Ezra 1:5 - BAIBLO ALOO NGMAMI KLƆUKLƆU Ɔ

⁵ Kɛkɛ nɛ wɛtsoyi ɔmɛ ngɛ Yuda kɛ Benyamin, osɔfo ɔmɛ, Levi bi ɔmɛ, kɛ nihi tsuo nɛ Mawu mumi ɔ ta a he ɔ dla a he, konɛ a ya Yerusalem nɛ a ya ma Yawɛ we ɔ ekohu.

Ezra 1:5 ပူးပေါင်းရင်းမြစ်များ

Kronika II, 36:22

Benɛ Sirus ngɛ matsɛ yee ngɛ Persia a, jamɛ a kekleekle jeha a mi ɔ, Yawɛ ha nɛ nɔ́ ko nɛ e de to kɛ gu gbalɔ Yeremia nɔ ɔ ba mi. Yawɛ ha nɛ Sirus wo mlaa nɛ ɔ, nɛ a ngma ngɔ wo womi mi, nɛ e tsɔ ke a ya kane ngɛ e nɔ yemi he ɔmɛ tsuo, konɛ nɔ tsuaa nɔ nɛ nu. E ke,

Ezra 1:1

Benɛ Persia matsɛ, Sirus ba ye tsɛ ɔ, kekleekle jeha a mi ɔ, Yawɛ ha nɛ nɔ́ nɛ lɛ, Yawɛ ɔ de kɛ gu gbalɔ Yeremia nɔ ɔ ba mi. Yawɛ ngɔ juɛmi ko kɛ wo Matsɛ Sirus yi mi kaa e fa nɛ a ngma munyu nɛ ɔ, konɛ a kane nɛ a fiɛ ngɛ e nɔ yemi he ɔ he tsuaa he.

Ezra 1:2

“Bɔ nɛ Persia matsɛ, Sirus de ji nɛ ɔ nɛ: Yawɛ, Mawu nɛ ngɛ hiɔwe ɔ wo mi nɔ yelɔ ngɛ je ɔ tsuo nɔ, nɛ e ngɔ tsumi nɛ he hia nɛ ɔ ngɔ ha mi. E ke ma ma we ha lɛ ngɛ Yerusalem ngɛ Yuda zugba a nɔ.

Ezra 1:4

Mawu ma mi bi ɔmɛ nɛ a nuu kɛ ho ma se ya a, he tsuaa he nɛ a ngɛ ɔ, nihi nɛ kɛ mɛ ngɛ lejɛ ɔ nɛ a ha mɛ yemi kɛ buami nɛ a ngɛ hlae. A ha mɛ sika hiɔ, sika tsu, tlomi, lohwe, kɛ jehanɛ níhi nɛ a je tsui mi faa ba ke kɛ ha Mawu we ɔ ngɛ Yerusalem.”

Nehemia 2:12

Se i de we nɔ ko nɔ ko nɔ́ nɛ Mawu ngɔ wo ye mi ke ma pee ɔ. Nyɔ mi kɔ̃kɔ̃ɔ̃kɔ̃ ɔ, i te si, nɛ i kɛ ye nyɛmimɛ ɔmɛ bɔɔ pɛ je kpo. Wa ngɔɛ lohwe ko kɛ yɛ, ja teji nɛ i hi nɔ ɔ pɛ.

Abɛ Womi 16:1

Nɔmlɔ ma nyɛ maa to nɔ́ ko he ga ngɛ e yi mi. Se kaa nɔ́ ɔ maa hi, loo e be hie ɔ, lɔ ɔ lɛɛ e ngɛ Yawɛ dɛ mi.

Hagai 1:14

Yawɛ wo nɔ tsuaa nɔ mumi mi he wami kɛ ha ní tsumi ɔ: Sheatiel bi Zerubabel, Yuda ma a we amlaalo ɔ, kɛ Yehozadak bi Yoshua, osɔfo nɔkɔtɔma pe kulaa a, kɛ ni ɔmɛ tsuo nɛ je ma se kɛ ba a. Mɛ tsuo a bɔni Yawɛ Tabohiatsɛ, a Mawu ɔ we ɔ he ní tsumi

2 Korintobi 8:16

Wa naa Mawu si kaa e ha Tito suɔmi kɛ gɛjɛmi nɛ e kɛ maa ye bua nyɛ kaa bɔ nɛ i ngɛ pee ɔ.

Filipibi 2:13

Ejakaa be tsuaa be ɔ, Mawu ngɛ nyɛ he ní tsue, konɛ nyɛ na bua jɔmi nɛ nyɛ kɛ pee e suɔmi nya ní.

3 Yohane 1:11

Ye nyɛmi nɛ i suɔ! Ko ya wo nihi nɛ peeɔ ní yayamihi a nane; moo kase nihi nɛ peeɔ nɔ́ kpakpa mohu. Nɔ tsuaa nɔ nɛ peeɔ nɔ́ kpakpa a, Mawu nɔ́ ji lɛ; nɔ nɛ peeɔ yayami ɔ, e li Mawu.