Ezra 2:63 - BAIBLO ALOO NGMAMI KLƆUKLƆU Ɔ

⁶³ Amlaalo nɛ yeɔ Yuda zugba a nɔ ɔ de nimli nɛ ɔmɛ ke a be he blɔ kaa a yeɔ niye ní nɛ a kɛ sã bɔ ha Mawu kɛ yaa su be nɛ a maa na osɔfo nɛ maa ngɔ Urim kɛ Tumim kɛ bi Mawu gbi ha mɛ.

Ezra 2:63 ပူးပေါင်းရင်းမြစ်များ

Mose II, 28:30

Ngɔɔ ní ɔmɛ nɛ a kɛ leɔ ye yi mi, nɛ a tsɛɛ Urim kɛ Tumim ɔ kɛ wo gugue tade ɔ mi, nɛ Aaron nɛ hɛɛ mɛ ngɛ e gugue nya be tsuaa be nɛ e ma ye hɛ mi. Kɛkɛ ɔ, daa be tsuaa be ke Aaron ma he klɔuklɔu ɔ, níhi nɛ ma gu nɔ kɛ je ye yi mi tomi kpo kɛ tsɔɔ Israel bi ɔmɛ ɔ, e hɛɛ mɛ momo ngɛ e gugue nya.

Mose IV, 27:21

É ba e he si ha osɔfo Eleazar, konɛ osɔfo Eleazar hu nɛ ngɔ Urim kɛ Tumim kɛ bi Yawɛ ga womi ha lɛ. Nɔ́ tsuaa nɔ́ nɛ Yawɛ ma de Eleazar a, lɔ ɔ Yoshua, kɛ Israel ma kpekpemi ɔ tsuo maa pee.”

Mose III, 2:10

Nɔ́ nɛ maa piɛ ngɛ se ɔ peeɔ osɔfo Aaron kɛ e bimɛ ɔmɛ a nɔ́; ejakaa bɔhi nɛ a kɛ la sãã ha Yawɛ ɔ mi nɔ́ klɔuklɔu pe kulaa ji lɔ ɔ nɛ.

Mose III, 2:3

Mamu nɛ piɛ ngɛ niye ní bɔ sami ɔ se ɔ, peeɔ osɔfo Aaron kɛ e bimɛ ɔmɛ a nɔ́; ejakaa bɔhi nɛ a kɛ la sãã ha Yawɛ ɔ mi nɔ́ klɔuklɔu pe kulaa ji lɔ ɔ nɛ.

Nehemia 8:9

Benɛ ma a tsuo nu mlaa a mi munyu ɔmɛ ɔ, a wo yana. Se Nehemia, amlaalo ɔ, kɛ osɔfo Ezra, mlaa tsɔɔlɔ ɔ, kɛ Levi bi ɔmɛ nɛ ngɛ mlaa a sisi tsɔɔe ɔ de ma a tsuo ke, “Mwɔnɛ ligbi nɛ ɔ ji ligbi klɔuklɔu ha Yawɛ, nyɛ Mawu ɔ. Lɔ ɔ he ɔ, nyɛ ko ye kɔmɔ, nɛ nyɛ ko wo yana.

Mose III, 22:10

“Nɔ ko nɛ ji osɔfo weku mi ɔ, e ko ye ní klɔuklɔu ɔ eko. Osɔfo we nubwɔ, loo e we apaatsɛ po e ko ye ní klɔuklɔu ɔ eko.

Nehemia 10:1

Kekleekle nɔ nɛ ngma e biɛ ji ɔ, Hakalia bi Nehemia, amlaaho ɔ. Nɔ nɛ nyɛɛ e se ji Zedekia. Seraya, Azaria, Yeremia, Pashur, Amaria, Malkiya, Hatush, Shebania, Haluk, Harim, Meremot, Obadia, Daniel, Gineton, Baruk, Meshulam, Abiya, Miyamin, Maazia, Bilgai, kɛ Shemaya. Azania bi Yeshua, Hanadad weku ɔ mi no Binui, Kadmiel, Shebania, Hodia, Kelita, Pelaya, Hanan, Mika, Rehob, Hashabia, Zakur, Sherebia, Shebania, Hodia, Bani, kɛ Beninu.

Nehemia 7:65

Yuda nɔ yelɔ ɔ de mɛ ke a be he blɔ kaa a yeɔ niye ní nɛ a kɛ sã bɔ ha Mawu kɛ yaa su be nɛ a ma na osɔfo nɛ maa ngɔ Urim kɛ Tumim kɛ bi Mawu gbi ha mɛ.

Samuel I, 28:6

lɔ ɔ he ɔ, e ya bi Yawɛ ga womi. Se Yawɛ pui e nya mi. E na we sɛ gbi ko kɛ gui nlami mi. Urim kɛ Tumim de we lɛ nɔ́ ko, nɛ e nui nɔ́ ko kɛ ji gbalɔ ko gbalɔ ko nya.

Mose V, 33:8

Jehanɛ, Mose gbaa Levi wɛtso ɔ hulɔ ke, “Yawɛ, mo je o suɔmi kpo kɛ gu Tumim kɛ Urim a nɔ. Ní nɛ ɔmɛ ji níhi nɛ Levi bi ɔmɛ, nɛ ji sɔmɔli nɛ yeɔ mo anɔkuale ɔ kɛ biɔ mo gbi ɔ nɛ. O ka Levi wɛtso ɔ ngɛ Masa, nɛ o kɛ mɛ pɛ ngɛ Meriba pa a nya.

Mose IV, 18:32

Ke nyɛ ngɔ nɔ́ nɛ hi pe lɛ tsuo ɔ kɛ ba ha Yawɛ ɔ, tue gblami ko be nyɛ nɔ bae. Se nyɛɛ hyɛ nɛ nyɛ ko ble Israel bi ɔmɛ a nike ní klɔuklɔu ɔmɛ, nɛ a ko gbe nyɛ.”

Mose IV, 18:19

“Nike ní klɔuklɔu nɛ Israel bi ɔmɛ kɛ ba haa Yawɛ ɔ, i ngɔ mɛ tsuo kɛ ha mo, kɛ o binyumu ɔmɛ, kɛ o biyi ɔmɛ kaa nyɛ blɔ fa mi nɔ nɛ fɔɔ si daa. Nɔ́ nɛ ɔ ji somi ko nɛ i kɛ mo, kɛ o nina so, nɛ a be mi poe gblegbleegble.”

Mose III, 8:8

Lɔ ɔ se ɔ, e ngɔ hiɔwe tade ɔ nɛ Urim kɛ Tumim ngɛ mi ɔ ngɔ wo lɛ.

Mose III, 7:16

Ke nɔ ko ba sã tue mi jɔmi bɔ ɔ; nɔ́ ko nɛ e wo he si jio, nɔ́ nɛ je e tsui mi faa jio, a ma nyɛ ye lo ɔ ligbi ɔ nɛ e kɛ ba a. Ke eko piɛ ɔ, a ye e nɔ jena.

Mose III, 6:29

Nyumu tsuaa nyumu ngɛ osɔfo ɔmɛ a weku ɔ mi ma nyɛ maa ye bɔ nɛ ɔ eko; e ji bɔ klɔuklɔu pe kulaa.

Ezra 2:64

Nihi nɛ kpale kɛ je ma se kɛ ba a, a yibɔ ji — 42,360. A tsɔli kɛ a mawayihi — 7,337 Lali nyumuhi kɛ yihi — 200 Okpɔngɔhi — 736 Teji okpɔngɔhi — 245 Afukpɔngɔhi — 435 Tejihi — 6,720

Mose III, 22:13

Se ke osɔfo ɔ biyo ya pee yalɔyo, loo e gba puɛ nɛ e be bi, nɛ e kpale kɛ ba e tsɛ we mi, nɛ e tsɛ ɔ ngɛ e nɔ hyɛe kaa sa a, e ma nyɛ maa ye e tsɛ ní ɔ eko. Nɔ ko nɛ ji osɔfo weku mi be he blɔ nɛ e yeɔ eko.