Ezra 10:1 - BAIBLO ALOO NGMAMI KLƆUKLƆU Ɔ

¹ Jehanɛ Ezra ya Mawu we ɔ hɛ mi. E fa kue ha Mawu, nɛ e jaje Israel ma a he yayami. Jamɛ a be ɔ tsuo ɔ, e ngɛ ya foe, nɛ e ngɔ e he kɛ ngɛ si fiae. Kɛkɛ nɛ Israel bi babauu, nyumihi, yihi, kɛ jokuɛwi ba bua a he nya ngɛ lejɛ ɔ, nɛ a wo yana.

Ezra 10:1 ပူးပေါင်းရင်းမြစ်များ

Matsɛmɛ I, 8:30

Ke o tsɔlɔ, aloo o ma, Israel ba hiɛmɛ nɛ ɔ ba kpa pɛɛ ɔ, o nu ngɛ o hi he ɔ ngɛ hiɔwe, nɛ o ngɔ pa wɔ.

Matsɛmɛ I, 9:3

Yawɛ de lɛ ke, “I nu o kue fami ɔ. I pee we nɛ o po nɛ a ja mi ngɛ mi nɛ ɔ klɔuklɔu kɛ yaa neneene. Ma hyɛ we ɔ nɔ, nɛ ma bu he daa.

Kronika II, 20:13

Yuda nyumu ɔmɛ tsuo daa si ngɛ lejɛ ɔ ngɛ Yawɛ we ɔ, kɛ a yi ɔmɛ, kɛ a bimɛ ɔmɛ.

Kronika II, 20:9

kaa ke amanehlu ko ba a nɔ ɔ, ta jio, gbenɔ hiɔ jio, hwɔ jio, a ma ba da si ngɛ we nɛ ɔ hɛ mi, he nɛ a jaa mo ngɛ ɔ. Kɛkɛ ɔ, ke a fa kue ha mo ngɛ a haomi ɔ mi ɔ, o maa nu, nɛ o ma he a yi wami.

Ezra 10:6

Jehanɛ, Ezra je Mawu we ɔ hɛ mi, nɛ e ya sɛ Eliashib bi Yehohanan se tsu mi. E hi lejɛ ɔ nyɔ mi tsuo; e yi nɔ́ ko nɔ́ ko, nɛ e nui nyu hulɔ; kɔmɔ sɔuu e ngɛ yee, ejakaa Israel bi nɛ je ma se kɛ ba a yi Mawu anɔkuale.

Nehemia 1:4

Benɛ i nu amaniɛ nɛ ɔ, i hi si nɛ i fo ya. I ye kɔmɔ ligbi babauu, nɛ i ha hwɔ. I sɔle nɛ i tsɛ Mawu ke,

Nehemia 1:6

Yawɛ, moo hyɛ mi, nɛ o ba o tue si ha mi. Kue nɛ i ngɛ fae ha mo nyɔ kɛ pia kɛ ha o tsɔli ɔmɛ nɛ ji Israel bi ɔmɛ ɔ, moo bu tue. I ngɛ jajee ke wɔ Israel ma a, wa pee yayami. I kɛ ye nɛmɛ ɔmɛ tsuo wa pee yayami.

Nehemia 10:28

Wɔ, Israel ma a, osɔfo ɔmɛ, Levi bi ɔmɛ, sɔlemi we ɔ he buli ɔmɛ, sɔlemi we ɔ lali ɔmɛ, sɔlemi we ɔ ní tsuli ɔmɛ, kɛ ni kpa amɛ tsuo nɛ Mawu mlaa a nɔ yemi he ɔ, a tsɔ a he kɛ je nibwɔhi nɛ ngɛ wa zugba a nɔ ɔ a he ɔ, wa yihi, kɛ wa bimɛ tsuo nɛ hɛ mi fa nɛ nuɔ nɔ sisi ɔ,

Nehemia 8:9

Benɛ ma a tsuo nu mlaa a mi munyu ɔmɛ ɔ, a wo yana. Se Nehemia, amlaalo ɔ, kɛ osɔfo Ezra, mlaa tsɔɔlɔ ɔ, kɛ Levi bi ɔmɛ nɛ ngɛ mlaa a sisi tsɔɔe ɔ de ma a tsuo ke, “Mwɔnɛ ligbi nɛ ɔ ji ligbi klɔuklɔu ha Yawɛ, nyɛ Mawu ɔ. Lɔ ɔ he ɔ, nyɛ ko ye kɔmɔ, nɛ nyɛ ko wo yana.

La 119:136

Ye hɛngmɛ tslaa nyu babaaba kaa pa nɛ ngɛ bee, ejakaa nimli adesahi yi o mlaa amɛ a nɔ.

La 32:5

Kɛkɛ nɛ i jaje ye he yayami ɔmɛ kɛ ha mo; i laa we ye tɔmi ɔmɛ a nɔ. I de ke, “Ma jaje ye tɔmi ɔmɛ kɛ ha Yawɛ”, nɛ mo hu o ngɔ ye he yayami ɔmɛ kɛ pa mi.

Yeremia 13:17

Se ke nyɛ bui tue kɛ mwɔɔ ɔ, lɛɛ ma fo ya ngɛ laami mi ngɛ nyɛ he nɔ womi ɔ he. Ma fo ya hluu kɛ yaa si ye hɛngmɛ maa tɔ nyu, ejakaa a nuu Yawɛ ma mi bi ɔmɛ nyɔguɛ kɛ je.

Yeremia 9:1

I ná nɛ ye yi pee kaa vu kɛ e mi nyu, nɛ ye hɛngmɛhi plɛ pee nyu hɛngmɛ nɛ vo nyu ngɛ mi jee babaaba. Jinɛ i ko fo ya nyɔ kɛ pia kɛ ha ye ma mi bi ɔmɛ nɛ a gbe ɔ.

Daniel 9:20

I ya nɔ nɛ i sɔle. I jaje ye he yayami, kɛ ye ma Israel ɔ hu he yayami, nɛ i kpa Yawɛ, ye Mawu ɔ pɛɛ ke e to e we klɔuklɔu ɔ si ekohu.

Hosea 14:2

Nyɛɛ kpale kɛ ba Yawɛ, nyɛ Mawu ɔ ngɔ. Nyɛ ba fa kue ha lɛ, nɛ nyɛ de lɛ ke, “Ngɔɔ wa he yayami ɔmɛ kɛ pa wɔ; nɛ o bu wa kue fami ɔ tue, konɛ wa je o yi kaa bɔ nɛ wa wo si ɔ.

Zakaria 12:10

“David nina, kɛ ni kpahi nɛ ngɛ Yerusalem ɔ, ma ngɔ mumi nɛ naa mɔbɔ, kɛ mumi nɛ faa kue ngɔ wo a mi tɔ. Kɛkɛ ɔ, ke a na nɔ nɛ a gbɔ lɛ nɔ́ ɔ, a maa nyɛ ya ha lɛ kaa bɔ nɛ a nyɛɛ ya ha bi kake too. A ma nya awe kaa nihi nyaa awe ha a bitɛte.

Mateo 3:6

A ba jaje a he yayamihi, nɛ e sɔle mɛ ngɛ Yordan pa a mi.

Luka 19:41

Jehanɛ ɔ, Yesu su ma a he haa, nɛ benɛ e na ma a, e fo ya pue e nɔ,

Ni Tsumi 10:30

Kornelio he nɔ ke, “Mwɔnɛ ɔ ji ligbi eywiɛ, maa pee gbɔkuɛ ngmlɛ etɛ ɔ, i ngɛ sɔlee ngɛ ye we ɔ mi. Tlukaa a, nyumu ko nɛ wo tade nɛ ngɛ kpɛe klãiklãi ba da ye hɛ mi,

Ni Tsumi 21:5

Se nɛ be nɛ wa to nɛ wa maa ye ngɛ a ngɔ ɔ nya ta a, wa si mɛ, nɛ wa pue blɔ. Nyumu ɔmɛ tsuo, kɛ a yi ɔmɛ, kɛ a bimɛ ɔmɛ ba je wɔ blɔ kɛ je ma a mi kɛ ya su wo ɔ nya. Wa kpla si ngɛ zia a nɔ ngɛ lejɛ ɔ, nɛ wa sɔle.

Romabi 9:2

I yeɔ tsui, nɛ i yeɔ kɔmɔ hu babauu

Mose V, 31:12

Moo kpee Israel ma a tsuo kɛ ba: nyumuhi, yihi, jokuɛwi, kɛ nibwɔhi nɛ ngɛ nyɛ ma amɛ a mi ɔ, konɛ nɔ tsuaa nɔ nɛ ba nu, nɛ e wo Yawɛ, nyɛ Mawu ɔ hɛ mi nyami; nɛ a ye mlaa womi nɛ ɔ mi munyu ɔmɛ tsuo a nɔ pɛpɛɛpɛ.

Yoshua 7:6

Kɛkɛ nɛ Yoshua kɛ Israel ma nimeli ɔmɛ kɛ aywilɛho hía a tade ɔmɛ ngɛ a he, nɛ a ya bu si ngɛ Yawɛ somi daka a hɛ mi kɛ a yi mi zu kɛ ye kɔmɔ kɛ ya si gbɔkuɛ.

Yoshua 8:35

Yoshua kane Mose mlaa amɛ tsuo fitsofitso nɛ e si we ekoeko ha Israel ma kpekpemi ɔ; yihi, jokuɛwi kɛ nibwɔhi nɛ ngɛ a kpɛti tsuo piɛ he.