Ezra 10:10 - BAIBLO ALOO NGMAMI KLƆUKLƆU Ɔ

¹⁰ Kɛkɛ nɛ osɔfo Ezra te da si, nɛ e de mɛ ke, “Nyɛ tɔ̃; ejakaa nyɛ ya ngɔ ma se yihi; nɛ enɛ ɔ ha nɛ Israel he yayami ɔ ba hiɛ pe sa a.

Ezra 10:10 ပူးပေါင်းရင်းမြစ်များ

Kronika II, 28:13

A de ta buli ɔmɛ ke, “Nyɛ ko ngɔ ta nyɔguɛ ɔmɛ kɛ ba hiɛ ɔ! Wɔ nitsɛmɛ hu wa pee yayami kɛ si Yawɛ; wa wo e mi mi la, nɛ tue gblami fɔɔ si ha wɔ momo. Jehanɛ, nyɛ pa ngɛ pee konɛ wa yayami ɔ nɛ hiɛ kɛ be nɔ!”

Ezra 10:11

Lɔ ɔ he ɔ, nyɛɛ jaje nyɛ he yayami ɔmɛ kɛ ha Yawɛ, nyɛ nɛmɛ a Mawu ɔ, nɛ nyɛɛ pee nɔ́ nɛ sa e hɛ mi. Nyɛ tsɔ nyɛ he kɛ je nibwɔ ɔmɛ nɛ ngɛ wa zugba a nɔ ɔ a he; nyɛɛ ngmɛɛ nyɛ ma se yi ɔmɛ a he.”

Ezra 10:9

Ligbi etɛne ɔ pɛpɛɛpɛ ɔ, Yuda, kɛ Benyamin bi tsuo ba bua a he nya ngɛ Yerusalem. Nyɔhiɔ nɛɛne ɔ we ligbi nyingmi enyɔ ji jamɛ a ligbi ɔ nɛ. Ma a tsuo ba pue si ngɛ magbɛ mi ngɛ Mawu we ɔ hɛ mi, nɛ a he ngɛ doe blibliibli ngɛ sane nɛ ɔ, kɛ jehanɛ hiɔmi nɛ ngɛ nɛe wawɛɛ ɔ he.

Ezra 9:14

Anɛ wa ma gbo tue ekohu nɛ waa kɛ nihi nɛ peeɔ musu bɔmi ní nɛ ɔmɛ nɛ sɛ gba si himi mi lo? Anɛ o mi mi be la woe wawɛɛ kɛ yaa si o ma kpata wɔ tsuo wa hɛ mi pɛsɛpɛsɛ nɛ nɔ kake po be piɛe lo?

Ezra 9:6

I fa kue ke, “Ye Mawu lee, ye hɛ mi pue si; e ngɛ mi zo pee kaa ma wo ye yi nɔ nɛ ma hyɛ mo. Wa he yayami pee kaa tlomi nɛ a to glegleegle kɛ be wa yi he kɛ ya su hiɔwe lokoo.

Mose IV, 32:14

Nɛ hyɛ, yayami peeli a nina, nyɛ hu nyɛ ba wo nyɛ nɛmɛ ɔmɛ a nane, nɛ nyɛ ngɛ pee, konɛ Yawɛ mi mi fumi nɛ nya wa a nɛ pa ba Israel nɔ ekohu!

Mateo 23:32

Lɔ ɔ he ɔ, nyɛɛ ya nɔ! Ní tsumi nɛ nyɛ nɛmɛ ɔmɛ je sisi ɔ, nyɛ tsu kɛ gbe nya!