Ezra 10:2 - BAIBLO ALOO NGMAMI KLƆUKLƆU Ɔ

² Kɛkɛ nɛ Elam we puɔ nya no ko nɛ a tsɛɛ lɛ Yehiel ɔ bi Shekania de Ezra ke, “Niinɛ, wa ya ngɔ ma se yihi, nɛ wa yi wa Mawu ɔ anɔkuale, se kɛ̃, hɛ nɔ kami ngɛ ha Israel.

Ezra 10:2 ပူးပေါင်းရင်းမြစ်များ

Ezra 10:26

Elam we puɔ nya: Matania, Zakaria, Yehiel, Abdi, Zeremot, kɛ Eliya.

Ezra 9:1

Ní nɛ ɔmɛ tsuo a se ɔ, ma nimeli ɔmɛ a ti ni komɛ ba ye ngɔ nɛ a ba de mi ke, “Israel ma a, osɔfo ɔmɛ, kɛ Levi bi ɔmɛ tsɔ we a he kɛ ji nihi nɛ ngɛ zugba a nɔ ɔ a he. Ní hiemi níhi nɛ a ngɛ peeɔ, a kɛ mɛ lɛ peeɔ. Kikɛmɛ a zugba amɛ, kɛ ma amɛ ji Kanaan, Hit, Periz, Yebus, Amon, Moab, Egipt, kɛ Amor.

Ezra 9:2

Yuda nyumuhi kɛ a binyumuhi tsuo ya ngɔ zugba a nɔ yihi; nɛ Mawu ma klɔuklɔu ɔ kɛ nɔ́ nɛ ɔ ble a he. Ma tsɔli kɛ ma ní tsuli titli ji nihi nɛ yeɔ fɔ ngɛ kikɛmɛ a nɔ́ nɛ ɔ mi.”

Nehemia 13:27

Anɛ waa nyɛɛ nyɛ se, nɛ wa ya ngɔ ma se yihi, nɛ wa tɔ Mawu nɔ lo?”

Nehemia 3:29

Imer binyumu Zadok fia gbogbo ɔ nɛ ngɛ e we ɔ hanɔ ɔ. Shekania binyumu Shemaya nɛ buu Beleku Agbo ɔ nya a fia gbogbo ɔ he nɛ tsa nɔ ɔ.

Mose II, 34:12

Hyɛ saminya nɛ o kɛ ma he nɛ nyɛ yaa a mi bi ɔmɛ kó so somi ko, nɛ lɔ ɔ ba plɛ klama nɛ a tsɔ mo.

Abɛ Womi 28:13

Nɔ nɛ laa e yayamihi a nɔ ɔ, e yɛ nɔ. Se nɔ nɛ jajeɔ e he yayami, nɛ e kpaa yayami peemi ɔ, a maa na lɛ mɔbɔ.

Yakobo 2:9

Se ke nyɛ hyɛɔ nihi a hɛ mi ɔ, yayami nyɛ ngɛ pee ɔ nɛ, nɛ nyɛ yeɔ fɔ kaa nyɛ tɔ mlaa.