Ezra 10:4 - BAIBLO ALOO NGMAMI KLƆUKLƆU Ɔ

⁴ Tee si; o ní tsumi ji nɛ ɔ nɛ; wa ngɛ o se kpɛii. Pee kã, nɛ o tsu.”

Ezra 10:4 ပူးပေါင်းရင်းမြစ်များ

Kronika I, 22:16

sika tsu, sika hiɔ, akɔblee, kɛ dade a he ní. Lɔ ɔ he ɔ, moo hyɛ nɛ o je ní tsumi ɔ sisi; nɛ Yawɛ nɛ piɛ o he.”

Kronika I, 22:19

Lɔ ɔ he ɔ, nyɛ sɔmɔ Yawɛ, nyɛ Mawu ɔ kɛ nyɛ tsui tsuo, kɛ nyɛ juɛmi tsuo. Nyɛɛ je Yawɛ we ɔ mami sisi, konɛ nyɛɛ ngɔ Yawɛ somi daka a, kɛ ní klɔuklɔu kpa amɛ tsuo nɛ a kɛ sɔmɔɔ lɛ ɔ kɛ ba ma mi.”

Kronika I, 28:10

Ná nɛ o le kaa Yawɛ hla mo konɛ o ma e we klɔuklɔu ɔ. Pee kã nɛ o kɛ tsu ní tsumi nɛ ɔ.”

Kronika I, 28:20

Nyagbe ɔ, Matsɛ David de e bi Salomo ke, “Wlua mo, nɛ o pee kã, nɛ o tsu ní ɔ. Koo ye gbeye, nɛ o tsui ko po; ejakaa Yawɛ Mawu ɔ nɛ i sɔmɔɔ lɛ ɔ kɛ mo ngɛ. E be mo kuae, nɛ e be mo sie kɛ yaa si o maa gbe e we ɔ he ní tsumi ɔmɛ tsuo nya.

Kronika I, 28:21

A dla ní tsumi ngɔ ha osɔfo ɔmɛ, kɛ Levi bi ɔmɛ nɛ a ma tsu ngɛ Yawɛ we ɔ. Ní tsuli nɛ le ga ní tsumi slɔɔtohi pee klaalo nɛ a maa piɛ o he. Jehanɛ se hu, ma a, kɛ ma nimeli ɔmɛ tsuo ngɛ mlɛe nɛ o wo gbi, konɛ a ba piɛ o he.”

Ezra 10:5

Kɛkɛ nɛ Ezra te si, nɛ e ha nɛ osɔfo ɔmɛ a hɛ mi nyɛɛli ɔmɛ, Levi bi ɔmɛ, kɛ Israel ma a tsuo ka kita kaa a maa pee nɔ́ nɛ Shekania de ɔ.

Fiɛlɔ 9:10

Nɔ́ tsuaa nɔ́ nɛ o ngɛ tsue ɔ, tsu kɛ o he wami tsuo. Ejakaa gbeje, he nɛ o maa ya hwɔɔ se ɔ, ní tsumi, loo yi mi susumi, loo nile, loo ga be lejɛ ɔ.

Marko 13:34

E ngɛ kaa nyumu ko nɛ benɛ e maa doma a, e si e we ngɔ ha e tsɔli. E ha a ti nɔ tsuaa nɔ ní tsumi pɔtɛɛ nɛ e ma tsu. E de bulɔ ɔ ke e hyɛ we ɔ nɔ saminya.

Hebribi 10:24

Nyɛ ha waa kɛ hɛdɔ nɛ susu he bɔ nɛ sa, nɛ waa suɔ wa sibi, nɛ waa pee wa sibi kpakpa.