Ezra 10:8 - BAIBLO ALOO NGMAMI KLƆUKLƆU Ɔ

⁸ Ligbi etɛ se, ke nɔ ko bɛ́ kaa bɔ nɛ ma tsɔli ɔmɛ, kɛ ma nimeli ɔmɛ fa ke a pee ɔ, á kpɔ e níhi tsuo ngɛ e dɛ; lɛ nitsɛ lɛɛ a ko bu lɛ ngɔ si e ma mi bi ɔmɛ a nɔ hu.

Ezra 10:8 ပူးပေါင်းရင်းမြစ်များ

Ezra 10:7

A fiɛ ngɛ Yerusalem kɛ Yuda tsuo kaa nihi tsuo nɛ je ma se kɛ ba a, a ba kpe ngɛ Yerusalem.

Ezra 10:9

Ligbi etɛne ɔ pɛpɛɛpɛ ɔ, Yuda, kɛ Benyamin bi tsuo ba bua a he nya ngɛ Yerusalem. Nyɔhiɔ nɛɛne ɔ we ligbi nyingmi enyɔ ji jamɛ a ligbi ɔ nɛ. Ma a tsuo ba pue si ngɛ magbɛ mi ngɛ Mawu we ɔ hɛ mi, nɛ a he ngɛ doe blibliibli ngɛ sane nɛ ɔ, kɛ jehanɛ hiɔmi nɛ ngɛ nɛe wawɛɛ ɔ he.

Ezra 7:26

Nɔ tsuaa nɔ nɛ ma tɔ̃ o Mawu ɔ mlaa a, aloo imi matsɛ, ye mlaa a, a gbla e tue nɔuu; a gbe lɛ, loo a je lɛ we, loo a kpɔ e níhi ngɛ e dɛ, aloo a wo lɛ tsu.”

Nehemia 13:28

Osɔfo nɔkɔtɔma pe kulaa Eliashib bi ji Yoyada; se Yoyada bimɛ ɔmɛ a ti nɔ kake ya ngɔ Sanbalat nɛ je Bet Horon ɔ biyo. Lɔ ɔ he ɔ, i fie Yoyada kɛ je Yerusalem.

Nehemia 13:3

Benɛ ma a nu mlaa a nɛ a kane ɔ, a je nibwɔ ɔmɛ tsuo kɛ je Israel bi ɔmɛ a kpɛti.

Mose III, 27:28

Nɔ́ tsuaa nɔ́ nɛ ngɛ nɔ ko dɛ, nɛ a je he gbi kaa a kpata e hɛ mi kɛ ha Yawɛ ɔ, nɔmlɔ jio, lohwe nane eywiɛtsɛ jio, aloo gbosi ní kaa zugba a peeɔ klɔuklɔu kɛ ha Yawɛ; a ko jua, nɛ a ko kpɔ hulɔ.

Mateo 18:17

Se ke e bui mɛ hu tue ɔ, yaa sɛɛ ha asafo ɔ. Ke e bɛɛe bui asafo ɔ hu tue ɔ, buu lɛ kaa wɔ jalɔ, loo tó tsulɔ.

Yohane 16:2

A maa fie nyɛ kɛ je kpe he ɔmɛ, nɛ be maa ba nɛ ke nihi ngɛ nyɛ gbee ɔ, a ma susu kaa Mawu lɛ a ngɛ jae.

Yohane 9:22

Nyumu ɔ fɔli ɔmɛ de enɛ ɔ, ejakaa a ngɛ Yuda ma nimeli ɔmɛ gbeye yee. Blɔɔ Yuda bi ɔmɛ so ngɔ to kaa ke nɔ ko ma gba mi paa ma de ke Yesu ji Kristo ɔ, a maa fie jamɛatsɛ ɔ kɛ je kpe he ɔ.

Yohane 9:34

A he nɔ ke, “Mo nɛ a fɔ mo, nɛ a tsɔse mo ngɛ yayami mi ɔ, o ngɛ hlae nɛ o tsɔɔ wɔ ní?” Kɛkɛ nɛ a fie lɛ kɛ je a jami ɔ mi.

Yoshua 6:19

Sika hiɔ, sika tsu, akɔblee, kɛ dade níhi tsuo lɛɛ a hla kɛ to ha Yawɛ, lɔ ɔ he ɔ, a ngɔ kɛ ba Yawɛ nito he ɔ.”

Manyadali 21:5

Israel bi ɔmɛ bi ke, “Anɛ Israel wɛtso ɔmɛ ekomɛ ngɛ nɛ mɛɛ a bɛ gua a mi ngɛ Yawɛ hɛ mi lo?” A ka kita agbo ke, nɔ tsuaa nɔ nɛ bɛ Yawɛ hɛ mi ngɛ Mizpa a, a gbe lɛ.

Samuel I, 11:7

E nu na enyɔ nɛ e poo a mi kpɔ nya kpɔ nya, nɛ e ngɔ ha tsɔli ke a ya kpa Israel ma amɛ tsuo a mi nɛ a de ke, “Nɔ nɛ be bae nɛ e ba nyɛɛ Saul kɛ Samuel a se ɔ, jamɛatsɛ ɔ, bɔ nɛ a maa pee e nahi ji nɛ ɔ nɛ!” Yawɛ ha sawale nu ma a, nɛ mɛ tsuo kulaa a je kpo kɛ ba; e píɛ nɔ ko.