Ezra 1:4 - BAIBLO ALOO NGMAMI KLƆUKLƆU Ɔ

⁴ Mawu ma mi bi ɔmɛ nɛ a nuu kɛ ho ma se ya a, he tsuaa he nɛ a ngɛ ɔ, nihi nɛ kɛ mɛ ngɛ lejɛ ɔ nɛ a ha mɛ yemi kɛ buami nɛ a ngɛ hlae. A ha mɛ sika hiɔ, sika tsu, tlomi, lohwe, kɛ jehanɛ níhi nɛ a je tsui mi faa ba ke kɛ ha Mawu we ɔ ngɛ Yerusalem.”

Ezra 1:4 ပူးပေါင်းရင်းမြစ်များ

Kronika I, 29:17

Ye Mawu, i le kaa moo lɛɛ o hyɛɛ nɔ tsui mi nɛ o kɛ leɔ ni nɛmɛ nɛ hi, ejakaa o naa ni kpakpahi a he bua jɔmi. I ngɔ ní nɛ ɔmɛ tsuo ngɔ ke mo kɛ je ye tsui mi faa, nɛ i na kaa o ma nɛ ba pue si ngɛ hiɛmɛ nɛ ɔ, mɛ hu a je a tsui mi faa ba ke mo ní.

Kronika I, 29:3

Ngɛ ní nɛ ɔmɛ kulaa a se ɔ, i ngɔ imi nitsɛ ye sika hiɔ, kɛ sika tsu ngɔ ha, ejakaa i suɔ Mawu we ɔ.

Kronika I, 29:9

Ma a ke Yawɛ ní kɛ je a tsui mi faa, nɛ a nya nɛ a bua jɔ a he kaa a nyɛ pee nɔ́ ko kaa ja. Matsɛ David hu bua jɔ e he saminya, nɛ e nya.

Kronika II, 31:14

Nike ní ɔmɛ nɛ a kɛ ba ha Yawɛ, nɛ ji bɔhi nɛ je tsui mi faa a, nɔ nɛ a to nɛ ma he ngɛ ma a dɛ, nɛ lɛ nɔuu e maa dla ji Imna binyumu Kore, Levi no ɔ. Kore ji Yawɛ we ɔ beleku je agbo ɔ nya buli ɔmɛ a nɔkɔtɔma.

Ezra 1:3

Mawu ma, nyɛ ti nihi nɛ nyɛ suɔ kaa nyɛ maa kpale ɔ, Mawu nɛ piɛ nyɛ he! Nyɛɛ ya Yerusalem ngɛ Yuda zugba a nɔ. Nyɛ ya ma Yawɛ, Israel Mawu ɔ we ɔ ekohu. Lɛ ji Mawu nɛ ngɛ Yerusalem ɔ nɛ.

Ezra 1:5

Kɛkɛ nɛ wɛtsoyi ɔmɛ ngɛ Yuda kɛ Benyamin, osɔfo ɔmɛ, Levi bi ɔmɛ, kɛ nihi tsuo nɛ Mawu mumi ɔ ta a he ɔ dla a he, konɛ a ya Yerusalem nɛ a ya ma Yawɛ we ɔ ekohu.

Ezra 9:15

Yawɛ, Israel Mawu, moo lɛɛ dalɔ ji mo, se kɛ̃, o ha wa yi na wami kɛ ba si mwɔnɛ ɔ. Wa ngɛ jajee ngɛ o hɛ mi kaa wa yeɔ fɔ, nɛ e sɛ́ kulaa kaa waa ba o hɛ mi.”

Mose II, 35:29

Israel ma a tsuo, nyumuhi kɛ yihi, kɛ nɔ tsuaa nɔ nɛ e ta e tsui mi kaa e ha nɔ́ ko nɛ a kɛ tsu ní tsumi slɔɔtohi nɛ Yawɛ fa Mose ke a tsu ɔ je a tsui mi faa ngɔ a nike ní ɔmɛ kɛ ba ba ha Yawɛ.

Yesaya 10:21

Israel ma a mi nihi bɔbɔyoo pɛ maa kpale kɛ ba a Mawu kpetekpleenyɛ ɔ ngɔ ekohu.

Ni Tsumi 24:17

“I hia blɔ kɛ je Yerusalem ya ye jeha babauu ngɛ ma se. Pee se ɔ, i kpale kɛ ba kɛ ye dɛ mi nike ní nɛ ma ba ha ye ma a mi bi komɛ, konɛ imi nitsɛ hu ma sã bɔ.

Galatabi 6:2

Nyɛɛ kpee nyɛ sibi kɛ tloo nyɛ tlomi ɔmɛ kaa bɔ nɛ Kristo mlaa a tsɔɔ kaa nyɛɛ pee ɔ.