Ezra 1:7 - BAIBLO ALOO NGMAMI KLƆUKLƆU Ɔ

⁷ Kãhi kɛ kpluhi nɛ Matsɛ Nebukadnezer ya muɔ kɛ je Mawu we ɔ ngɛ Yerusalem, nɛ e kɛ ya wo e mawu ɔmɛ a we ɔ mi ɔ, Matsɛ Sirus kpale mɛ tsuo ngɔ ha.

Ezra 1:7 ပူးပေါင်းရင်းမြစ်များ

Matsɛmɛ II, 24:13

nɛ e muɔ junehi tsuo nɛ ngɛ Yawɛ we ɔ, kɛ matsɛ we ɔ kɛ ho Babilon ya. Nɛ kaa bɔ nɛ Yawɛ de to momo ɔ, sika tsu kãhi nɛ Israel matsɛ, Salomo pee nɛ a kɛ tsu ní ngɛ Yawɛ we ɔ, Nebukadnezar ywia mɛ dukuduku.

Kronika II, 36:10

Benɛ jeha su ɔ, Matsɛ Nebukadnezar tsɔ nɛ a ba ngɔ lɛ kɛ ho Babilonia ya; a muɔ Yawɛ we ɔ mi june ɔmɛ hu kɛ je. Nebukadnezar wo Yehoyakin nyɛminyumu Zedekia matsɛ ngɛ Yuda, kɛ Yerusalem a nɔ.

Kronika II, 36:18

Babilonia matsɛ ɔ ha ní ngɛ Yawɛ we ɔ; e muɔ june ngɛ nito he ɔ, kɛ Matsɛ Zedekia, kɛ e ganɔ ɔmɛ hu a june kɛ ho Babilon ya.

Kronika II, 36:7

Nebukadnezar muɔ june nɛ ngɛ Yawɛ we ɔ eko kɛ ho, nɛ e kɛ ya to e we mi ngɛ Babilon.

Ezra 5:14

Sika tsu, kɛ sika hiɔ níhi nɛ Nebukadnezer ba muɔ ngɛ Mawu we ɔ ngɛ Yerusalem kɛ ya wo lɛ, Nebukadnezer lɛɛ e mawu ɔ we ɔ ngɛ Babilon ɔ, matsɛ ɔ ngɔ ní nɛ ɔmɛ tsuo ngɔ ha Sheshbazar. Matsɛ Sirus wo nyumu nɛ ɔ amlaalo ngɛ Yuda.

Ezra 6:5

Jehanɛ hu, sika tsu, kɛ sika hiɔ níhi nɛ Matsɛ Nebukadnezer ya muɔ ngɛ Mawu we ɔ ngɛ Yerusalem kɛ ba Babilon ɔ, á ngɔ ya to a blɔ hehi pɛpɛɛpɛ ngɛ Mawu we ɔ ngɛ Yerusalem.”

Yeremia 51:44

Ma gbla Babilonia mawu ɔ nɛ a tsɛɛ Bel ɔ tue, nɛ ma je e ju ní ɔmɛ kpo; je ma amɛ be lɛ jae hu. “Babilon gbogbo ɔmɛ ku kɛ pueɔ si.

Daniel 1:2

Nyɔmtsɛ ɔ ngɔ Matsɛ Yehoyakim ngɔ wo e dɛ, nɛ Nebukadnezar muɔ june nɛ ngɛ Yawɛ we ɔ ekomɛ kɛ je kɛ ho. Babilon ya. June nɛ e muɔ ngɛ Mawu we ɔ e kɛ ya to e mawu ɔmɛ a nito he ɔ.

Daniel 5:23

O bui Nyɔmtsɛ ɔ nɛ ngɛ hiɔwe ɔ fɛɛ. Kplu ɔmɛ nɛ a ya muɔ ngɛ e we ɔ, o ya ngɔ kɛ ba hiɛ ɔ. O ma nimeli ɔmɛ, o yi ɔmɛ, kɛ o plã amɛ nu dã ngɛ kplu ɔmɛ a mi, nɛ nyɛ je mawuhi nɛ a kɛ sika tsu, sika hiɔ, akɔblee, dade, tso, kɛ tɛ pee ɔ a yi. Mawuhi nɛ a hyɛ we nɔ́, nɛ a nui nɔ́, nɛ a li nɔ́ ko nɔ́ ko ɔ, nyɛ je a yi. Se Mawu ɔ nɛ ngɛ he wami ngɛ o nɔ́ tsuaa nɔ́ nɔ, nɔ nɛ ke e de ke o gbo, kɛkɛ nɛ o ma gbo, aloo ke e ke o hi je mi, nɛ o yi ma na wami ɔ, jamɛ a Mawu ɔ lɛɛ nyɛ wui e hɛ mi nyami.