Ezra 2:68 - BAIBLO ALOO NGMAMI KLƆUKLƆU Ɔ

⁶⁸ We puɔ nya dali nɛ kpale kɛ ba a, a ti ni komɛ nɛ ba Yawɛ we ɔ ngɛ Yerusalem ɔ je a tsui mi faa ke ní amlɔ nɔuu, konɛ a kɛ ma Yawɛ we ɔ ekohu ngɛ he nɛ e ma sa a.

Ezra 2:68 ပူးပေါင်းရင်းမြစ်များ

2 Korintobi 9:7

Lɔ ɔ he ɔ, nɔ tsuaa nɔ nɛ ha bɔ nɛ e to kaa e ma ha. E ha kɛ bua jɔmi, se pi kaa a ngɛ e nɔ nyɛe ke e pee; ejakaa Mawu suɔ nɔ nɛ haa nɔ́ kɛ bua jɔmi.

2 Korintobi 8:3

I ngɛ odase yee kaa a ha bɔ nɛ a ma nyɛ kɛ je a tsui mi faa; ee, a ha pe bɔ nɛ a ma nyɛ po.

Mose II, 36:3

Mose ngɔ nike níhi nɛ Israel bi ɔmɛ je a tsui mi kɛ ba nɛ a kɛ tsu he klɔuklɔu ɔ he ní ɔ tsuo ngɔ wo a dɛ. Se loloolo ɔ, Israel ma a kɛ a nike ní ɔmɛ ngɛ bae ba ngɛ Mose hae daa mɔtu.

Mose II, 35:29

Israel ma a tsuo, nyumuhi kɛ yihi, kɛ nɔ tsuaa nɔ nɛ e ta e tsui mi kaa e ha nɔ́ ko nɛ a kɛ tsu ní tsumi slɔɔtohi nɛ Yawɛ fa Mose ke a tsu ɔ je a tsui mi faa ngɔ a nike ní ɔmɛ kɛ ba ba ha Yawɛ.

2 Korintobi 8:12

Ke o ha bɔ nɛ o ma nyɛ kɛ o tsui faa a, Mawu ma ná o nike ní ɔ he bua jɔmi. Mawu hyɛ we blɔ kaa o ha nɔ́ ko be mi nɛ nɔ́ ko be o dɛ.

La 110:3

Ligbi ɔ nɛ o maa hia ta kɛ wo o he nyɛli ɔmɛ ɔ, o ma mi bi ɔmɛ maa ngɔ a he kɛ ha ngɛ mɛ nitsɛmɛ a suɔmi nya. Nihewi babauu ma ba pue si ngɛ yo klɔuklɔu ɔmɛ a nɔ kaa makɛ bɔ́.

Ezra 3:3

Ni ɔmɛ nɛ kpale kɛ je ma se kɛ ba a ngɛ ni nɛmɛ nɛ ngɛ zugba a nɔ loko a ba a gbeye yee, lɔ ɔ he ɔ, a ma bɔ sami la tɛ ɔ ngɔ ma sisi tomi momo ɔ nɔ, nɛ a bɔni sami bɔhi sami ngɛ nɔ daa ligbi mɔtu kɛ gbɔkuɛ.

Kronika II, 3:1

Jehanɛ, Salomo je Yawɛ we ɔ mami sisi ngɛ Yerusalem, ngɛ Moria yo ɔ nɔ, he nɛ Yawɛ je e he kpo ngɔ tsɔɔ e tsɛ David ngɛ ɔ. Lejɛ ɔ ji Yebus no ɔ nɛ a tsɛɛ lɛ Arauna a ngma mi sami he. Matsɛ David ji nɔ nɛ hla lejɛ ɔ kɛ to kɛ ha we ɔ pomi.

Kronika I, 22:1

Kɛkɛ nɛ David de ke, “Hiɛmɛ nɛ ɔ nɛ Yawɛ Mawu we ɔ, kɛ bɔ sami la tɛ ɔ nɛ Israel ma a maa sã sami bɔhi ngɛ nɔ ɔ maa hi ɔ nɛ.”

Kronika I, 21:18

Enɛ ɔ se ɔ, Yawɛ bɔfo ɔ de Gad ke e fa David nɛ e ya ma bɔ sami la tɛ ha Yawɛ ngɛ Arauna ngma mi sami he ɔ.

Mose II, 25:2

“De Israel bi ɔmɛ ke a ba ke mi ní. Nɔ tsuaa nɔ nɛ e tsui ma gbo nɔ kaa e maa ke nɔ́ ko ɔ, nyɛ he.

Ezra 2:69

A ha bɔ nɛ a ma nyɛ, konɛ a kɛ tsu ní ɔ. Bɔ nɛ a ha ji nɛ ɔ nɛ: sika tsu kilo 500 sika hiɔ kilo 2,800 osɔfohi a tade 100.

Mose II, 35:21

Nɔ tsuaa nɔ ngɔ e nike ní ba ha Yawɛ, konɛ a kɛ ma kpe he bo tsu ɔ kɛ e mi sɔmɔmi ní ɔmɛ tsuo, kɛ tade klɔuklɔu ɔmɛ. Nɔ tsuaa nɔ ha kɛ je e tsui mi kaa bɔ nɛ mumi ɔ fa lɛ ɔ.

Ezra 9:9

A pee wɔ nyɔguɛhi, se ngɛ wa nyɔguɛ si himi ɔ mi ɔ, o je o suɔmi nɛ ngɛ daa a kpo kɛ tsɔɔ wɔ. O ngmɛɛ we wa he, nɛ o ha Persia matsɛmɛ ɔmɛ na wɔ mɔbɔ, nɛ a ha wa nɔ gbagba te ekohu, bɔ nɛ pee nɛ Mawu we ɔ nɛ ku kɛ pue si ɔ, waa ma lɛ ekohu, nɛ waa hi hiɛmɛ nɛ ɔ ngɛ Yuda kɛ Yerusalem ngɛ tue mi jɔmi mi.