Ezra 2:69 - BAIBLO ALOO NGMAMI KLƆUKLƆU Ɔ

⁶⁹ A ha bɔ nɛ a ma nyɛ, konɛ a kɛ tsu ní ɔ. Bɔ nɛ a ha ji nɛ ɔ nɛ: sika tsu kilo 500 sika hiɔ kilo 2,800 osɔfohi a tade 100.

Ezra 2:69 ပူးပေါင်းရင်းမြစ်များ

Kronika I, 22:14

I gbo dengme bua ní nɛ ɔmɛ a nya kɛ to, konɛ a kɛ po Yawɛ we ɔ: sika tsu nɛ jiɔmi ji tɔn akpe etɛ kɛ lafa eywiɛ, sika hiɔ nɛ jiɔmi ji tɔn akpe nyingmi etɛ kɛ eywiɛ, akɔblee kɛ dade babauu nɛ a li nya, tso, kɛ tɛ. Bɔɔ mɔde nɛ mo hu o na eko kɛ piɛ he.

Matsɛmɛ I, 7:51

Benɛ Matsɛ Salomo gbe Yawɛ we ɔ he ní tsumi ɔ tsuo nya a, e ngɔ níhi tsuo nɛ e tsɛ David gbaa nɔ ngɔ ha Yawɛ ɔ ngɔ to nito hehi ngɛ lejɛ ɔ. Ní ɔmɛ ji nɛ ɔmɛ nɛ: sika hiɔ, sika tsu, kɛ ni kpa komɛ.

Kronika I, 29:7

ní nɛ ɔmɛ nɛ a kɛ ma Yawɛ we ɔ: sika tsu nɛ jiimi pe tɔn lafa kɛ nyingmi kpaago, sika hiɔ nɛ jiimi pe tɔn lafa etɛ kɛ nyingmi eywiɛ, akɔblee nɛ jiimi maa su tɔn lafa ekpa kɛ nyingmi enyɔ, kɛ dade nɛ jiimi pe tɔn akpe etɛ kɛ e nya lafa eywiɛ.

Ezra 2:68

We puɔ nya dali nɛ kpale kɛ ba a, a ti ni komɛ nɛ ba Yawɛ we ɔ ngɛ Yerusalem ɔ je a tsui mi faa ke ní amlɔ nɔuu, konɛ a kɛ ma Yawɛ we ɔ ekohu ngɛ he nɛ e ma sa a.