Ezra 10:18 - BAIBLO ALOO NGMAMI KLƆUKLƆU Ɔ

¹⁸ Nihi nɛ ngɔ ma se yihi a biɛhi ji nɛ ɔmɛ. Yehozadak binyumu Yoshua kɛ e nyɛminyumu ɔmɛ: Maaseya, Eliezer, Yarib, kɛ Gedalia.

Ezra 10:18 ပူးပေါင်းရင်းမြစ်များ

Ezra 10:17

nɛ kekleekle nyɔhiɔ ɔ we kekleekle ligbi ɔ, a hyɛ nihi tsuo nɛ ngɔ ma se yihi a sane ɔmɛ a mi kɛ gbe nya.

Ezra 2:2

Nihi nɛ kɛ mɛ ba ji Zerubabel, Yoshua, Nehemia, Seraya, Reelaya, Mordekai, Bilshan, Mispar, Bigvai, Rehum, kɛ Baana. Israel bi nɛ kpale kɛ je ma se kɛ ba a ji nɛ ɔmɛ nɛ:

Ezra 2:36

Osɔfo ɔmɛ: Yedaya nina (Yeshua bimɛ ɔmɛ 973) Imer nina 1,052 Pashur nina 1,247 Harim nina 1,017

Ezra 3:2

Yehozadak bi Yoshua, e nyɛmimɛ osɔfo ɔmɛ, kɛ Sheatiel bi Zerubabel, kɛ e weku li ɔmɛ ba ma Israel Mawu ɔ bɔ sami la tɛ ɔ ekohu, konɛ a sã sami bɔhi ngɛ nɔ kaa bɔ nɛ Mawu nɔmlɔ Mose mlaa a tsɔɔ ɔ.

Ezra 3:8

Benɛ Israel bi ɔmɛ ba su Yerusalem, he nɛ Mawu we ɔ hi ɔ, jeha enyɔne ɔ we nyɔhiɔ nɛ ji enyɔ ɔ mi ɔ, a je Yawɛ we ɔ mami sisi. Shealtiel bi Zerubabel, Yozadak bi Yoshua, kɛ ma a nɛ a wo ní tsumi ɔ nɔ. Osɔfo ɔmɛ, Levi bi ɔmɛ, kɛ nihí tsuo nɛ kpale kɛ je ma se kɛ ba a hu piɛ a he. A ngɔ Levi bi, nihi nɛ ye jeha nyingmi enyɔ, aloo ni nɛmɛ nɛ ye pe ja ngɔ to ní tsumi ɔ nya konɛ a hyɛ nɔ.

Ezra 5:2

Kɛkɛ nɛ Shealtiel bi Zerubabel, kɛ Yehozadak bi Yoshua ya bɔni Mawu we ɔ mami ekohu, nɛ Mawu gbali ɔmɛ piɛ a he kɛ tsu ní ɔ.

Ezra 9:1

Ní nɛ ɔmɛ tsuo a se ɔ, ma nimeli ɔmɛ a ti ni komɛ ba ye ngɔ nɛ a ba de mi ke, “Israel ma a, osɔfo ɔmɛ, kɛ Levi bi ɔmɛ tsɔ we a he kɛ ji nihi nɛ ngɛ zugba a nɔ ɔ a he. Ní hiemi níhi nɛ a ngɛ peeɔ, a kɛ mɛ lɛ peeɔ. Kikɛmɛ a zugba amɛ, kɛ ma amɛ ji Kanaan, Hit, Periz, Yebus, Amon, Moab, Egipt, kɛ Amor.

Ezra 9:2

Yuda nyumuhi kɛ a binyumuhi tsuo ya ngɔ zugba a nɔ yihi; nɛ Mawu ma klɔuklɔu ɔ kɛ nɔ́ nɛ ɔ ble a he. Ma tsɔli kɛ ma ní tsuli titli ji nihi nɛ yeɔ fɔ ngɛ kikɛmɛ a nɔ́ nɛ ɔ mi.”

Nehemia 12:10

Yoshua bi ji Yoyakim; Yoyakim bi ji Eliashib, nɛ Eliashib hu bi ji Yoyada.

Nehemia 13:28

Osɔfo nɔkɔtɔma pe kulaa Eliashib bi ji Yoyada; se Yoyada bimɛ ɔmɛ a ti nɔ kake ya ngɔ Sanbalat nɛ je Bet Horon ɔ biyo. Lɔ ɔ he ɔ, i fie Yoyada kɛ je Yerusalem.

Nehemia 8:4

Mlaa tsɔɔlɔ Ezra ya da si ngɛ kpoku ko nɔ. Kpoku nɛ ɔ, a je blɔ nɛ a kɛ tso pee kɛ ha kpe ɔ peemi. Jamɛ a be ɔ mi ɔ, Matitia, Shema, Anaya, Uria, Hilkia, kɛ Maaseya hiɔ daa si ngɛ e hiɔ nɔ, nɛ Pedaya, Mishael, Malkiya, Hashum, Hashbadana, Zekaria kɛ Meshulam daa si ngɛ e muɔ nɔ.

Nehemia 8:7

Jehanɛ, a te da si ngɛ he nɛ a ngɛ ɔ, nɛ Levi bi nɛ ɔmɛ tsɔɔ mɛ mlaa a sisi fitsofitso. Mɛ ji Yeshua, Bani, Sherebia, Yamin, Akub, Shabetai, Hodia, Maaseya, Kelita, Azaria, Yozabad, Hanan, kɛ Peleya.

Yeremia 23:10

Zugba a nɔ hyi tɔ kɛ nimli nɛ yi Yawɛ anɔkuale. A peeɔ yayami, nɛ a kɛ a he wami tsu we nɔ́ kpakpa. Enɛ ɔ he je ɔ, Mawu gbiɛ zugba a; zugba a bɛ ní hu, nɛ e nɔ pee mɔbɔmɔbɔ.

Yeremia 23:11

Yawɛ ke, “Gbali ɔmɛ, kɛ osɔfo ɔmɛ tsuo li Mawu; nimli yayamihi ji mɛ. I naa mɛ nɛ a ngɛ yayami pee ngɛ ye we ɔ mi tete po.

Yeremia 23:14

Se i na kaa Yerusalem gbali ɔmɛ po pe mɛ kɛ yayami peemi; a puɛɔ gba, nɛ a yeɔ lakpa; a ya piɛɔ nihi a he nɛ a kɛ peeɔ yayami; nɛ enɛ ɔ he je ɔ, nɔ ko kpa we yayami peemi. Ngɛ imi ye hɛ mi ɔ, nimli yayamihi ji mɛ tsuo pɛpɛɛpɛ kaa Sodom kɛ Gomora bi.

Ezekiel 44:22

Osɔfo kó ngɔ yalɔyo, loo yo nɛ e kɛ e huno be hu; e ngɔ yomiyo kɛ je e ma Israel bi ɔmɛ a kpɛti, aloo osɔfo ko nɛ be je mi ɔ e yo yalɔyo.

Mose III, 21:7

Osɔfo ko kó ngɔ yo yaholɔ, aloo yo nɛ nɔ ko puɛ lɛ. E ko ngɔ yo nɛ e kɛ e huno be hu, ejakaa lɛ osɔfo ɔ, nɔ klɔuklɔu ji lɛ.

Hagai 1:1

Persia matsɛ, Darius yi nɔ, jeha enyɔne ɔ mi, nyɔhiɔ ekpane ɔ we kekleekle ligbi ɔ, Yawɛ ngɔ sɛ gbi kɛ gu gbalɔ Hagai nɔ kɛ ha nimli nɛ ɔmɛ: Sheatiel bi Zerubabel, Yuda amlaalo ɔ, kɛ Yehozadak bi Yoshua, osɔfo nɔkɔtɔma pe kulaa a.

Hagai 1:12

Kɛkɛ nɛ Shealtiel Zerubabel, kɛ Yehozadak bi Yoshua, kɛ ma a tsuo nɛ kpale kɛ je ma se ngɛ Babilonia kɛ ba a, pee nɔ́ nɛ Yawɛ, a Mawu ɔ de mɛ ke a pee ɔ, nɛ a bu gbalɔ Hagai, Yawɛ tsɔlɔ ɔ tue, ejakaa Yawɛ nɛ tsɔ lɛ. Ma a tsuo ye gbeye.

Hagai 2:4

Se kɛ̃ ɔ, nyɛ ti nɔ ko nɔ ko kɔni mi ko wo nyu. Nyɛ tsu ní ɔ, ejakaa i kɛ nyɛ ngɛ.

Zakaria 3:1

I na nina kpa ko. Yawɛ ha nɛ i na osɔfo nɔkɔtɔma pe kulaa Yoshua nɛ daa si ngɛ Yawɛ bɔfo ɔ hɛ mi; nɛ Abosiami ba daa si ngɛ Yoshua hiɔ nɔ, konɛ e po Yoshua nya.

Zakaria 6:11

Ngɔɔ sika hiɔ, kɛ sika tsu nɛ a kɛ ba ke ɔ kɛ pee matsɛ pɛɛ, nɛ o kɛ bu Yehozadak bi Yoshua, osɔfo nɔkɔtɔma pe kulaa a.

1 Timoteo 3:11

Sɔmɔli yi ɔmɛ hu ja nɔuu a pee nihi nɛ tsuɔ ní kɛ hɛdɔ, nɛ a ko ye sieku. A pee nihi nɛ a hɛ ka si, nɛ a yeɔ anɔkuale ngɛ nɔ́ tsuaa nɔ́ mi.