Ezra 3:12 - BAIBLO ALOO NGMAMI KLƆUKLƆU Ɔ

¹² Benɛ osɔfo ɔmɛ ekomɛ, Levi bi ɔmɛ ekomɛ, we puɔ nya dali ɔmɛ ekomɛ, kɛ nimeli nɛ le bɔ nɛ Mawu we ɔ ngɛ sa a, na Mawu we ɔ sisi tomi nɛ ɔ fiami kikɛ nɛ ɔ, a wo yana boboobo. Se ni kpa amɛ nɛ ngɛ lejɛ ɔ lɛɛ ose ɔ kɛkɛ a ngɛ hee wawɛɛ kɛ ngɛ nyae.

Ezra 3:12 ပူးပေါင်းရင်းမြစ်များ

Hagai 2:3

“Anɛ nɔ ko ngɛ nyɛ kpɛti nɛ ma nyɛ kai bɔ nɛ Mawu we ɔ he fɛu ngɛ sa a lo? Jehanɛ lɛɛ kɛ nyɛ na lɛ kɛɛ? E peeɔ nyɛ kaa enɛ ɔ pí nɔ ko saasaa.

Zakaria 4:10

Amlɔ nɛ ɔ nɛ ní tsumi ɔ yɛ nɔ kpakpa ko ɔ, nɛ ni ɔmɛ pee kaa nɔ́ nɛ a kɔni mi jɔ̃. Se ke a na Zerubabel nɛ ngɛ Mawu we ɔ mae ekohu ɔ, a bua maa jɔ.”

Yesaya 60:22

Wɛtso nyafii pe kulaa ma ba pee ma kpetekpleenyɛ. Ke be ɔ su ɔ, imi nitsɛ ma ha nɔ́ nɛ ɔ maa ba mi oya. Imi ji Yawɛ!”

Yesaya 41:14

Yawɛ ke, “Yakob, o ngɛ kaa gɔgɔ kɛkɛ; o Israel, ma nɛ o he wɛ, koo ye gbeye; ma piɛ o he. Imi, Israel Mawu klɔuklɔu ɔ, imi ji o yi wami helɔ.

La 126:6

Nɔ nɛ vo nyu hii e hɛ mi kɛ ya duɔ ní ɔ, e maa tloo niba ní kɛ ba we mi kɛ bua jɔmi.

Hiob 8:7

Hwɔɔ se ɔ, Mawu ma ha mo ní babauu nɛ maa hiɛ kulaa pe kekle nɔ́ ɔ.

Ezra 3:13

Nɛ́ e ba mi ja a, ma mi bi ɔmɛ li slɔɔto nɛ ngɛ lele nɛ a ngɛ hwɔe, kɛ yana nɛ a wo ɔ a kpɛti; ejakaa bubuubui nɛ a ngɛ kpae ɔ nya wa wawɛɛ nitsɛ, nɛ a ngɛ he nue ngɛ se lokoo.

Yeremia 50:4

Yawɛ ke, “Jamɛ a be ɔ, Israel bi ɔmɛ, kɛ Yuda bi ɔmɛ tsuo maa wo yana kɛ ba, nɛ a ma ba hla imi, a Mawu ɔ, ye se blɔ.

La 147:1

Nyɛ je Yawɛ yi! E hi kaa a la kɛ je wa Mawu ɔ yi; ejakaa dloolɔ ji lɛ, nɛ e sa kaa a la kɛ je e yi.