Ezra 2:58 - BAIBLO ALOO NGMAMI KLƆUKLƆU Ɔ

⁵⁸ Mawu we ɔ ní tsuli a nina, kɛ Salomo tsɔli ɔmɛ tsuo nɛ kpale kɛ je ma se kɛ ba a, a yibɔ ji 392.

Ezra 2:58 ပူးပေါင်းရင်းမြစ်များ

Kronika I, 9:2

Kekleekle nihi nɛ kpale kɛ ba mɛ nitsɛmɛ a zugba nɔ, kɛ a ma amɛ a mi ji nɛ ɔmɛ: Israel bi komɛ nɛ pi osɔfohi ji mɛ, osɔfo ɔmɛ, Levi bi ɔmɛ, kɛ Yawɛ we ɔ ní tsuli.

Yoshua 9:27

Se kɛ̃ ɔ, e pee mɛ nyɔguɛhi, nɛ a lɛɔ lɛ́, nɛ a yaa pa kɛ haa Israel bi ɔmɛ, kɛ Yawɛ bɔ sami la tɛ ɔ. Kɛ ba si mwɔnɛ ɔ, mɛ nɛ a tsuɔ ní tsumi nɛ ɔ ngɛ he nɛ Yawɛ hla ke a ja lɛ ngɛ ɔ.

Yoshua 9:23

Nɔ́ nɛ nyɛ pee nɛ ɔ he je ɔ, Mawu gbiɛ nyɛ. Nyɛɛ kɛ nyɛ nina maa pee nyɔguɛhi; nyɛ ma gba lɛ́, nɛ nyɛ maa ya pa kɛ ba ye Mawu ɔ we ɔ.”

Yoshua 9:21

A kó gbe mɛ, se a pee lɛ́ lɛli, kɛ pa yali kɛ ha wɔ.” Ga nɛ ma nimeli ɔmɛ wo ji nɛ ɔ nɛ.

Nehemia 7:60

Yawɛ we ɔ he ní tsuli a nina, kɛ Salomo tsɔli ɔmɛ a nina, nɛ kpale kɛ je ma se kɛ ba a tsuo a hiɛmi ji 392.

Ezra 2:59

Nihi 652 hu je Tel Mela, Tel Hasha, Kerub, Adan, kɛ Imer ma amɛ a mi kɛ ba. Delaya, Tobia, kɛ Nekoda a nina ji mɛ; a nyɛ we nɛ a tsɔɔ kaa Israel bi pɔtɛɛ ji mɛ.

Matsɛmɛ I, 9:20

Benɛ Israel bi ɔmɛ ya ngɔ Kanaan zugba a, Kanaan bi nɛ piɛ ngɛ lejɛ ɔ nɛ Israel bi ɔmɛ gbi mɛ ɔ, mɛ ji nihi nɛ Matsɛ Salomo nyɛ a nɔ kɛ tsu nyɔguɛ ní tsumi kpakpataa nɛ ɔmɛ ɔ. Mɛ ji Amor bi, Hit bi, Periz bi, Hiv bi, kɛ Yebus bi nɛ a nina ngɛ nyɔguɛ yee we kɛ ba si mwɔnɛ ligbi nɛ ɔ.

Fiɛlɔ 2:7

I he nyɔguɛhi babauu, nyumuhi kɛ yihi tsuo; nɛ a fɔ nyɔguɛhi babauu kɛ wo ye we ɔ mi. Jehanɛ se hu, i ngɛ nahi kɛ tohi babauu pe nɔ tsuaa nɔ ngɛ Yerusalem.