Ezra 1:6 - BAIBLO ALOO NGMAMI KLƆUKLƆU Ɔ

⁶ Nihi tsuo nɛ a kɛ mɛ ngɛ ɔ tsuo wo mɛ blɔ kɛ níhi babauu; sika hiɔ ní, sika tsu, tlomi, lohwehi, nike ní kpahi nɛ a he jua wa, kɛ nike níhi nɛ je tsui mi faa kɛ ba Mawu we ɔ.

Ezra 1:6 ပူးပေါင်းရင်းမြစ်များ

Kronika I, 29:9

Ma a ke Yawɛ ní kɛ je a tsui mi faa, nɛ a nya nɛ a bua jɔ a he kaa a nyɛ pee nɔ́ ko kaa ja. Matsɛ David hu bua jɔ e he saminya, nɛ e nya.

Ezra 1:4

Mawu ma mi bi ɔmɛ nɛ a nuu kɛ ho ma se ya a, he tsuaa he nɛ a ngɛ ɔ, nihi nɛ kɛ mɛ ngɛ lejɛ ɔ nɛ a ha mɛ yemi kɛ buami nɛ a ngɛ hlae. A ha mɛ sika hiɔ, sika tsu, tlomi, lohwe, kɛ jehanɛ níhi nɛ a je tsui mi faa ba ke kɛ ha Mawu we ɔ ngɛ Yerusalem.”

Ezra 8:33

Ligbi eywiɛne ɔ, wa ya Mawu we ɔ, nɛ wa ya ngmɛ sika tsu ɔ, sika hiɔ ɔ, kɛ ní kpa amɛ; nɛ wa tu mɛ kɛ wo osɔfo Meremot, Uria bi ɔ dɛ. Nihi nɛ piɛ e he ji Finehas bi Eleazar, kɛ Levi bi enyɔ, Yozabad, Yeshua bi ɔ, kɛ Noadia, Binui bi ɔ.

Nehemia 6:9

Mɛ tsuo a susu kaa a maa wo wa he gbeye, konɛ wa nine mi nɛ jɔ̃, nɛ wa kpa ní ɔ tsumi. Lɔ ɔ he ɔ, i sɔle ke, “Jehanɛ Mawu, moo wo mi he wami koo!”

La 106:46

E ha nɛ a ní pee nihi tsuo nɛ nuu mɛ nyɔguɛ ɔ mɔbɔ.

La 110:3

Ligbi ɔ nɛ o maa hia ta kɛ wo o he nyɛli ɔmɛ ɔ, o ma mi bi ɔmɛ maa ngɔ a he kɛ ha ngɛ mɛ nitsɛmɛ a suɔmi nya. Nihewi babauu ma ba pue si ngɛ yo klɔuklɔu ɔmɛ a nɔ kaa makɛ bɔ́.

Mose II, 12:35

Israel bi ɔmɛ pee kaa bɔ nɛ Mose de mɛ ɔ; a ya ba june ní, sika hiɔ, sika tsu, kɛ bohi ngɛ Egipt bi ɔmɛ a dɛ.

Mose II, 12:36

Yawɛ ha Egipt bi ɔmɛ ná Israel bi ɔmɛ a he bua jɔmi, nɛ a ha mɛ níhi nɛ a ya ba ngɛ a dɛ ɔ. Blɔ nɔ nɛ Israel bi ɔmɛ gu kɛ kpakpaa Egipt bi ɔmɛ a he níhi kɛ je ji nɛ ɔ nɛ.

Yesaya 35:3

Ninehi nɛ pɔ tɔ mɛ ɔ, nyɛɛ wo mɛ he wami; nɛ nakutsohi nɛ gbɔjɔ ɔ, nyɛ ha nɛ a da si kpɛii.

2 Korintobi 9:7

Lɔ ɔ he ɔ, nɔ tsuaa nɔ nɛ ha bɔ nɛ e to kaa e ma ha. E ha kɛ bua jɔmi, se pi kaa a ngɛ e nɔ nyɛe ke e pee; ejakaa Mawu suɔ nɔ nɛ haa nɔ́ kɛ bua jɔmi.