daka a ya ma a. Daa ligbi ɔ, ní tsumi tsuaa ní tsumi nɛ hia kaa a tsu ngɛ lejɛ ɔ, a tsuɔ.

Kronika II, 31:16

se pi ngɛ weku nya. Nyumuhi tsuo nɛ ye jeha nyingmi etɛɛtɛ, loo nɔ́ nɛ pe ja, nɛ a ya sɔmɔɔ ngɛ Yawɛ we ɔ mi daa ligbi ɔ, a dla niye ní ha mɛ hulɔ kaa bɔ nɛ blɔ nya nɛ a hɛɛ ɔ tsɔɔ ɔ.

Mose II, 23:16

“Nyami be enyɔne ɔ ji Ngmakpami nyami be. Ngɔɔ níhi nɛ o du ngɛ o ngmɔ mi ɔ kekleekle yiblii kɛ ba sã bɔ kɛ ye Ngmakpami nyami be. “Nyami be etɛne nɛ ɔ ji Gbasisihimi nyami be. O maa ye nyami be nɛ ɔ jeha a nyagbe, benɛ o ngɛ o ngmɔ nɔ ní ɔmɛ a nya buae.

Mose II, 29:38

“Jehanɛ ɔ, daa ligbi ɔ, o maa ngɔ jijɔ enyɔ nɛ ye jeha kakaaka kɛ sã bɔ ngɛ bɔ sami la tɛ ɔ nɔ.

Mose II, 5:13

Nyɔguɛhi a nɔ yeli ɔmɛ nyɛ a nɔ ke a gbe a daa ligbi ní tsumi ɔmɛ a nya kaa bɔ nɛ a peeɔ be nɛ a haa mɛ nga a.

Yeremia 52:34

Jehanɛ se hu, matsɛ ɔ haa lɛ yemi kɛ buami sika ko daa ligbi kɛ ya si e gbenɔ be.

Mose III, 23:33

Nyɛɛ ye Gbasisihimi nyami be ɔ ligbi kpaago. Nyɛɛ je sisi ngɛ nyɔhiɔ kpaagone ɔ we ligbi nyɔngma kɛ enuɔne ɔ nɔ.

Mose IV, 29:39

“Mlaahi nɛ a wo nɛ kɔɔ sami bɔ, ngma bɔ, wai bɔ, kɛ tue mi jɔmi bɔ nɛ nyɛɛ sã ha Yawɛ ngɛ nyɛ nyami be ɔmɛ a mi he ji nɛ ɔmɛ nɛ. Slo enɛ ɔmɛ ngɛ si womi bɔhi, kɛ bɔhi nɛ nyɛ sãã kɛ jeɔ nyɛ tsui mi faa a a he.”

Yohane 7:2

Benɛ Yuda bi ɔmɛ a Gbasisihimi nyami be ɔ ngɛ sue ɔ,

Yohane 7:37

Nyagbe ligbi ɔ nɛ ji nyami ligbi nguaa pe kulaa a, Yesu te da si, nɛ e de kɛ ngmlaa ke, “Nɔ tsuaa nɔ nɛ kuma ngɛ lɛ yee ɔ, e ba ye ngɔ nɛ e ba nu nyu.